Activate your premium subscription today
ഐഎസ്എലിലെ ‘സ്മോൾ ബ്രേക്ക്’ കഴിഞ്ഞു കേരള ബ്ലാസ്റ്റേഴ്സ് ക്യാംപിന് ഇന്നു തുടക്കമാകും. പതിനൊന്നാം പതിപ്പിന്റെ മൂന്നിലൊന്ന് അധ്യായം പിന്നിടുമ്പോൾ ഇനിയും പഠനം തുടങ്ങാത്ത നിലയിലാണു ബ്ലാസ്റ്റേഴ്സ്. രണ്ടു ജയം, രണ്ടു സമനില, നാലു തോൽവി എന്നിങ്ങനെയാണു 8 മത്സരം പൂർത്തിയാക്കിയ ബ്ലാസ്റ്റേഴ്സിന്റെ ചിത്രം. കഴിഞ്ഞ മൂന്നു സീസണുകളിൽ പ്ലേഓഫ് കടന്നിട്ടും കിരീടം മാത്രം ലക്ഷ്യമിട്ടു പരിശീലക സ്ഥാനത്തുൾപ്പെടെ അഴിച്ചുപണി നടത്തിയ ടീമിനെ ഉലയ്ക്കുന്നതാണീ കണക്കുകൾ.
കൊച്ചി ∙ സീസണിൽ ഒരേയൊരു വിജയവുമായി ‘വിഷമിച്ച്’ കൊച്ചിയിലെത്തിയ ഹൈദരാബാദ് എഫ്സിയെയും കേരള ബ്ലാസ്റ്റേഴ്സ് ‘സന്തോഷിപ്പിച്ച്’ തിരിച്ചയച്ചു! ‘അതിഥി ദേവോ ഭവ’ എന്ന് ഓരോ ചലനത്തിലും ഉറക്കെ പ്രഖ്യാപിച്ച കേരള ബ്ലാസ്റ്റേഴ്സിന്, ഹൈദരാബാദ് എഫ്സിക്കെതിരായ ഐഎസ്എൽ പോരാട്ടത്തിൽ നിരാശപ്പെടുത്തുന്ന തോൽവി. പിന്നിൽനിന്നും തിരിച്ചടിച്ച് 2–1നാണ് ഹൈദരാബാദ് എഫ്സി ബ്ലാസ്റ്റേഴ്സിനെ വീഴ്ത്തിയത്. ഹൈദരാബാദ് എഫ്സിക്കായി ബ്രസീലിയൻ താരം ആന്ദ്രെ ആൽബ ഇരട്ടഗോൾ നേടി. 43, 70 (പെനൽറ്റി) മിനിറ്റുകളിലായിരുന്നു താരത്തിന്റെ ഗോളുകൾ. ബ്ലാസ്റ്റേഴ്സിന്റെ ഏക ഗോൾ 13–ാം മിനിറ്റിൽ ഹെസൂസ് ഹിമെനെ നേടി.
ഐഎസ്എൽ ഫുട്ബോളിൽ ജംഷഡ്പുർ എഫ്സിക്കെതിരെ ചെന്നൈയിൻ എഫ്സിക്ക് 5–1ന്റെ കൂറ്റൻ ജയം. ജംഷഡ്പുരിന്റെ സ്വന്തം മൈതാനമായ ജെആർഡി ടാറ്റ സ്പോർട്സ് കോംപ്ലക്സിൽ നടന്ന മത്സരത്തിൽ ഇർഫാൻ യദ്വദ് (22), കൊന്നോർ ഷീൽഡ്സ് (24), വിൽമർ ജോർദാൻ ഗിൽ (54), ലൂകാസ് ബ്രാംബില്ല (71) എന്നിവരാണ് ചെന്നൈയിനായി ലക്ഷ്യം കണ്ടത്.
നെഞ്ചിന്റെ ഇടത്തേമൂലയിൽ ആഞ്ഞു പതിച്ച 4 ഗോളുകളിൽ കേരള ബ്ലാസ്റ്റേഴ്സിന് ‘കാർഡിയാക് അറസ്റ്റ്’. പെനൽറ്റിയിലൂടെ ഹെസൂസ് ഹിമെനെയും ക്ലാസിക് ഹെഡറിലൂടെ ക്വാമെ പെപ്രയും നൽകിയ പ്രഥമശുശ്രൂഷകൾ ഫലിച്ചില്ല. നിക്കൊളാസ് കരേലിസിന്റെ ഇരട്ട ഗോളുകളുടെ മികവിൽ 4–2നു ബ്ലാസ്റ്റേഴ്സിനെതിരെ മുംബൈ വിജയം പിടിച്ചെടുത്തു.
എവെ ഗ്രൗണ്ടിൽ മുംബൈ സിറ്റിക്കെതിരെ പൊരുതിവീണ് കേരള ബ്ലാസ്റ്റേഴ്സ്. രണ്ടിനെതിരെ നാലു ഗോളുകൾക്കാണ് മുംബൈ ബ്ലാസ്റ്റേഴ്സിനെ വീഴ്ത്തിയത്. നികോസ് കരേലിസ് (9, 55 പെനാൽറ്റി), നേതൻ ആഷർ (75), ചാങ്തെ (90 പെനാൽറ്റി) എന്നിവരാണ് മുംബൈയുടെ ഗോൾ സ്കോറർമാർ. ബ്ലാസ്റ്റേഴ്സിനായി ഹെസൂസ് ഹിമെനെയും (57 പെനാല്റ്റി), ക്വാമി പെപ്രയും (71) ലക്ഷ്യം കണ്ടു. സീസണിലെ മൂന്നാം തോൽവി വഴങ്ങിയ ബ്ലാസ്റ്റേഴ്സ് പോയിന്റ് പട്ടികയിൽ പത്താം സ്ഥാനത്തായി. എട്ടു പോയിന്റാണ് ബ്ലാസ്റ്റേഴ്സിനുള്ളത്. രണ്ടാം വിജയം നേടിയ മുംബൈ ഒൻപതു പോയിന്റുമായി ഏഴാം സ്ഥാനത്താണ്.
