സൽമാൻ ഖാലിദ് ബിൻ ബന്ദർ ബിൻ സുൽത്താൻ രാജകുമാരനെ വിദേശകാര്യ മന്ത്രാലയത്തിന്റെ ഉപദേശകനായി നിയമിച്ചു

ജിദ്ദ ∙ സൗദി ഭരണാധികാരി സൽമാൻ രാജാവ് ഖാലിദ് ബിൻ ബന്ദർ ബിൻ സുൽത്താൻ രാജകുമാരനെ മികച്ച റാങ്കോടെ വിദേശകാര്യ മന്ത്രാലയത്തിന്റെ ഉപദേശകനായി നിയമിച്ചു.  ഖാലിദ് ബിൻ ബന്ദർ രാജകുമാരൻ നിലവിൽ യുകെയിലെ സൗദി സ്ഥാനാപതിയായി സേവനമനുഷ്ഠിക്കുകയായിരുന്നു.

രണ്ടാമത്തെ രാജകീയ ഉത്തരവിൽ രാജാവ് മേജർ ജനറൽ സാലിഹ് അൽ-ഹർബിയെ ലെഫ്റ്റനന്റ് ജനറലായി ഉയർത്തുകയും സൈനിക ഉപകരണത്തിന്റെ മേധാവിയായി നിയമിക്കുകയും ചെയ്തു.  ഈ ഉത്തരവ് നടപ്പാക്കാൻ രാജാവ് നാഷനൽ ഗാർഡ് മന്ത്രിയോട് നിർദ്ദേശിച്ചതായി സൗദി പ്രസ് ഏജൻസി റിപ്പോർട്ട് ചെയ്തു.