വയലാർ അവാർഡ് അശോകൻ ചരുവിലിന്; അംഗീകാരം ‘കാട്ടൂർകടവി’ന്

തിരുവനന്തപുരം∙ വയലാർ അവാർഡ് (ഒരു ലക്ഷം രൂപ) സാഹിത്യകാരൻ അശോകൻ ചരുവിലിന്. കാട്ടൂർകടവ് എന്ന നോവലിനാണ് അവാർഡ്. വലയാർ രാമവർമ ട്രസ്റ്റാണ് 48–ാമത് വയലാർ അവാർഡ് പ്രഖ്യാപിച്ചത്. കേരളത്തിന്റെ രാഷ്ട്രീയ മനസ്സിന്റെ ആഖ്യാനമാണ് നോവലെന്ന് ജഡ്ജിങ് കമ്മിറ്റി വിലയിരുത്തി.

സാഹിത്യകാരൻ ബെന്ന്യാമിൻ, പ്രൊഫ.കെ.എസ്.രവികുമാർ, ഗ്രേസി എന്നിവരടങ്ങിയ സമിതിയാണ് അവാർഡ് നിശ്ചയിച്ചത്. മൂന്നൂറോളം ഗ്രന്ഥങ്ങളിൽനിന്ന് ആറ് പുസ്തകങ്ങൾ അന്തിമ റൗണ്ടിലെത്തി. ഈ മാസം 27നു തിരുവനന്തപുരത്തു പുരസ്കാരം സമ്മാനിക്കും.