മുംബൈയുടെ സെന്റർ ബാക്ക് ടിറിയുടെ കാലുകൾ ഫുട്ബോളിനു സ്വന്തമെങ്കിലും ഇടംകൈ ‘ഇന്ത്യ’യ്ക്കു വേണ്ടി ഉഴിഞ്ഞുവച്ചിരിക്കുകയാണ്. കൈത്തണ്ട മുതൽ തോൾ വരെ ഇന്ത്യയോടുള്ള സ്നേഹം പച്ചകുത്തി നിറച്ചിരിക്കുകയാണ് ഈ സ്പാനിഷ് താരം. 45 ദിവസമെടുത്ത് പൂർത്തിയാക്കിയ ടാറ്റൂവിലുള്ളതു ശ്രീബുദ്ധനും ബംഗാൾ കടുവയും. തോളിൽ ഇന്ത്യ എന്ന വാക്കും പച്ചകുത്തിയിട്ടുണ്ട്. ടാറ്റൂവിനു പിന്നിലെ രഹസ്യം ഇങ്ങനെ: ‘ശ്രീബുദ്ധനോട് എന്നും എനിക്ക് ആദരവും സ്നേഹവുമുണ്ട്.
ഐഎസ്എൽ ഫുട്ബോളിൽ ചെന്നൈയിൻ എഫ്സിക്കെതിരെ പഞ്ചാബ് എഫ്സിക്ക് ജയം (3–2). സ്ലൊവേനിയൻ താരം ലൂക്ക മാജ്സന്റെ ഇരട്ടഗോളുകളാണ് പഞ്ചാബിനു തുണയായത്. പോയിന്റ് പട്ടികയിൽ പഞ്ചാബ് 3–ാം സ്ഥാനത്തും ചെന്നൈ 6–ാം സ്ഥാനത്തുമാണ്.
ഇന്ത്യൻ സൂപ്പർ ലീഗില് ശനിയാഴ്ച നടന്ന രണ്ടാം മത്സരത്തിൽ മുഹമ്മദൻ എസ്സിക്കെതിരെ ഹൈദരാബാദിന്റെ ഗോളടിമേളം. എതിരില്ലാത്ത നാലു ഗോളുകൾക്കാണ് ഹൈദരാബാദ് ജയിച്ചത്. സീസണിൽ ഹൈദരാബാദിന്റെ ആദ്യ വിജയമാണിത്. മുഹമ്മദൻസിന്റെ ഹോം ഗ്രൗണ്ടിൽ നടന്ന പോരാട്ടത്തിൽ ആദ്യ പകുതി മുതൽ ഹൈദരാബാദിനായിരുന്നു ആധിപത്യം.
ഇന്ത്യൻ സൂപ്പർ ലീഗിൽ നോർത്ത് ഈസ്റ്റ് യുണൈറ്റഡിന് വമ്പന് വിജയം. പോയിന്റു പട്ടികയിലെ രണ്ടാമൻമാരായ ജാംഷഡ്പൂരിനെ എതിരില്ലാത്ത അഞ്ചു ഗോളുകൾക്കാണ് നോർത്ത് ഈസ്റ്റ് തകർത്തുവിട്ടത്. 29–ാം മിനിറ്റിൽ സ്റ്റീഫൻ ഇസെ ചുവപ്പു കാർഡു കണ്ടു പുറത്തായതോടെ ജാംഷഡ്പൂർ പത്തുപേരുമായാണ് കളിയിൽ ഭൂരിഭാഗവും കളിച്ചത്.
കൊച്ചി ∙ സീസണിലാദ്യമായി ബെംഗളൂരു എഫ്സിയുടെ പോസ്റ്റിൽ കയറിയ ഗോളിന്റെ ആവേശമെല്ലാം കെടുത്തിക്കളഞ്ഞ് കേരള ബ്ലാസ്റ്റേഴ്സ് അവർക്ക് ‘തളികയിൽവച്ച് സമ്മാനിച്ച’ മൂന്നു ഗോളുകൾ. എത്രയെല്ലാം മറക്കാൻ ശ്രമിച്ചാലും വീണ്ടും വീണ്ടും മുറിപ്പെടുത്തുന്ന ആ ഗോളോർമകളുടെ നൊമ്പരം പേറി കൊച്ചി ജവഹർലാൽ നെഹ്റു സ്റ്റേഡിയത്തിൽ കേരള ബ്ലാസ്റ്റേഴ്സിന് മറ്റൊരു തോൽവിഭാരം കൂടി. എഡ്ഗാർ മെൻഡസിന്റെ ഇരട്ടഗോളും (74, 90+4), മുൻ ബ്ലാസ്റ്റേഴ്സ് താരം കൂടിയായ ഹോർഹെ പെരേര ഡയസിന്റെ (8–ാം മിനിറ്റ്) ഗോൾ കൂടി ചേർന്നതോടെയാണ് ബെംഗളൂരു എഫ്സി ബ്ലാസ്റ്റേഴ്സിന്റെ തട്ടകത്തിൽനിന്ന് തകർപ്പൻ വിജയവുമായി തിരികെ കയറിയത്.
ഇന്ത്യൻ സൂപ്പർ ലീഗിൽ ചെന്നൈയിൻ എഫ്സി– എഫ്സി ഗോവ ആവേശപ്പോരാട്ടം സമനിലയില് കലാശിച്ചു. ഇരു ടീമുകളും രണ്ടു ഗോൾ വീതം നേടി സമനില പാലിക്കുകയായിരുന്നു. ആദ്യ പകുതിയുടെ 11–ാം മിനിറ്റിൽ ജോർദാൻ ഗില്ലിന്റെ ഗോളിൽ ചെന്നൈയിൻ മത്സരത്തിൽ ലീഡെടുത്തു. എന്നാൽ ഉദാന്ത സിങ് (45),
ജംഷഡ്പുർ ∙ ഐഎസ്എൽ ഫുട്ബോളിൽ ജംഷഡ്പുർ എഫ്സി 2–1ന് ഹൈദരാബാദ് എഫ്സിയെ തോൽപിച്ചു. 12 പോയിന്റോടെ ജംഷഡ്പുർ രണ്ടാം സ്ഥാനത്തുണ്ട്. ഒരു പോയിന്റു മാത്രമുള്ള ഹൈദരാബാദ് 12–ാം സ്ഥാനത്ത്.
