മഹാരാഷ്ട്രയിൽ രാഹുൽ നർവേക്കർ സ്പീക്കർ; സ്ഥാനാർഥിയെ നിർത്താതെ പ്രതിപക്ഷം
Mail This Article
We’ve noticed you're using an ad blocker.
Reading matters. So does your experience.
Get ad-free access + premium stories starting at just ₹1/day.
മുംബൈ ∙ മഹാരാഷ്ട്ര നിയമസഭാ സ്പീക്കറായി മുൻ സ്പീക്കർ രാഹുൽ നർവേക്കറെ തിരഞ്ഞെടുത്തു. കൊളാബയിൽ നിന്നുള്ള ബിജെപി എംഎൽഎയായ നർവേക്കർ മാത്രമാണ് നാമനിർദേശ പത്രിക സമർപ്പിച്ചിരുന്നത്. സ്പീക്കർ സ്ഥാനത്തേക്ക് ആരെയും മൽസരിപ്പിക്കില്ലെന്ന് പ്രതിപക്ഷം അറിയിച്ചിരുന്നു. ഭരണപക്ഷത്തിനു വൻ ഭൂരിപക്ഷമുള്ളതിനാൽ സ്ഥാനാർഥിയെ നിർത്തുന്നതിൽ അർഥമില്ലാത്തതിനാലാണ് പിന്മാറ്റം.
മുൻസർക്കാരിൽ രണ്ടര വർഷം സ്പീക്കറായിരുന്ന നർവേക്കർ, ശിവസേനയിലും എൻസിപിയിലും പിളർപ്പുണ്ടായപ്പോൾ ഏക്നാഥ് ഷിൻഡെയ്ക്കും അജിത് പവാറിനും അനുകൂലമായ നിലപാടാണ് കൈക്കൊണ്ടത്.
ആദ്യദിനം സഭാ സമ്മേളനത്തിൽനിന്നു വിട്ടുനിന്ന പ്രതിപക്ഷാംഗങ്ങൾ കഴിഞ്ഞ ദിവസം സത്യപ്രതിജ്ഞ ചെയ്തതോടെ 288 അംഗങ്ങളുടെയും സത്യപ്രതിജ്ഞ പൂർത്തിയായി. ശിവസേന നേതാവ് ആദിത്യ താക്കറെ, കോൺഗ്രസ് നേതാക്കളായ നാനാ പഠോളെ, വിജയ് വഡേത്തിവാർ ഉൾപ്പെടെയുള്ളവർ ഇന്നലെയാണ് സത്യപ്രതിജ്ഞ ചെയ്തത്.
