കയ്യൊടിഞ്ഞ ജെനീലിയയുടെ മുടികെട്ടി റിതേഷ്; വിഡിയോ

പ്രേക്ഷകർക്ക് ഏറ്റവും പ്രിയപ്പെട്ട താരദമ്പതികളാണ് ജെനീലിയയും  റിതേഷ് ദേശ്‌മുഖും. അടുത്തിടെ സ്കേറ്റിങ് പഠനത്തിനിടയിൽ നിലത്ത് വീണ് ജെനീലിയയുടെ കയ്യൊടിഞ്ഞിരുന്നു. കൈ പ്ലാസ്റ്റർ ചെയ്ത് ഇരിക്കുന്ന ജെനീലിയയുടെ മുടി കെട്ടാൻ സഹായിക്കുന്ന റിതേഷിന്റെ വിഡിയോ ആണ് ആരാധകരുടെ ഇടയിൽ വൈറൽ

റിതേഷ് ശ്രദ്ധയോടെ മുടികെട്ടുമ്പോൾ കുസൃതി നിറഞ്ഞ മുഖഭാവത്തോടെ വിഡിയോ പകർത്തുകയാണ് ജെനീലിയ. കഴിഞ്ഞ ദിവസമാണ് സ്കേറ്റിങ് പഠനത്തിനിടെ തെന്നി വീണ് നടിക്ക് പരുക്കേൽക്കുന്നത്. പരുക്കു പറ്റുന്ന വിഡിയോയും നടി പങ്കുവച്ചിരുന്നു.

‘തേരേ നാൽ ലവ് ഹോ ഗയാ’, ‘തുജെ മേരി കസം’, ‘മസ്തി’ തുടങ്ങിയ ചിത്രങ്ങളിലൊക്കെ നായികാനായകന്മാരായി അഭിനയിച്ച ഇരുവരും 2012 ലാണ് വിവാഹിതരാവുന്നത്. റയാൻ, റയാൽ എന്നിങ്ങനെ രണ്ടു ആൺകുട്ടികളും ഇവർക്കുണ്ട്.