കിഷോർ ഭാരതി ക്രീരംഗൻ സ്റ്റേഡിയത്തിൽ കലിതുള്ളിയ മുഹമ്മദൻസ് ആരാധകർക്കു ചുട്ട മറുപടി നൽകി കേരള ബ്ലാസ്റ്റേഴ്സ് (2-1). ആദ്യ പകുതിയിൽ ഒരു ഗോളിനു പിന്നിൽ നിന്ന ബ്ലാസ്റ്റേഴ്സ് രണ്ടാം പകുതിയിൽ രണ്ടു ഗോൾ നേടി വിജയം പിടിച്ചെടുക്കുകയായിരുന്നു.
ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന് രണ്ടാം വിജയം. തുടർച്ചയായ രണ്ടു സമനിലകൾക്കൊടുവിൽ, മുഹമ്മദൻസ് എസ്സിയെ ഒന്നിനെതിരെ രണ്ടു ഗോളുകൾക്കാണു ബ്ലാസ്റ്റേഴ്സ് തകർത്തത്. ആദ്യ പകുതിയിൽ പിന്നിലായ ശേഷം രണ്ടു ഗോളുകൾ തിരിച്ചടിച്ചാണ് ബ്ലാസ്റ്റേഴ്സ് കളി പിടിച്ചത്. ബ്ലാസ്റ്റേഴ്സിനായി ക്വാമെ പെപ്ര (67–ാം മിനിറ്റ്), ഹെസൂസ് ഹിമെനെ (76) എന്നിവരാണു ലക്ഷ്യം കണ്ടത്. ആദ്യ പകുതിയിൽ മിർജാലോൽ കസിമോവ് മുഹമ്മദൻസിന്റെ പെനാൽറ്റി ഗോൾ നേടി.
കൊൽക്കത്ത ∙ ലാത്തി, സ്മോക് ഗ്രനേഡുകൾ, റബർ ബുള്ളറ്റും പിസ്റ്റനും! സമരക്കാരെ നേരിടുന്ന പൊലീസുകാരുടെ കയ്യിലുള്ള ആയുധങ്ങളുടെ ലിസ്റ്റല്ല. കൊൽക്കത്ത ഡാർബി നടക്കുന്ന സോൾട്ട് ലേക്ക് സ്റ്റേഡിയത്തിന്റെ പ്രവേശനകവാടത്തിലുള്ള സുരക്ഷാ ജീവനക്കാർ കൈവശം വയ്ക്കുന്ന ‘ടൂൾസാണ്’ ഇവ.
ദിൽ മേം മുഹമ്മദൻസ്!’ സൗത്ത് കൊൽക്കത്തയിൽ മുഹമ്മദൻസ് സ്പോർട്ടിങ് ക്ലബ്ബിന്റെ ഹോം ഗ്രൗണ്ടായ കിഷോർ ഭാരതി ക്രീരംഗൻ സ്റ്റേഡിയത്തിനു സമീപമാണ് ഹോട്ടൽ ജീവനക്കാരനായ സുനിൽ ചൗധരിയുടെ വീട്. ചെറിയ ഇടവേളയ്ക്കു ശേഷം പുനരാരംഭിച്ച ഐഎസ്എലിൽ ഇന്ന് മുഹമ്മദൻസ് കേരള ബ്ലാസ്റ്റേഴ്സിനെ തകർക്കുമെന്നാണ് ക്ലബ്ബിന്റെ ആരാധക കൂട്ടായ്മയായ ബ്ലാക്ക് ആൻഡ് വൈറ്റ് ബ്രിഗേഡ് അംഗം കൂടിയായ സുനിലിന്റെ വിശ്വാസം. പരമാവധി 12000 പേർക്ക് മാത്രമിരിക്കാവുന്ന ചെറിയ സ്റ്റേഡിയത്തിൽ മുഹമ്മദൻസിന് ലഭിക്കുന്ന ആർപ്പുവിളി ചെറുതായിരിക്കില്ലെന്ന് സുനിലിന്റെ ഉറപ്പ്. ഇന്നു രാത്രി 7.30നാണ് മത്സരത്തിനു കിക്കോഫ്. സ്പോർട്സ് 18 ചാനലിലും ജിയോ സിനിമയിലും തൽസമയം.
കൊൽക്കത്ത∙ സ്റ്റഡി ലീവ് കഴിഞ്ഞു. ഐഎസ്എൽ ഫുട്ബോളിൽ കേരള ബ്ലാസ്റ്റേഴ്സിന് ഇനി പരീക്ഷക്കാലം. ചെറിയ ഇടവേളയ്ക്കു ശേഷമുള്ള ആദ്യ മത്സരത്തിനായി എക്സാം സെന്ററായ കൊൽക്കത്തയിൽ ടീം ഇന്നലെ ലാൻഡ് ചെയ്തു. നാളെ മുഹമ്മദൻസ് സ്പോർട്ടിങ് ക്ലബ്ബിനെതിരായ മത്സരത്തിൽ ‘ജസ്റ്റ് പാസ്’ അല്ല, ഫസ്റ്റ് ക്ലാസ് വിജയമാണ് ലക്ഷ്യം. അതിനുള്ള ഒരുക്കം കഴിഞ്ഞ ദിവസങ്ങളിലായി ടീം ചെയ്തിട്ടുണ്ട്. സ്വന്തം പാഠങ്ങളും എതിർ ടീമുകളെപ്പറ്റിയുള്ള പാഠങ്ങളും പല തവണയായി റിവിഷൻ നടത്തി
ഐഎസ്എൽ ഫുട്ബോളിൽ പഞ്ചാബ് എഫ്സിയെ 1–0ന് തോൽപിച്ച ബെംഗളൂരു എഫ്സി പോയിന്റ് പട്ടികയിൽ ഒന്നാം സ്ഥാനത്ത്. 43–ാം മിനിറ്റിൽ നവോറം റോഷൻ സിങ്ങാണ് ബെംഗളൂരുവിന്റെ വിജയഗോൾ നേടിയത്. ജയത്തോടെ, തുടർച്ചയായ 5–ാം മത്സരത്തിലും ഗോൾ വഴങ്ങാതിരുന്ന ബെംഗളൂരു പുതിയ ലീഗ് റെക്കോർഡിട്ടു.
