എം.ടി.വാസുദേവൻ നായർക്ക് ഇന്ന് 91–ാം ജന്മദിനം

കോഴിക്കോട്∙ മലയാളത്തിന്റെ സുകൃതമായ എം.ടി.വാസുദേവൻ നായർക്ക് ഇന്ന് 91–ാം ജന്മദിനം. 1933 ജൂലൈ 15നാണ് കൂടല്ലൂരിൽ ടി. നാരായണൻ നായരുടെയും അമ്മാളു അമ്മയുടെയും മകനായി എംടി ജനിച്ചത്. ഈ ജന്മദിനത്തിന് അദ്ദേഹം കൊച്ചിയിലാണ്.

എംടിയുടെ ഒൻപതു കഥകൾ ചേരുന്ന ആന്തോളജി സിനിമയുടെ ട്രെയിലർ ലോഞ്ച് ഇന്നു കൊച്ചിയിൽ നടക്കും. ജന്മനക്ഷത്രമായ കർക്കടകത്തിലെ ഉത്തൃട്ടാതി ഈ മാസം 26നാണ്. പിറന്നാളുകളൊന്നും എംടി ആഘോഷമാക്കാറില്ല. ഒപ്പം അടുത്ത ബന്ധുക്കൾ മാത്രം. ചെറിയൊരു ഊണ്. പക്ഷേ, കഴിഞ്ഞ വർഷം അദ്ദേഹത്തിന്റെ നവതി മലയാളക്കര ഉത്സവമായാണ് കൊണ്ടാടിയത്.