ADVERTISEMENT

ഹൂസ്റ്റണ്‍ ∙ മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റന്റെ മുന്‍ പ്രസിഡന്റും, ഫൊക്കാന മുന്‍ വൈസ് പ്രസിഡന്റും, മുന്‍  കണ്‍വന്‍ഷന്‍ ചെയര്‍മാനുമായ എബ്രഹാം ഈപ്പന്‍ ഫൊക്കാനയുടെ 2020- 2022 ട്രസ്റ്റി ബോര്‍ഡ് മെംബര്‍ സ്ഥാനത്തേക്ക് മത്സരിക്കുന്നു. എബ്രഹാം ഈപ്പന്‍ ഫൊക്കാനയുടെ വളര്‍ച്ചക്ക് വേണ്ടി വളരെ അധികം പ്രവര്‍ത്തിക്കുകയും , സംഘടനയെ  വളരെ അധികം സഹായിക്കുകയും ചെയ്ത ഒരു വ്യക്തിയാണ് . സേവനരംഗത്ത് കഴിവും പ്രാപ്തിയുമുള്ള ഒരു വ്യക്തി എന്ന നിലയിലും, ഔദ്യോഗിക ജീവിതത്തിലും സംഘടനാതലത്തിലും ധാര്‍മ്മികബോധത്തോടെ, സാമൂഹ്യപ്രതിബദ്ധതയോടെ പ്രവര്‍ത്തിച്ചു തന്റെ കഴിവു തെളിയിച്ചിട്ടുള്ള അദ്ദേഹം  ഫൊക്കാന പ്രവര്‍ത്തകരുമായി എന്നും നല്ല ബന്ധമാണുള്ളത്. പൊതു പ്രവർത്തനം ലളിതവും സുതാര്യവും മായിരിക്കണമെന്നും  അദ്ദേഹം എന്നും  വിശ്വസിക്കുന്നു.

ഫൊക്കാനയുടെ വളര്‍ച്ചയില്‍ അമേരിക്കയിലെ ഏറ്റവും വലിയ മലയാളി സംഘടനയായ മലയാളീ അസോസിയേഷന്‍ ഓഫ് ഗ്രേറ്റര്‍ ഹൂസ്റ്റന്‍ന്റെ  സ്വാധീനം ഉറപ്പിക്കുകയും അത് ജനങള്‍ക്ക് ഉപകാരപ്രദമാക്കി തീര്‍ക്കുകയും ചെയ്യുക എന്ന ലക്ഷ്യവുമാണ് എബ്രഹാം ഈപ്പനെ  ഫൊക്കാന നേതാക്കള്‍ തെരഞ്ഞടുപ്പില്‍ മത്സരിക്കുവാന്‍ പ്രേരിപ്പിച്ചത് .  

ഹൂസ്റ്റണിലെ സാംസ്കാരിക പ്രവര്‍ത്തകനായ  എബ്രഹാം ഈപ്പന്‍ ഫൊക്കാനയുടെ ദീര്‍ഘകാല പ്രവര്‍ത്തകനും ഫൊക്കാനയുടെ നിരവധി പദവികള്‍ അലങ്കരിച്ചിട്ടുള്ള വെക്തിത്വവുമാണ്. 2006ല്‍ ഹൂസ്റ്റണിലെ മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റൺ പ്രസിഡന്റ് എന്ന നിലയില്‍ ഓര്‍ലാന്റോ കണ്‍വന്‍ഷനില്‍ പങ്കെടുത്തു.അവിടെ വച്ചുണ്ടായ പിളര്‍പ്പില്‍ ഫൊക്കാനായോടൊപ്പം ഉറച്ചുനിന്നു എബ്രഹാം ഈപ്പന്‍.