കൊച്ചി ∙ ഐഎസ്എൽ ഫുട്ബോളിന്റെ ഇടവേള ഇക്കുറി കേരള ബ്ലാസ്റ്റേഴ്സിന് ‘ഇടഞ്ഞവേള’ ആകില്ല – പറയുന്നത് ടീമിന്റെ പരിശീലകൻ മികായേൽ സ്റ്റാറെ. ഐഎസ്എലിൽ ഇടവേളയ്ക്കു ശേഷം കളത്തിലെത്തുമ്പോൾ പ്രകടനം മോശമാകാറുള്ള ബ്ലാസ്റ്റേഴ്സിന്റെ ‘വീക്നെസ്’ വീണ്ടും ആവർത്തിക്കുമോയെന്ന ആരാധകരുടെ ആശങ്കകൾക്കാണ് ആശാന്റെ തിരുത്ത്. ഇടവേളയിലെ ‘ദുർഭൂതത്തിന്റെ’ കാര്യത്തിൽ മാത്രമല്ല,
ഗുവാഹത്തി ∙ ഐഎസ്എൽ ഫുട്ബോളിൽ നോർത്ത് ഈസ്റ്റ് യുണൈറ്റഡിനെ 3–2നു തോൽപിച്ച് ചെന്നൈയിൻ എഫ്സി. 5–ാം മിനിറ്റിൽ െസ്റ്റർ ആൽബിയാച്ച് നേടിയ ഗോളിൽ നോർത്ത് ഈസ്റ്റ് മുന്നിലെത്തിയെങ്കിലും വിൽമർ ജോർദാന്റെ ഡബിൾ ഗോളുകളിൽ ചെന്നൈയിൻ മുന്നിലെത്തി. ഇടയ്ക്കു ലൂക്കാസ് ബ്രാംബില്ലയും ഗോൾ നേടിയിരുന്നു. പെനൽറ്റി കിക്ക് ഗോളാക്കി അലാദിൻ അജാരെ നോർത്ത് ഈസ്റ്റിന്റെ തോൽവിഭാരം കുറച്ചു(3–2).
സ്പാനിഷ് കോച്ച് ഓസ്കർ ബ്രുസനെ ഐഎസ്എൽ ഫുട്ബോൾ ക്ലബ് കൊൽക്കത്ത ഈസ്റ്റ് ബംഗാളിന്റെ പരിശീലകനായി നിയമിച്ചു. മോശം പ്രകടനത്തെത്തുടർന്ന് പുറത്താക്കപ്പെട്ട കാർലോസ് ക്വാദ്രത്തിനു പകരമായാണ് നിയമനം. നാൽപത്തിയേഴുകാരനായ ബ്രുസൻ ബംഗ്ലദേശ് ക്ലബ് ബഷുന്ധര കിങ്സിനെ തുടർച്ചയായി 5 ലീഗ് കിരീടങ്ങളിലേക്കു നയിച്ചിട്ടുണ്ട്.
ജംഷഡ്പുർ ∙ ഇന്ത്യൻ സൂപ്പർ ലീഗ് (ഐഎസ്എൽ) 11–ാം സീസണിൽ ഈസ്റ്റ് ബംഗാളിന് തുടർച്ചയായ നാലാം തോൽവി. ഏകപക്ഷീയമായ മത്സരത്തിൽ ജംഷഡ്പുർ എഫ്സിയാണ് ഈസ്റ്റ് ബംഗാളിന് നാലാം തോൽവി സമ്മാനിച്ചത്. ഏകപക്ഷീയമായ രണ്ടു ഗോളുകൾക്കാണ് ജംഷഡ്പുരിന്റെ വിജയം. ഇന്നത്തെ രണ്ടാം മത്സരത്തിൽ മോഹൻ ബഗാൻ സൂപ്പർ ജയന്റ്സ് ഏകപക്ഷീയമായ മൂന്നു ഗോളുകൾക്ക് മുഹമ്മദൻസ് സ്പോർട്ടിങ്ങിനെ തോൽപ്പിച്ചു.
ഭുവനേശ്വർ ∙ ബെംഗളൂരു വഴി കൊച്ചിയിലേക്കുള്ള ഇൻഡിഗോ വിമാനം. സീറ്റ് ബെൽറ്റ് മുറുക്കവേ, നോറ ഫെർണാണ്ടസ് പറഞ്ഞു: ‘‘ആദ്യ 25 മിനിറ്റിൽ ഗംഭീര കളിയായിരുന്നു നമ്മുടേത്. 4 ഗോളെങ്കിലും അടിക്കുമെന്നു കരുതി. സെൽഫ് ഗോൾ പക്ഷേ, നിർഭാഗ്യമായി.എങ്കിലും ജയിക്കാമായിരുന്നു’’- കേരള ബ്ലാസ്റ്റേഴ്സിന്റെ മൂന്നാം നമ്പർ ഗോൾ കീപ്പറായ നോറയുടെ വാക്കുകളിൽ നിരാശ പ്രകടം.
മഡ്ഗാവ് ∙ ഐഎസ്എൽ ഫുട്ബോളിലെ എഫ്സി ഗോവ–നോർത്ത് ഈസ്റ്റ് യുണൈറ്റഡ് മത്സരത്തിൽ ആവേശ സമനില (3–3). ഇൻജറി ടൈമിൽ (90+4) ബോർഹ ഹെരേര നേടിയ ഗോളിലാണ് ഗോവ സമനില നേടിയെടുത്തത്. അർമാൻഡോ സാദിക്കു (45+2–പെനൽറ്റി, 47) ഗോവയ്ക്കായും നെസ്റ്റർ ആൽബിയാഷ് (6, 51) നോർത്ത് ഈസ്റ്റിനായും ഇരട്ടഗോൾ നേടി. 56–ാം മിനിറ്റിൽ അലാദ്ദീൻ അജാരെയാണ് നോർത്ത് ഈസ്റ്റിന്റെ മൂന്നാം ഗോൾ നേടിയത്.
