Activate your premium subscription today
നിയമസഭാ സ്പീക്കർക്ക് പുതുപ്പള്ളി എംഎൽഎ ചാണ്ടി ഉമ്മൻ അവകാശ ലംഘന പരാതി നൽകി. സർക്കാർ സംഘടിപ്പിക്കുന്ന പൊതുപരിപാടികളിൽ നിന്നും ബോധപൂർവം ഒഴിവാക്കുന്നുവെന്നാണ് പരാതിയിലെ ആരോപണം. കഴിഞ്ഞ ദിവസം പാമ്പാടി ഉപജില്ലാ കലോത്സവത്തിന് എംഎൽഎയെ സംഘാടകർ ക്ഷണിച്ചിരുന്നില്ല. ഇതാണ് പരാതിക്ക് ആധാരം. മുഖ്യമന്ത്രിക്കും എംഎൽഎ പരാതി നൽകിയിട്ടുണ്ട്.
ശ്രീനഗർ ∙ നാഷനൽ കോൺഫറൻസ് (എൻസി) മുതിർന്ന നേതാവും മുൻ മന്ത്രിയും 7 തവണ എംഎൽഎയുമായ അബ്ദുൽ റഹിം റാഥർ ജമ്മു കശ്മീർ നിയമസഭയുടെ സ്പീക്കറാകും. ഡപ്യൂട്ടി സ്പീക്കർ സ്ഥാനം കീഴ്‍വഴക്കമനുസരിച്ച് മുഖ്യ പ്രതിപക്ഷമായ ബിജെപിക്കു നൽകാനും തീരുമാനമായി.
തിരുവനന്തപുരം ∙ സമീപകാലത്ത് ഏറ്റവും കോളിളക്കം സൃഷ്ടിച്ച ഹേമ കമ്മിറ്റി റിപ്പോർട്ടിൻമേൽ നിയമസഭയിൽ ചർച്ചയുമില്ല, ചർച്ച നിഷേധിച്ച സ്പീക്കർക്കെതിരെ പ്രതിപക്ഷത്തിന്റെ ശക്തമായ പ്രതിഷേധവുമില്ല. ആർഎംപി നേതാവ് കെ.കെ.രമ കൊണ്ടുവന്ന അടിയന്തര പ്രമേയ നോട്ടിസിന് കോടതിയുടെ പരിഗണനയിലിരിക്കുന്ന വിഷയമെന്ന കാരണം ചൂണ്ടിക്കാട്ടിയാണ് സ്പീക്കർ അവതരണാനുമതി നിഷേധിച്ചത്.
സംഘട്ടന രംഗങ്ങളുള്ള ചിത്രങ്ങൾ തുടർച്ചയായി പ്രദർശിപ്പിക്കുന്ന തിയറ്ററിൽ പെട്ടെന്ന് അവാർഡ് സിനിമ വന്നാൽ ആളു കുറയും. അതു പോലെയായി ഇന്നലെ കേരള നിയമസഭ. തുടർച്ചയായി 3 ദിവസം സഭയിൽ നടന്നത് വൻ ഭരണ–പ്രതിപക്ഷ സംഘർഷങ്ങളാണ്. 3 അടിയന്തര പ്രമേയങ്ങൾ ഒന്നിനു പിന്നാലെ ഒന്നായി വന്നു. ആദ്യദിവസം ചർച്ച നടന്നില്ല; പക്ഷേ സഭ സ്തംഭിച്ചു. പ്രക്ഷുബ്ധതയുടെ ആ കാർമേഘം ഇന്നലെ ഒഴിഞ്ഞുനിന്നു.
തിരുവനന്തപുരം ∙ നിയമസഭയിൽ പ്രതിപക്ഷനിരയിൽ ഇരിക്കില്ലെന്ന പി.വി.അൻവറിന്റെ നിർബന്ധം സ്പീക്കർ അംഗീകരിച്ചില്ലെങ്കിലും പ്രത്യേക ബ്ലോക്ക് എന്ന ആവശ്യത്തിനു വഴങ്ങി. മുസ്‍ലിം ലീഗ് എംഎൽഎ എ.കെ.എം.അഷ്റഫിനൊപ്പമാണ് അൻവറിനു സീറ്റ് അനുവദിച്ചത്. വിവാദമുയർത്തി എൽഡിഎഫ് ബന്ധം ഉപേക്ഷിച്ച ശേഷം ആദ്യമായി സഭയിലെത്തിയ അൻവറിനു മുസ്‍ലിം ലീഗ് എംഎൽഎമാരുടെ അഭിനന്ദനവും ലഭിച്ചു.
തിരുവനന്തപുരം ∙ രാവിലെ നിയമസഭയിലുണ്ടായിരുന്ന മുഖ്യമന്ത്രി പിണറായി വിജയനാണ് അടിയന്തരപ്രമേയം ചർച്ച ചെയ്യാമെന്ന് അറിയിച്ചതെങ്കിലും അസുഖം മൂലം ചർച്ചയിൽ പങ്കെടുത്തില്ല. തലേന്നത്തെ സ്ഥിതി ആവർത്തിക്കരുതെന്നു പറഞ്ഞാണ് മുഖ്യമന്ത്രി ചർച്ചയ്ക്കു തയാറെന്ന് അറിയിച്ചത്. ഉച്ചയ്ക്കു 12നു ചർച്ച ആരംഭിച്ചപ്പോൾ, മുഖ്യമന്ത്രിക്കു തൊണ്ടവേദനയും പനിയുമാണെന്നും ഡോക്ടർമാർ വോയ്സ് റെസ്റ്റ് നിർദേശിച്ചിരിക്കുകയാണെന്നും സ്പീക്കർ എ.എൻ.ഷംസീർ വ്യക്തമാക്കി.