2010ല്‍ ആല്‍ബനി കണ്‍വന്‍ഷനില്‍ ഹൂസ്റ്റണില്‍ കണ്‍വന്‍ഷന്‍ കൊണ്ടു വരുവാനുള്ള പ്രവര്‍ത്തനങ്ങള്‍ക്ക് നേതൃത്വം നല്‍കി.2012ലെ ഹ്യുസ്റ്റന്‍ കണ്‍വന്‍ഷന്റെ ചെയർമാനുമായിരുന്നു. ഫൊക്കാനായ്ക്കു വളരെ ഊര്‍ജ്ജം നല്‍കിയ ഒരു കണ്‍വന്‍ഷനായി അതിനെ മാറ്റുവാന്‍ അദ്ദേഹത്തിന്റെ പ്രവര്‍ത്തങ്ങള്‍ക്ക്   കഴിഞ്ഞു.2012- 2014 കമ്മിറ്റിയില്‍ ഫൊക്കാന വൈസ് പ്രസിഡന്റായും സേവനം അനുഷ്ഠിച്ചു .

2006ല്‍ മാഗ് പ്രസിഡന്റായപ്പോള്‍ അതിനു കെട്ടിടം വാങ്ങാൻ നേതൃത്വം നല്‍കി. 2013ല്‍ സെക്രട്ടറിയയിരിക്കുമ്പോള്‍ മാഗിന്റെ ലോണ്‍ പ്രത്യേക ഫണ്ട് കളക്‌ഷന്‍ നടത്തി അടച്ചു തീര്‍ക്കുവാന്‍ നേതൃത്വം നല്‍കി.ആ വര്‍ഷം മാഗിനെതിരെ നടന്ന കേസില്‍ മാഗിനെ പ്രതിനിധീകരിച്ചു കോടതിയില്‍ കേസ് നടത്തി വിജയിപ്പിക്കുന്നതിനും സാധിച്ചു.മാഗ് സെക്രട്ടറി, വൈസ് പ്രസിഡന്റ് എന്നീ സ്ഥാനങ്ങളും വഹിച്ചിട്ടുണ്ട് , 2016ല്‍ അദ്ദേഹം  വീണ്ടും മാഗ് പ്രസിഡന്റായും ഇപ്പോള്‍ ട്രസ്റ്റി ബോര്‍ഡ് അംഗമായും സേവനമനുഷ്ഠിക്കുന്നു.

അഖില കേരള ബാലജനസഖ്യത്തിലൂടെ തുടക്കം. 1976 ല്‍ കല്ലൂപ്പാറ യൂണിയന്‍ പ്രസിഡന്റായി. 1978 ല്‍ കെ.എസ്.യൂ. തിരുവല്ല താലൂക്ക് കമ്മിറ്റി വൈസ് പ്രസിഡന്റായി.1980 ല്‍ കെ.എസ്.യൂ. താലൂക്കു പ്രസിഡന്റും ആ വര്‍ഷം ഒടുവില്‍ കോൺഗ്രസ് കല്ലൂപ്പാറ മണ്ഡലം കമ്മിറ്റിയുടെ അഡ്‌ഹോക്ക് കമ്മിറ്റി പ്രസിഡന്റുമായി. പുതുശ്ശേരി എം.ജി.ഡി ഹൈസ്കൂള്‍, തുടര്‍ന്നു തുരുത്തിക്കാട് ബി.എ. എം കോളജിലും വിദ്യാഭ്യാസത്തിനു ശേഷം 1985 ല്‍ അമേരിക്കയിലെത്തി.

സമസ്ത മേഖലകളിലും മികവ് തെളിയിച്ച എബ്രഹാം ഈപ്പന്റെ   സ്ഥാനാര്‍ത്ഥിത്വം ഫൊക്കാനയുടെ തുടര്‍ന്നുള്ള വളര്‍ച്ചയ്ക്കും ഏറെ ഗുണം ചെയ്യുമെന്ന്  പ്രസിഡന്റ് സ്ഥാനാര്‍ത്ഥി ലീല മാരേട്ട് അഭിപ്രായപ്പെട്ടു.

മനോരമ ഓൺലൈൻ പ്രീമിയം സ്വന്തമാക്കാം
68% കിഴിവിൽ

കൂപ്പൺ കോഡ്:

PREMIUM68
subscribe now
പരിമിതമായ ഓഫർ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com