ആരോഗ്യപ്രവർത്തകർക്ക് ശമ്പളം നിഷേധിക്കുന്നത് അപമാനകരം: കേരള ഗവ. നഴ്‌സസ് യൂണിയൻ

തിരുവനന്തപുരം∙ ചരിത്രത്തിൽ ആദ്യമായി ആരോഗ്യപ്രവർത്തകരുടെ വേതനം തടഞ്ഞുവച്ച സർക്കാർ നടപടി കേരളത്തിന് അപമാനകരമെന്ന് കേരള ഗവ. നഴ്‌സസ് യൂണിയൻ (കെജിഎൻയു). ജീവിത ചെലവ് ദിനംപ്രതി കുത്തനെ കൂടി കൊണ്ടിരിക്കുന്ന സാഹചര്യത്തിൽ ആരോഗ്യപ്രവർത്തകരോട് കാണിക്കുന്ന സർക്കാർ നിലപാട് പ്രതിഷേധാർഹമാണെന്ന് കെജിഎൻയു സംസ്ഥാന പ്രസിഡന്റ് കെ.എസ്.സന്തോഷും സംസ്ഥാന ജനറൽ സെക്രട്ടറി എസ്.എം.അനസും പറഞ്ഞു. ശമ്പള വിതരണം ഉടൻ പൂർത്തിയാക്കാൻ ആവശ്യമായ നടപടി സർക്കാർ സ്വീകരിച്ചില്ലെങ്കിൽ ഡ്യൂട്ടി ബഹിഷ്കരിച്ച് പ്രതിഷേധ പരിപാടികളിലേക്ക് കടക്കുമെന്ന് കെജിഎൻയു സംസ്ഥാന കമ്മിറ്റി അറിയിച്ചു.