കെഎൽഎസ് കേരളപ്പിറവി ആഘോഷം നവംബർ 7ന്

ഓസ്റ്റിൻ ∙  കേരള ലിറ്റററി സൊസൈറ്റിയുടെ ആഭിമുഖ്യത്തിൽ (കെഎൽഎസ് ) കേരളപ്പിറവി ആഘോഷം യൂണിവേഴ്സിറ്റി ഓഫ് ടെക്സസ് ഓസ്റ്റിനിലെ മലയാളം ഡിപ്പാർട്ട്മെന്റ് വിദ്യാർഥികൾക്കൊപ്പം നവംബർ 7ന് രാവിലെ 10.30ന് യൂണിവേഴ്സിറ്റി ഓഫ് ടെക്സസ് ഓസ്റ്റിൻ മേയേഴ്‌സൺ കോൺഫറൻസ് റൂമിൽ നടക്കും. 

പ്രശസ്ത സാഹിത്യകാരൻ ഇ. സന്തോഷ്‌കുമാർ മുഖ്യ അതിഥിയായി പങ്കെടുക്കും.  യൂണിവേഴ്സിറ്റി ഓഫ് ടെക്സസ് ഓസ്റ്റിനിലെ മലയാളം പ്രഫസറും കെഎൽഎസ് അംഗവുമായ ഡോ. ദർശന മനയത്ത് പരിപാടികൾക്ക് നേതൃത്വം നൽകും. കെഎൽഎസ് പ്രസിഡന്റ് ഷാജു ജോൺ യോഗത്തിൽ അധ്യക്ഷത വഹിക്കും.  ഈ സമ്മേളനത്തിലേക്ക് ഏവരെയും കെഎൽഎസ് ഭാരവാഹികൾ സ്വാഗതം ചെയ്തു. കൂടുതൽ വിവരങ്ങൾക്ക് ഹരിദാസ് തങ്കപ്പൻ (കെഎൽഎസ് സെക്രട്ടറി) ബന്ധപ്പെടുക.
(വാർത്ത: സിജു വി. ജോർജ്)