അവലും നേന്ത്രപ്പഴവും ചേർത്തൊരു പലഹാരം

കുറഞ്ഞ ചേരുവകൾ കൊണ്ടു തയാറാക്കാവുന്ന കിടു പലഹാരം, ടേസ്റ്റുമാത്രമല്ല ആരോഗ്യത്തിനും നല്ലതാണ്.

ചേരുവകൾ 

• അവൽ - 1 കപ്പ് 
• നേന്ത്രപ്പഴം - 1 വലുത്
• തേങ്ങ - 1/4 കപ്പ്
• ശർക്കര - 2 കഷ്ണം
• അണ്ടിപ്പരിപ്പ് - 1 ടേബിൾസ്പൂൺ
• നെയ്യ് - 1 ടീസ്പൂൺ
• ഏലയ്ക്കാപ്പൊടി - 1/4 ടീസ്പൂൺ
• വെള്ളം - 1/4 കപ്പ്

തയാറാക്കുന്ന വിധം 

• അവൽ ഒരു ഫ്രൈയിങ് പാനിലേക്കിട്ടു നന്നായി വറുത്തു പൊടിച്ചെടുക്കുക. 
• ശർക്കര, വെള്ളം ചേർത്ത് ഉരുക്കി മാറ്റിവയ്ക്കുക. 
• ഒരു ഫ്രൈയിങ് പാനിൽ നെയ്യ് ചൂടാക്കി അണ്ടിപ്പരിപ്പ് അരിഞ്ഞതു ചേർത്തു മൂപ്പിക്കുക. 
• ഇതിലേക്കു പഴം അരിഞ്ഞത്, തേങ്ങാ എന്നിവ ചേർത്തു വേവിക്കുക.
• ഇതിലേക്കു പൊടിച്ച അവൽ, ഉരുക്കിയ ശർക്കര, ഏലയ്ക്കാപ്പൊടി എന്നിവ ചേർത്തു നന്നായി യോജിപ്പിച്ച് എടുക്കുക. ശേഷം ഒരു ബൗളിലേക്കിട്ട് കുഴച്ചു ഇഷ്ടമുള്ള ഷേപ്പിൽ ചായയുടെ കൂടെ വിളമ്പാം.

Content Summary : Aval banana healthy evening snack.