മുലദ്ദ ഇന്ത്യന്‍ സ്‌കൂളില്‍ സ്വാതന്ത്ര്യദിനം ആഘോഷിച്ചു
Mail This Article
മസ്‌കത്ത് ∙ ഇന്ത്യയുടെ 77ാമത് സ്വാതന്ത്ര്യ ദിനം മുലദ്ദ ഇന്ത്യന്‍ സ്‌കൂളില്‍ സമുചിതമായി ആഘോഷിച്ചു. സ്‌കൂള്‍ മാനേജ്‌മെന്റ് കമ്മിറ്റി പ്രസിഡന്റ് എ. അനില്‍കുമാര്‍, കമ്മിറ്റി അംഗങ്ങളായ ഡോ. ഫഹീം അഹമ്മദ്, ടി. എച്ച്. അര്‍ഷാദ്, പ്രിന്‍സിപ്പല്‍ എന്നിവര്‍ ചടങ്ങില്‍ സന്നിഹിതരായിരുന്നു.
എ. അനില്‍കുമാര്‍ ചടങ്ങില്‍ മുഖ്യാതിഥിയായിരുന്നു. സ്‌കൂള്‍ പ്രിന്‍സിപ്പല്‍ സദസിനെ അഭിസംബോധന ചെയ്തു.
സ്വാതന്ത്ര്യദിന പ്രമേയവുമായി ബന്ധപ്പെട്ട് വിദ്യാര്‍ഥികള്‍ വരച്ച മനോഹരമായ ചിത്രങ്ങള്‍ സ്‌കൂള്‍ ക്യാംപസില്‍ പ്രദര്‍ശിപ്പിച്ചു. കുട്ടികളുടെ സ്വാതന്ത്ര്യ ദിന പരിപാടികള്‍ പ്രേക്ഷകര്‍ക്ക് ദൃശ്യവിരുന്നായി മാറി. സ്വാതന്ത്ര്യദിനാഘോഷത്തിനു ശേഷം മുലദ്ദ ഇന്ത്യന്‍ സ്‌കൂളില്‍ പുതുതായി നിര്‍മിച്ച കംപ്യൂട്ടര്‍ ലാബിന്റെ ഉദ്ഘാടനം സ്‌കൂള്‍ മാനേജ്‌മെന്റ് കമ്മിറ്റി പ്രസിഡന്റ് എ. അനില്‍ കുമാര്‍ നിര്‍വഹിച്ചു.