ആദ്യ 21 മിനിറ്റിനിടെ, ഒഡീഷ വലയിലേക്കു രണ്ടു വട്ടം നിറയൊഴിച്ചിട്ടും കലിംഗപ്പോരിൽ ബ്ലാസ്റ്റേഴ്സിനു 2–2 സമനിലയുടെ നിരാശ. തീ പാറിയ മത്സരത്തിൽ അലക്സാന്ദ്രെ കോയെഫിന്റെ സെൽഫ് ഗോളാണു ബ്ലാസ്റ്റേഴ്സിന്റെ താളം തെറ്റിച്ചത്. ഒഡീഷയെ അവരുടെ തട്ടകത്തിൽ തോൽപിക്കാൻ ബ്ലാസ്റ്റേഴ്സിന് ഇക്കുറിയും കഴിഞ്ഞില്ല. കഴിഞ്ഞ സീസൺ പ്ലേ ഓഫ് തോൽവിയുടെ വേദനയും ബാക്കി.
ന്യൂഡൽഹി ∙ഗുവാഹത്തിയിൽ കേരള ബ്ലാസ്റ്റേഴ്സിനെതിരായ ഐഎസ്എൽ മത്സരത്തിനിടെ നോർത്ത് ഈസ്റ്റ് യുണൈറ്റഡ് ഡിഫൻഡർ അഷീർ അക്തറിനു റഫറി നൽകിയ ചുവപ്പുകാർഡ് അഖിലേന്ത്യാ ഫുട്ബോൾ ഫെഡറേഷൻ അച്ചടക്ക സമിതി മഞ്ഞക്കാർഡായി ലഘൂകരിച്ചു. നോവ സദൂയിയെ ഫൗൾ ചെയ്തതിനാണ് അഷീറിന് ചുവപ്പുകാർഡ് ലഭിച്ചത്.
ഭുവനേശ്വർ∙ ആദ്യ പകുതിയിൽ പിറന്ന എണ്ണം പറഞ്ഞ നാലു ഗോളുകൾ, രണ്ടാം പകുതിയിൽ പിറക്കാതെ പോയ എണ്ണമില്ലാത്ത എത്രയോ ഗോളുകൾ, ഒപ്പം ബ്ലാസ്റ്റേഴ്സിന് റഫറി അനുവദിക്കാതെ പോയ ഒരു പെനൽറ്റിയും... ഇരു ടീമുകളും കളത്തിലും കണക്കിലും ഒപ്പത്തിനൊപ്പം പൊരുതിയ ആവേശപ്പോരാട്ടത്തിൽ സമനിലയ്ക്ക് കൈകൊടുത്ത് കേരള ബ്ലാസ്റ്റേഴ്സും ഒഡീഷ എഫ്സിയും. ആവേശം വാനോളമുയർന്ന മത്സരത്തിൽ രണ്ടു ഗോൾ വീതം നേടിയാണ് ഇരു ടീമുകളും സമനിലയ്ക്ക് സമ്മതിച്ചത്. മത്സരത്തിന്റെ ആദ്യ പകുതിയിലാണ് നാലു ഗോളുകളും പിറന്നത്.
മത്സരത്തലേന്നു കലിംഗ സ്റ്റേഡിയത്തിലെ മാധ്യമ സമ്മേളന മുറിയിലിരുന്നു കേരളത്തിന്റെ യുവ മിഡ്ഫീൽഡർ വിബിൻ മോഹനൻ പറഞ്ഞു: ‘‘ ഇതു പുതിയ സീസൺ ആണെങ്കിലും എല്ലാവരും വാശിയിലാണ്; ഒഡീഷയെ തോൽപിക്കണം. കഴിഞ്ഞ പ്ലേ ഓഫിൽ മാത്രമല്ല, കലിംഗ സ്റ്റേഡിയത്തിൽ ഒരിക്കലും ഒഡീഷയെ തോൽപിക്കാൻ നമുക്കു കഴിഞ്ഞിട്ടില്ല. ആ ചരിത്രവും തിരുത്തണം!’’
ഇന്ത്യൻ സൂപ്പർ ലീഗിൽ ബെംഗളൂരു എഫ്സി– മുംബൈ സിറ്റി എഫ്സി പോരാട്ടം ഗോൾരഹിത സമനിലയിൽ. മുംബൈയുടെ ഹോം ഗ്രൗണ്ടിൽ നടന്ന പോരാട്ടത്തിൽ ഗോളവസരങ്ങൾ ഇരു ടീമുകളും ഒരു പോലെ സൃഷ്ടിച്ചെങ്കിലും ലക്ഷ്യം കാണാൻ സാധിച്ചില്ല. പന്തടക്കത്തിലും പാസുകളുടെ എണ്ണത്തിലും ബെംഗളൂരു എഫ്സിയായിരുന്നു മുംബൈയേക്കാൾ മുന്നിൽ.
ഹൈദരാബാദ്∙ ഇന്ത്യൻ സൂപ്പർ ലീഗിൽ (ഐഎസ്എൽ) ഹൈദരാബാദ് എഫ്സി – ചെന്നൈയിൻ എഫ്സി പോരാട്ടം ഗോൾരഹിത സമനിലയിൽ. ഹൈദരാബാദ് എഫ്സിയുടെ തട്ടകത്തിൽ നടന്ന മത്സരത്തിലാണ് ഇരു ടീമുകളും സമനിലയ്ക്കു കൈകൊടുത്ത് പിരിഞ്ഞത്. പരാഗ് ശ്രീവാസ് ചുവപ്പുകാർഡ് കണ്ട് 71–ാം മിനിറ്റിൽ പുറത്തുപോയതിനാൽ, 10 പേരുമായാണ് ഹൈദരാബാദ് എഫ്സി അവസാന 20 മിനിറ്റ് കളിച്ചത്.
ഗോളവസരങ്ങൾ പലവട്ടം വാതിൽ തുറന്നുപിടിച്ചിട്ടും അകത്തേക്കു കയറാൻ മടിച്ചു നിന്ന കേരള ബ്ലാസ്റ്റേഴ്സിന് ഐഎസ്എൽ ഫുട്ബോളിൽ ഈ സീസണിലെ ആദ്യ എവേ മത്സരത്തിൽ സമനില. നോർത്ത് ഈസ്റ്റ് യുണൈറ്റഡിനെതിരെ 1–1 എന്ന സ്കോറിലാണ് ബ്ലാസ്റ്റേഴ്സ് സമനിലയിൽ പിരിഞ്ഞത്.
