ആദ്യഘട്ടത്തിൽ വിധിയെഴുതി വോട്ടർമാർ, 60.03% പോളിങ്; കൂടുതൽ ത്രിപുരയിൽ, കുറവ് ബിഹാറിൽ

ഏഴു മണി വരെയുള്ള കണക്കുകൾ പ്രകാരം ആദ്യഘട്ട വോട്ടെടുപ്പിൽ 60.03% പോളിങ്. കൂടുതൽ ത്രിപുരയിൽ– 79.90%, കുറവ് ബിഹാറിൽ– 47.49%

ആകെയുള്ള 39 മണ്ഡലങ്ങളിലും വോട്ടെടുപ്പ് നടന്ന തമിഴ്‌നാട്ടിൽ 62.08 ശതമാനം പോളിങ് രേഖപ്പെടുത്തു. പുതുച്ചേരിയിൽ 72.84%

കൂടുതൽ ബംഗാളിൽ; കുറവ് ബിഹാറിൽ

ആദ്യഘട്ട ലോക്സഭാ തിരഞ്ഞെടുപ്പിൽ ഏറ്റവും കൂടുതൽ പോളിങ് രേഖപ്പെടുത്തിയത് ബംഗാളിൽ. അഞ്ച് മണിവരെയുള്ള കണക്കുകൾ പ്രകാരം 77.57% ആളുകളാണ് ഇവിടെ വോട്ടു രേഖപ്പെടുത്തിയത്. ഏറ്റവും കുറവ് പോളിങ് ബിഹാറിലാണ്– 46.32%.

ആദ്യഘട്ട വോട്ടെടുപ്പിനുള്ള സമയപരിധി അവസാനിച്ചു. അഞ്ച് മണി വരെ 59.66 % പോളിങ്. അന്തിമ കണക്ക് പിന്നീട്

ആദ്യഘട്ടവോട്ടെടുപ്പിൽ വൈകിട്ട് 3 മണിവരെ 49.78 ശതമാനം പോളിങ്

ലോകത്തിലെ ഏറ്റവും ഉയരം കുറഞ്ഞ വനിതയായ ജ്യോതി കിഷന്‍ജി ആംഗേ ലോക്‌സഭാ തിരഞ്ഞെടുപ്പില്‍ വോട്ടു ചെയ്തു. മഹാരാഷ്ട്രയിലെ നാഗ്പുർ മണ്ഡലത്തിലാണ് ജ്യോതി വോട്ടു ചെയ്തത്.

ചില സ്ത്രീകൾ ക്രമക്കേട് ആരോപിച്ച് ബഹളമുണ്ടാക്കിയതിനെ തുടർന്ന് ഇംഫാലിലെ 5 തോങ്‌ജു, 31 ഖോങ്‌മാൻ സോണിൽ പോളിങ് നിർത്തിവച്ചു. പോളിങ് ഓഫിസർ പോളിങ് ബൂത്ത് അടച്ചു:

ത്രിപുരയിൽ 11 മണി വരെ 34.54 ശതമാനം പോളിങ്. ബംഗാളിൽ പോളിങ് 33.56 ശതമാനം

11 മണി വരെ 23.7 ശതമാനം പോളിങ് രേഖപ്പെടുത്തിയതായി തിരഞ്ഞെടുപ്പ് കമ്മിഷൻ അറിയിച്ചു. രാജസ്ഥാൻ 22.5, ഉത്തർപ്രദേശ് 22.5, മധ്യപ്രദേശ് 30.5, തമിഴ്നാട് 23.7, സിക്കിം 21.2, അരുണാചൽ പ്രദേശ് 19.5 എന്നിങ്ങനെയാണ് പോളിങ് ശതമാനം.