125 അമ്മമാരെ ആദരിച്ച് വേൾഡ് മലയാളി ഹോം ഷെഫ്

അൽഐൻ ∙ മാതൃദിനത്തോടനുബന്ധിച്ച് വിവിധ മേഖലകളിൽ മികവ് തെളിയിച്ച 125 അമ്മമാരെ വേൾഡ് മലയാളി ഹോം ഷെഫിന്റെ ആഭിമുഖ്യത്തിൽ ആദരിച്ചു. സാമൂഹിക, കലാസാംസ്കാരിക, ജീവകാരുണ്യ മേഖലകളിൽ മികവു തെളിയിച്ചവരെയാണ് ആദരിച്ചത്.

നടി മല്ലിക സുകുമാരൻ, അൽഐൻ ഇന്ത്യൻ സോഷ്യൽ സെന്റർ വനിതാവിഭാഗം അധ്യക്ഷയും ആലപ്പുഴ സ്വദേശിയുമായ ബബിത ശ്രീകുമാർ എന്നിവർ ആദരിച്ചവരിൽ ഉൾപ്പെടും. യുഎഇയിൽ അധ്യാപികയായ ബബിത പ്രവാസി വനിതകളുടെ ഉന്നമനത്തിനാണ് പ്രവർത്തിക്കുന്നത്. 

അൽഐൻ മലയാളി സമാജം, അൽഐൻ താരാട്ട് എന്നിവയിലും സജീവമാണ്. കഥാകാരി കൂടിയായ ബബിത നാടകങ്ങളിലും ഹ്രസ്വചിത്രങ്ങളിലും അഭിനയിച്ചിട്ടുണ്ട്.