ഗുവാഹത്തി ∙ ഇന്ദിരാഗാന്ധി സ്റ്റേഡിയത്തിനു സമീപത്തെ ഗ്രൗണ്ടിൽ രാവിലെ നോർത്ത് ഈസ്റ്റ് യുണൈറ്റഡിന്റെ പരിശീലനം നടക്കുന്നു. ഗ്രൗണ്ടിന്റെ അങ്ങേപ്പുറത്ത് മലയാളി താരം എം.എസ്. ജിതിൻ. എന്താ സുഖമല്ലേ എന്ന അൽപം ഉച്ചത്തിലുള്ള മലയാളിച്ചോദ്യത്തിന് നോർത്ത് ഈസ്റ്റ് ടീമിലുള്ള 3 മലയാളികളും മറുപടി പറഞ്ഞു– അതേ, സുഖം തന്നെ!
ഗുവാഹത്തി∙ ഇന്ത്യൻ സൂപ്പർ ലീഗ് സീസണിലെ ആദ്യ എവേ മത്സരത്തിൽ കേരള ബ്ലാസ്റ്റേഴ്സിനു സമനില. നോർത്ത് ഈസ്റ്റ് യുണൈറ്റഡിനെതിരായ പോരാട്ടത്തിൽ ഇരു ടീമുകളും ഓരോ ഗോൾ വീതം നേടി സമനിലയിൽ പിരിയുകയായിരുന്നു. ബ്ലാസ്റ്റേഴ്സിനായി 67–ാം മിനിറ്റിൽ നോവ സദൂയിയും
ബെംഗളൂരു∙ ഇന്ത്യന് സൂപ്പർ ലീഗിൽ മോഹൻ ബഗാൻ സൂപ്പർ ജയന്റ്സിനെ എതിരില്ലാത്ത മൂന്നു ഗോളുകൾക്കു തകർത്ത് ബെംഗളൂരു എഫ്സി. ബെംഗളൂരു ശ്രീകണ്ഠീരവ സ്റ്റേഡിയത്തിൽ നടന്ന പോരാട്ടത്തിൽ എഡ്ഗാർ മെൻഡസ് (9–ാം മിനിറ്റ്), സുരേഷ് സിങ് വാങ്ജം (20), സുനിൽ ഛേത്രി (51) എന്നിവരാണ്
ഭുവനേശ്വർ∙ ഇന്ത്യൻ സൂപ്പർ ലീഗിൽ ഒഡീഷ എഫ്സിക്ക് ആദ്യ വിജയം. ജാംഷഡ്പൂർ എഫ്സിയെ ഹോം മാച്ചിൽ ഒന്നിനെതിരെ രണ്ടു ഗോളുകൾക്കാണ് ഒഡീഷ തോൽപിച്ചത്.
കൊച്ചി വിമാനത്താവളത്തിലെ പുസ്തകക്കടയിൽനിന്ന് കൈനിറയെ ബുക്കുകൾ വാങ്ങിച്ചുകൂട്ടുന്ന ഒരാൾക്കൊപ്പം സെൽഫി എടുക്കാൻ മറ്റു യാത്രക്കാർ കാത്തുനിൽക്കുന്നു. ഹൂഡി ജാക്കറ്റിൽ തല വരെ മൂടി അധികമാർക്കും മുഖം കൊടുക്കാതെ നിൽക്കുന്നയാൾ കേരള ബ്ലാസ്റ്റേഴ്സിന്റെ സൂപ്പർ താരം കെ.പി.രാഹുൽ. ഐഎസ്എലിൽ ബ്ലാസ്റ്റേഴ്സിന് അടുത്തത് 2 എവേ മത്സരങ്ങളാണ്. സീസണിലെ ആദ്യ എവേ പോരാട്ടം നാളെ ഗുവാഹത്തിയിൽ നോർത്ത് ഈസ്റ്റ് യുണൈറ്റഡിനെതിരെ. തൊട്ടടുത്ത മത്സരം ഒക്ടോബർ മൂന്നിനു ഭുവനേശ്വറിൽ ഒഡീഷ എഫ്സിക്കെതിരെ. എവേ ഗ്രൗണ്ടുകളിലേക്കുള്ള വിമാന യാത്രകളിൽ ബോറടിക്കാതിരിക്കാൻ രാഹുലിന്റെ വഴിയാണത്രേ പുസ്തക വായന.
കൊൽക്കത്ത∙ സ്പാനിഷ് താരം ബോർജ ഹെരേര ഹാട്രിക് ഗോളുകളുമായി കത്തിക്കയറിയ മത്സരത്തില് ഈസ്റ്റ് ബംഗാളിനെ തകർത്ത് എഫ്സി ഗോവ. ഈസ്റ്റ് ബംഗാളിന്റെ ഹോം ഗ്രൗണ്ടിൽ നടന്ന പോരാട്ടത്തിൽ രണ്ടിനെതിരെ മൂന്നു ഗോളുകൾക്കാണ് ഗോവയുടെ വിജയം. 13,20,71 മിനിറ്റുകളിലായിരുന്നു സ്പാ
കൊച്ചി ∙ ‘‘അതിലങ്ങനെ സീക്രട്ടൊന്നുമില്ല! പെനൽറ്റിയെടുക്കാൻ വരുന്നവരുടെ സമ്മർദം കാണുമ്പോൾ ഞാനൊരു തീരുമാനം എടുക്കുന്നതാണ്. പിന്നെ, കളിക്കു മുൻപു തന്നെ എതിർ കളിക്കാരുടെ കിക്കിങ് രീതികളും നോക്കും. പിന്നെയെല്ലാം ആ സമയത്തിന് അനുസരിച്ച്!’’ – തീയുണ്ട പോലെ വരുന്ന പെനൽറ്റി കിക്കുകളെ എങ്ങനെ കൂളായി നേരിടുന്നുവെന്ന ചോദ്യത്തിനു കേരള ബ്ലാസ്റ്റേഴ്സിന്റെ ഗോൾകീപ്പർ തൃശൂർ സ്വദേശി സച്ചിൻ സുരേഷിന്റെ മറുപടി!
