നിവിനും പ്രണവിനും ധ്യാനിനുമൊപ്പം ഒരു ‘വിനീത് ശ്രീനിവാസൻ ചിത്രം’

 ‘വർഷങ്ങൾക്കു േശഷം’ എന്ന സിനിമയുടെ ഡബ്ബിങ് ചെന്നൈയിൽ പുരോഗമിക്കുകയാണ്. ഡബ്ബിങ്ങിനു വേണ്ടി ഓട്ടോയിൽ സ്റ്റുഡിയോയിൽ എത്തിയ ധ്യാൻ ശ്രീനിവാസന്റെ വിഡിയോ കഴിഞ്ഞ ദിവസമാണ് വിനീത് സമൂഹമാധ്യമങ്ങളിലൂടെ പങ്കുവച്ചത്. ഇപ്പോഴിതാ ചിത്രത്തിലെ നായകന്മാരെ നിരത്തിനിർത്തി മറ്റൊരു ചിത്രം പ്രേക്ഷർക്കായി പങ്കുവച്ചിരിക്കുകയാണ് വിനീത്. 

നിവിൻ പോളി, പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ വിനീതിനൊപ്പം ചിത്രത്തിൽ കാണാം. മൂവരും ചെന്നൈയിൽ സിനിമയുടെ ഡബ്ബിങ്ങിനെത്തിയപ്പോഴാണ് ഈ മനോഹരമായ ചിത്രം പകർത്തിയത്.

വിനീത് ശ്രീനിവാസൻ തന്നെ തിരക്കഥ ഒരുക്കുന്ന ‘വർഷങ്ങൾക്കു േശഷം’ എന്ന സിനിമയിൽ പ്രണവിനും ധ്യാനിനുമൊപ്പം നിവിൻ പോളിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. 

അജു വർഗീസ്, കല്യാണി പ്രിയദർശൻ, ബേസിൽ ജോസഫ്, വിനീത് ശ്രീനിവാസൻ, നീരജ് മാധവ്, നീത പിള്ള, അർജുൻ ലാൽ, അശ്വത് ലാൽ, കലേഷ് രാംനാഥ്, ഷാൻ റഹ്മാൻ എന്നിങ്ങനെ വലിയ താരനിയാണ് ചിത്രത്തിൽ അണിനിരക്കുന്നത്. വൈശാഖ് സുബ്രഹ്മണ്യം ആണ് നിർമാണം. ചിത്രം വിഷു റിലീസായി തിയറ്ററുകളിലെത്തിക്കാനാണ് പദ്ധതി.