Farmers Protest Live

യുവകർഷകന്റെ മരണം: സമരം കടുപ്പിക്കാൻ സംഘടനകൾ, ഹരിയാനയിൽ റോഡ് തടയും

കർഷകരുടെ പാർട്ടിയാണ് ഞങ്ങളുടേത്. കർഷകരുടെ ആവശ്യങ്ങൾക്കൊപ്പം ഞങ്ങൾ നിലകൊള്ളുന്നു. കർഷകരുടെ അവകാശങ്ങളുമായി ബന്ധപ്പെട്ട കാര്യങ്ങളിൽ  എല്ലായിപ്പോഴും ഞങ്ങൾ അവർക്കൊപ്പമായിരുന്നു, അത് തുടരും: അഖിലേഷ് യാദവ്

ഇന്നു മെഴുകുതിരി മാർച്ച്

ഇന്നു മെഴുകുതിരി മാർച്ചും നാളെ കർഷക സംബന്ധമായ വിഷയങ്ങളിൽ സെമിനാറുകളും നടക്കും

‘ദില്ലി ചലോ’ മാർച്ച് ഈ മാസം 29 വരെ നിർത്തിവയ്ക്കുമെന്ന്  പ്രതിഷേധങ്ങൾക്ക് നേതൃത്വം നൽകുന്ന സംയുക്ത കിസാൻ മോർച്ചയും (രാഷ്ട്രീയേതര) കിസാൻ മസ്ദൂർ മോർച്ചയും (കെഎംഎം) അറിയിച്ചു. അതുവരെ പഞ്ചാബ്–ഹരിയാന അതിർത്തിയിൽ തന്നെ തുടരും. തുടർനടപടികൾ 29നു യോഗം ചേർന്നു തീരുമാനിക്കും.

ദില്ലി ചലോ മാർച്ചിന് താൽക്കാലിക വിരാമം. അതിർത്തിയിൽ തുടര്‍ന്നു കർഷകർ പ്രതിഷേധിക്കും. കൂടുതൽ കർഷകരെ അതിർത്തിയിലേക്ക് എത്തിക്കുമെന്നു നേതാക്കൾ അറിയിച്ചു.  ദില്ലി ചലോ മാർച്ച് തുടരുന്ന കാര്യത്തിൽ അടുത്ത വ്യാഴാഴ്ച അന്തിമതീരുമാനം എടുക്കും. ഖനൗരിയിൽ ഒട്ടേറെ ട്രക്കുകൾ ഹരിയാന പൊലീസ് തകർത്തു. 

കർഷകസമരം സുപ്രീംകോടതിയിൽ. സിഖ് ചേംബർ ഓഫ് കൊമേഴ്‍സ് പൊതുതാൽപര്യ ഹർജി സമർപ്പിച്ചു. പൊലീസ് നടപടിയിൽ കേസെടുക്കണമെന്നും സാമൂഹിക മാധ്യമ അക്കൗണ്ടുകൾ റദ്ദാക്കരുതെന്നും ഹർജിയിലുണ്ട്. 

ഹരിയാനയിലെ ഹിസാരിൽ കർഷകരും പൊലീസും തമ്മിലുണ്ടായ സംഘർഷത്തിൽ ഒരു പൊലീസ് ഉദ്യോഗസ്ഥന് പരുക്ക്. പ്രതിഷേധക്കാർ കല്ലെറിയുകയും പൊലീസ് കണ്ണീർവാതകം പ്രയോഗിക്കുകയും ലാത്തിച്ചാർജ് നടത്തുകയും ചെയ്തു. പഞ്ചാബ് അതിർത്തിയിലെ ഖനൗരിയിലേക്കുള്ള കർഷകരുടെ മാർച്ച് തടഞ്ഞതിനെ തുടർന്നാണു അക്രമസംഭവങ്ങളുണ്ടായത്. 

കർഷകൻ ശുഭ് കരൺ സിങ്ങിന്റെ മരണത്തിന് ഉത്തരവാദികളായവർക്ക് എതിരെ പഞ്ചാബ് സർക്കാർ കേസെടുക്കുന്നതുവരെ മൃതദേഹം സംസ്കരിക്കില്ലെന്ന് ‘ദില്ലി ചലോ’മാർച്ചിൽ ഭാഗമായ കർഷക നേതാക്കൾ. ശുഭ് കരൺ സിങ്ങിന്റെ കുടുംബത്തിന് ധനസഹായമായി ഒരു കോടി രൂപയും സഹോദരിക്ക് സർക്കാർ ജോലിയും പഞ്ചാബ് മുഖ്യമന്ത്രി ഭഗവന്ത് സിങ് മാൻ പ്രഖ്യാപിച്ചതിനു പിന്നാലെയാണു കർഷക നേതാക്കളുടെ പ്രതികരണം. 

കരിദിനം ആചരിച്ച് കർഷകർ. വെടിയുണ്ടകൾ കൊണ്ട് കർഷകര‍ു‌ടെ ശബ്ദം അടിച്ചമർത്താൻ സർക്കാർ ശ്രമിക്കുന്നുവെന്ന് കർഷകർ.