കാർ പാലത്തിൽനിന്ന് തോട്ടിലേക്ക് മറിഞ്ഞ് 3 പേർക്ക് പരുക്ക്
Mail This Article
×
കുഞ്ചിത്തണ്ണി ∙ നിയന്ത്രണം നഷ്ടപ്പെട്ട കാർ പാലത്തിൽനിന്നു തോട്ടിലേക്ക് മറിഞ്ഞ് 3 പേർക്ക് നിസ്സാര പരുക്കേറ്റു. ഇവരെ രാജാക്കാട്ടിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയോടെയാണ് അപകടമുണ്ടായത്. ബൈസൺവാലി - കജനാപാറ റോഡിൽ ബൈസൺവാലിക്ക് സമീപത്തുള്ള പാലത്തിൽ നിന്നാണ് നിയന്ത്രണം നഷ്ടപ്പെട്ട കാർ തോട്ടിലേക്ക് മറിഞ്ഞത്. മലപ്പുറത്തുനിന്ന് മൂന്നാർ സന്ദർശിക്കാൻ വന്നവരുടെ കാറാണ് അപകടത്തിൽപെട്ടത്.
മൂന്നാറിൽനിന്ന് ബൈസൺവാലി വഴി ഗ്യാപ് റോഡ് ഭാഗത്തേക്ക് പോകുമ്പോഴാണ് അപകടം സംഭവിച്ചത്. പാലത്തിന്റെ കൈവരിയും സമീപത്തെ ബാരിക്കേഡും തകർത്തു കൊണ്ടാണ് കാർ തോട്ടിലേക്ക് മറിഞ്ഞത്. ഈ ബാരിക്കേഡുകൾ കോൺക്രീറ്റിട്ട് ഉറപ്പിക്കാത്തതിനാലാണ് അപകടമുണ്ടായതെന്ന് നാട്ടുകാർ ആരോപിച്ചു.
English Summary:
Kunchithanny car accident near Bison Valley left three with minor injuries. The vehicle plunged from a bridge into a stream, raising concerns about inadequate safety barriers.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.