തിരുവനന്തപുരം ∙ നിയമസഭയിലെ സംഘർഷം കനത്തപ്പോൾ സ്പീക്കറുടെ ഡയസിൽ വാച്ച് ആൻഡ് വാർഡിന്റെ സാന്നിധ്യം. ഡയസിൽ സ്പീക്കറെ സംരക്ഷിക്കാനായി ചീഫ് മാർഷൽ മാത്രമാണ് ഉണ്ടാകുക. ബാക്കിയുള്ളവർ സ്പീക്കർ സഭയിലേക്കു കയറി വരുന്ന കവാടത്തിനു പുറത്താണ് നിൽക്കുന്നത്. എന്നാൽ ഇന്നലെ പ്രതിപക്ഷത്തെ ഏതാനും അംഗങ്ങൾ ഡയസിലേക്കു കയറിയപ്പോൾ വാച്ച് ആൻഡ് വാർഡും ഇരച്ചെത്തി.
തിരുവനന്തപുരം ∙ അനൗദ്യോഗിക ബില്ലുകളും പ്രമേയങ്ങളും പരിഗണിക്കുന്നതിനു കൂടുതൽ സമയം കിട്ടാൻ വെള്ളിയാഴ്ചകളിൽ ശൂന്യവേളകളിൽനിന്ന് അടിയന്തര പ്രമേയം ഒഴിവാക്കാൻ പ്രതിപക്ഷം സഹകരിക്കണമെന്നു സ്പീക്കർ എ.എൻ.ഷംസീർ.
നിയമസഭ സ്വതന്ത്രവും നീതിപൂർവകവുമായി മുന്നോട്ടുപോകണമെങ്കിൽ പുലർത്തേണ്ട നിഷ്പക്ഷ നിലപാട് ഏതു സാഹചര്യത്തിലും നിയമസഭാ സ്പീക്കർ മറന്നുകൂടാത്തതാണ്. ഈ പദവിയിലിരിക്കുമ്പോൾ സ്വീകരിക്കേണ്ട നീതിബോധത്തിലും ജനാധിപത്യബോധ്യത്തിലും കറ പുരളാൻ പാടില്ലാത്തതുമാണ്. ഈ അടിസ്ഥാനമൂല്യങ്ങൾ മറന്ന്, സർക്കാർ വക്താവ് എന്ന മട്ടിലാണു സഭാധിപൻ പെരുമാറുന്നതെങ്കിൽ അത് അപലപനീയമാണെന്നതിൽ സംശയമില്ല.
ലോക്സഭാ സ്പീക്കർ തിരഞ്ഞെടുപ്പിൽ ഭരണപക്ഷത്തിനെതിരെ പോരാടാനുറച്ചാണ് പ്രതിപക്ഷ ഇന്ത്യാസഖ്യം സ്ഥാനാർഥിയായി മാവേലിക്കര എംപി കൊടിക്കുന്നിൽ സുരേഷിനെ രംഗത്തിറക്കിയത്. എന്നാൽ, വോട്ടെടുപ്പ് ആവശ്യപ്പെടുന്ന കാര്യത്തിൽ വിവിധ പ്രതിപക്ഷ കക്ഷികൾക്കിടയിലുണ്ടായ അഭിപ്രായ വ്യത്യാസത്തെത്തെത്തുടർന്ന് അവസാന നിമിഷം അതു വേണ്ടെന്നു വയ്ക്കുകയായിരുന്നു. ശബ്ദവോട്ടിൽ ബിജെപിയുടെ ഒാം ബിർല വീണ്ടും സ്പീക്കറായി തിരഞ്ഞെടുക്കപ്പെടുകയും ചെയ്തു. രാജസ്ഥാനിലെ കോട്ടയിൽ നിന്നുള്ള എംപിയായ ബിർല തുടർച്ചയായ രണ്ടാം തവണയാണ് ലോക്സഭയുടെ നാഥനാകുന്നത്. സ്പീക്കറായി 5 വർഷം പൂർത്തിയാക്കി വീണ്ടും അതേ പദവിയിലെത്തുന്ന രണ്ടാമത്തെയാളാണു ബിർല. 1980– 89 കാലഘട്ടത്തിൽ സ്പീക്കറായിരുന്ന കോൺഗ്രസ് നേതാവ് ബൽറാം ഝാക്കറാണ് ഇതിനു മുൻപ് ആ നേട്ടം സ്വന്തമാക്കിയത്. എന്തുകൊണ്ടാണ് ഓം ബിര്‍ലയെത്തന്നെ ബിജെപി വീണ്ടും സ്പീക്കർ പദവി ഏൽപിച്ചത്? പ്രതിപക്ഷത്തിന് എന്തുകൊണ്ടാണ് സ്പീക്കറിൽ ‘അവിശ്വാസം’?
Results 1-10 of 127