ചെന്നൈ∙ ഇന്ത്യൻ സൂപ്പർ ലീഗിൽ (ഐഎസ്എൽ) കന്ന ജയം കുറിച്ച് മുഹമ്മദൻസ്. ആവേശപ്പോരാട്ടത്തിൽ ചെന്നൈയിൻ എഫ്സിയെയാണ് മുഹമ്മദൻസ് തോൽപ്പിച്ചത്. ഏകപക്ഷീയമായ ഒരു ഗോളിനാണ് മുഹമ്മദൻസിന്റെ വിജയം. 39–ാം മിനിറ്റിൽ ലാൽറിംസംഗ ഫനായിയാണ് അവരുടെ വിജയഗോൾ നേടിയത്.
ന്യൂഡൽഹി∙ ഇന്ത്യൻ സൂപ്പർ ലീഗ് (ഐഎസ്എൽ) 11–ാം സീസണിലെ തുടർച്ചയായ മൂന്നാം ജയവുമായി പഞ്ചാബ് എഫ്സി കുതിക്കുന്നു. ഇന്നു നടന്ന ആവേശപ്പോരാട്ടത്തിൽ ഹൈദരാബാദ് എഫ്സിയെയും തോൽപ്പിച്ച് പഞ്ചാബ് പോയിന്റ് പട്ടികയിൽ ഒന്നാമതെത്തി. ഏകപക്ഷീയമായ രണ്ടു ഗോളുകൾക്കാണ് പഞ്ചാബ്, ഹൈദരാബാദിനെ വീഴ്ത്തിയത്.
കൊച്ചി ∙ ഒരു ‘വായ്പയുടെ’ വിലയറിയുകയാണു മലയാളി ഫുട്ബോൾ പ്രേമികൾ. കേരള ബ്ലാസ്റ്റേഴ്സിനെതിരായ മിന്നും പ്രകടനത്തിനു പ്ലെയർ ഓഫ് ദ് മാച്ച് പുരസ്കാരം. രണ്ടാം കളിയിൽ ഒഡീഷ എഫ്സിക്കെതിരെ തകർപ്പനൊരു ഗോളും പ്ലെയർ ഓഫ് ദ് മാച്ച് പുരസ്കാരവും! ഐഎസ്എലിൽ പഞ്ചാബ് എഫ്സിയുടെ നക്ഷത്രത്തിളക്കമാണു നിഹാൽ സുധീഷെന്ന കൊച്ചിക്കാരൻ !
കൊച്ചി ∙ മൂന്നു വർഷത്തെ ഇടവേളയ്ക്കു ശേഷം പരിശീലകനെ മാറ്റി ഐഎസ്എലിനെത്തിയ ബ്ലാസ്റ്റേഴ്സിൽ നിന്നു മത്സരഫലത്തിനപ്പുറം ചില ഉത്തരങ്ങൾ കൂടി ആരാധകർ തേടിയിരുന്നു. എന്താകും പുതിയ പരിശീലകന്റെ ഫിലോസഫി? എങ്ങനെയാകും കളിക്കാർ അതിനോടു പൊരുത്തപ്പെടുക? ശൈലീമാറ്റം കളത്തിൽ തെളിയാൻ എത്ര സമയമെടുക്കും? ഈ മൂന്നു ചോദ്യങ്ങൾക്കുമുള്ള ഉത്തരം കൂടി നൽകിയാണ് സീസണിലെ രണ്ടാം മത്സരത്തിൽ ഈസ്റ്റ് ബംഗാളിനെതിരെ വിജയം കുറിച്ചു മികായേൽ സ്റ്റാറെയുടെ ബ്ലാസ്റ്റേഴ്സ് മടങ്ങുന്നത്.
തിരുവോണനാളിൽ സമ്മാനിച്ച നിരാശയ്ക്കു മികായേൽ സ്റ്റാറെയുടെ കേരള ബ്ലാസ്റ്റേഴ്സ് ഏഴാം നാളിൽ പരിഹാരം കുറിച്ചു. കരുത്തുറ്റ താരനിരയും പാരമ്പര്യവുമായി വന്ന ഈസ്റ്റ് ബംഗാളിനെതിരെ ഏഴഴകുള്ളൊരു വിജയത്തോടെ ബ്ലാസ്റ്റേഴ്സിന്റെ മുന്നേറ്റത്തിനു തുടക്കമായിരിക്കുന്നു. പഞ്ചാബിനെതിരെ കണ്ട ബ്ലാസ്റ്റേഴ്സിനെയല്ല കഴിഞ്ഞ ദിവസം ഈസ്റ്റ് ബംഗാളിനെതിരെ കണ്ടത്. കളിയിൽ ഒത്തിണക്കം വന്നു. മുന്നേറ്റങ്ങൾക്കു മൂർച്ച വന്നു. എല്ലാറ്റിനുമുപരി ജയിക്കാൻ വേണ്ടി കളിക്കുന്നതാണെന്ന ലക്ഷ്യബോധം ഓരോ താരത്തിലും വന്നു. ക്യാപ്റ്റൻ അഡ്രിയൻ ലൂണയില്ലാതെ വീണ്ടും ഇറങ്ങേണ്ടി വന്നിട്ടും പോരാട്ടം അനുകൂലമായതിന്റെ ആദ്യ ക്രെഡിറ്റ് ബ്ലാസ്റ്റേഴ്സിന്റെ പ്രതിരോധ നിരയ്ക്കുള്ളതാണ്.
