കല്യാണപാർട്ടികളിൽ വിളമ്പുന്ന അപ്പത്തിന്റെ രുചിരഹസ്യം ഇതാണ്

ക്രിസ്മസിന് പ്രധാനമാണ് പാലപ്പം. നല്ല മൊരിഞ്ഞ മയമുള്ള പാലപ്പവും താറാവ് കറിയും ക്രിസ്മസ് പ്രാതലിന് ഉത്തമം. 

തലേന്ന് അരി കുതിർക്കാതെ തന്നെ അടിപൊളി പാലപ്പം തയാറാക്കാം. ഒരുമണിക്കൂർ കൊണ്ട് പൂ പോലത്തെ പാലപ്പം ഉണ്ടാക്കാം. 

ചേരുവകൾ

അരിപ്പൊടി- 2 കപ്പ്
ചോറ് - 1 കപ്പ്
യീസ്റ്റ് - 1 റ്റീസ്പൂൺ 
ഉപ്പു - 1 റ്റീസ്പൂൺ 
പഞ്ചസാര - 2ടേബിൾ സ്പൂൺ 
ചെറു ചൂടുവെള്ളം - 2 cup 
വെളിച്ചെണ്ണ - 1 ടേബിൾ സ്പൂൺ 

തയാറാക്കുന്നവിധം

മിക്സിയുടെ വലിയ ജാറിലേക്ക് മേൽപറഞ്ഞ എല്ലാ ചേരുവകളും കൂടെ ഇട്ട് നന്നായി അരച്ച് എടുക്കാം. 

അരച്ച് വച്ച മാവ് ഒരു പാത്രത്തിൽ ഒഴിച്ച് 1 മണിക്കൂർ മാവ് പുളിച്ചു പൊങ്ങാനായി വയ്ക്കാം. പുളിച്ച് പൊങ്ങാനായി വയ്ക്കാം. പുളിച്ച് പൊങ്ങിയമാവ് നന്നായി ഇളക്കി യോജിപ്പിച്ച് ആവശ്യാനുസരണം അപ്പച്ചട്ടിയിൽ ഒഴിച്ച് രുചികരമായ അപ്പം ചുട്ടെടുക്കാം.