കൊൽക്കത്ത ∙ ഐഎസ്എൽ ഫുട്ബോളിൽ നോർത്ത് ഈസ്റ്റ് യുണൈറ്റഡിനെതിരെ മോഹൻ ബഗാന് ജയം. രണ്ടിനെതിരെ മൂന്നു ഗോളുകൾക്കാണു ബഗാന്റെ വിജയം. 87–ാം മിനിറ്റിൽ ജെയ്സൻ കമ്മിങ്സാണ് ബഗാന്റെ വിജയഗോൾ നേടിയത്. ദീപേന്ദു ബിശ്വാസ് (10–ാം മിനിറ്റ്), സുഭാശിഷ് ബോസ് (61) എന്നിവരും
കൊച്ചി∙ തിരുവോണ ദിനത്തിലെ നിരാശപ്പെടുത്തുന്ന ആ തോൽവി കേരള ബ്ലാസ്റ്റേഴ്സ് ആരാധകർക്ക് ഇനി മറക്കാം. അന്നത്തെ നിരാശകൾക്കും വേദനകൾക്കും പകരമായി ദിവസങ്ങൾക്കിപ്പുറം അതേ വേദിയിൽ, അതേ സ്കോറിൽ കരുത്തരായ ഈസ്റ്റ് ബംഗാളിനെ വീഴ്ത്തി കേരള ബ്ലാസ്റ്റേഴ്സ് താരങ്ങൾ ആരാധകരോടു പറഞ്ഞു; ഹാപ്പി ഓണം... ഒരിക്കൽക്കൂടി മത്സരം പുരോഗമിക്കുന്തോറും ആവേശം ഉയർന്നുപൊങ്ങുന്ന കാഴ്ച കണ്ട മത്സരത്തിൽ കലൂർ ജവഹർലാൽ നെഹ്റു സ്റ്റേഡിയത്തിൽ കേരള ബ്ലാസ്റ്റേഴ്സിന്റെ ചുണക്കുട്ടികൾ ഈസ്റ്റ് ബംഗാളിനെ വീഴ്ത്തിയത് ഒന്നിനെതിരെ രണ്ടു ഗോളുകൾക്ക്.
ന്യൂഡൽഹി∙ ഇന്ത്യൻ സൂപ്പർ ലീഗ് (ഐഎസ്എൽ) 11–ാം സീസണിൽ കേരള ബ്ലാസ്റ്റേഴ്സിനെതിരെ കൊച്ചി ജവഹർലാൽ നെഹ്റു സ്റ്റേഡിയത്തിൽ നേടിയ വിജയം ‘ഒറ്റപ്പെട്ട’ സംഭവമല്ലെന്ന് തെളിയിച്ച് പഞ്ചാബ് എഫ്സി. ഡൽഹി ജവഹർലാൽ നെഹ്റു സ്റ്റേഡിയത്തിൽ ഇത്തവണ പഞ്ചാബ് എഫ്സിക്കു മുന്നിൽ വീണത് കരുത്തരായ ഒഡീഷ എഫ്സി. ആവേശപ്പോരാട്ടത്തിൽ ഒന്നിനെതിരെ രണ്ടു ഗോളുകൾക്കാണ് പഞ്ചാബ് എഫ്സിയുടെ വിജയം.
ബെംഗളൂരു ∙ രാജ്യാന്തര ഫുട്ബോളിൽനിന്നു വിരമിച്ചെങ്കിലും സുനിൽ ഛേത്രിയുടെ ബൂട്ടുകൾക്കു വിശ്രമമില്ല. ഐഎസ്എൽ ഫുട്ബോളിൽ ഹൈദരാബാദ് എഫ്സിയെ 3–0ന് തോൽപിച്ച ബെംഗളൂരു എഫ്സി സീസണിലെ രണ്ടാം വിജയം സ്വന്തമാക്കിയപ്പോൾ 2 ഗോളുകൾ പിറന്നതു ക്യാപ്റ്റൻ ഛേത്രിയുടെ ബൂട്ട്സിൽനിന്ന്.
ന്യൂഡൽഹി ∙ കേരള ബ്ലാസ്റ്റേഴ്സിനെതിരെ കൊച്ചിയിൽ നടന്ന മത്സരത്തിനിടെ പരുക്കേറ്റ പഞ്ചാബ് എഫ്സി താരം ലൂക്ക മാജ്സനെ ശസ്ത്രക്രിയയ്ക്കു വിധേയനാക്കി. താടിയെല്ലിനു പൊട്ടലേറ്റ സ്ലൊവേനിയൻ താരത്തിനു 2 മാസത്തെ വിശ്രമമാണു നിർദേശിച്ചിരിക്കുന്നത്. മൊഹാലിയിലെ സ്വകാര്യ ആശുപത്രിയിൽ ശസ്ത്രക്രിയയ്ക്ക് വിധേയനായ ലൂക്കയുടെ ആരോഗ്യനില തൃപ്തികരമാണെന്നു ടീം മാനേജ്മെന്റ് അറിയിച്ചു. ഇന്നു രാത്രി 7.30ന് പഞ്ചാബ് ഒഡീഷ എഫ്സിയെ നേരിടും.
തിരുവോണദിനത്തിൽ കേരള ബ്ലാസ്റ്റേഴ്സിനെതിരെ കൊച്ചിയിൽ നടന്ന മത്സരത്തിനിടെ പരുക്കേറ്റ പഞ്ചാബ് എഫ്സി താരം ലൂക്ക മാജ്സനു 2 മാസത്തെ വിശ്രമം. ബ്ലാസ്റ്റേഴ്സ് താരം കെ.പി.രാഹുലുമായി കൂട്ടിയിടിച്ച സ്ലൊവേനിയൻ താരം മാജ്സന്റെ താടിയെല്ലിനു 2 പൊട്ടലുകളുണ്ടെന്ന് ക്ലബ് അറിയിച്ചു.
കൊച്ചി ∙ കേരള ബ്ലാസ്റ്റേഴ്സ് മധ്യനിരയിലെ യുവ പ്രതിഭ വിബിൻ മോഹനന്റെ (21) കരാർ 4 വർഷത്തേക്കു ദീർഘിപ്പിച്ചു. 2029 വരെയാണു പുതിയ കരാർ. ബ്ലാസ്റ്റേഴ്സിനായി 28 മത്സരങ്ങളിൽനിന്ന് ഒരു ഗോളും 4 അസിസ്റ്റുകളുമാണു സംഭാവന. അണ്ടർ 23 ഇന്ത്യൻ ടീമിലേക്കും വിബിൻ തിരഞ്ഞെടുക്കപ്പെട്ടിരുന്നു. 2020 ൽ ബ്ലാസ്റ്റേഴ്സിന്റെ യൂത്ത് ടീമിൽ ചേർന്ന വിബിൻ 2022 ലാണ് സീനിയർ ടീമിലെത്തുന്നത്.
