കായ ബജിയും പാലക്കാടൻ മുളക് ചമ്മന്തിയും

ബജിയ്ക്കൊപ്പം പാലക്കാട്‌ സ്പെഷൽ‍ ഉള്ളി ചുവന്ന മുളക് ചമ്മന്തിയുടെ രുചിക്കൂട്ട്.

ബജി ചേരുവകൾ :

• പൊന്തൻ കായ / നേന്ത്രക്കായ - 2
  
• കായപ്പൊടി- അര സ്പൂൺ 
• കടലമാവ്-1കപ്പ്
• അരിപ്പൊടി -1 സ്പൂൺ (ആവശ്യമെങ്കിൽ) 
• ബേക്കിങ് സോഡ - കാൽ സ്പൂൺ കൂടുതൽ 
• മുളകുപൊടി - 2സ്പൂൺ എരിവ് അനുസരിച്ചു 
• ഉപ്പ്  -ആവശ്യത്തിന് 
• എണ്ണ - വറുത്തെടുക്കാൻ ആവശ്യത്തിന് 

തയാറാക്കുന്ന വിധം 

• ഒരു പാത്രത്തിൽ കടലമാവ്, കായപ്പൊടി, ബേക്കിങ് സോഡ, ഉപ്പ് ,മുളകുപൊടി എന്നിവ ചേർത്തു യോജിപ്പിച്ച് വെള്ളം കുറേശ്ശേയായി ഒഴിച്ച് ഇഡ്ഡലിമാവിന്റെ പരുവത്തിൽ കലക്കുക.
• ബേക്കിങ് സോഡാ നിർബന്ധമില്ല.
• കായ തൊലി കളഞ്ഞോ അല്ലാതെയോ തീരെ കനം കുറച്ച് മുറിച്ച് വെള്ളത്തിൽ ഇടുക. കറ പോകും (അല്ലെങ്കിൽ കറുപ്പ് നിറം വരും)
• ഒരു പാനിൽ എണ്ണ ചൂടാക്കി മാവിൽ ഓരോ കായയും മുക്കി എണ്ണയിൽ ഇട്ടു വറത്തു കോരുക.

ചമ്മന്തി

• സവാള/ചെറിയ ഉള്ളി-ആവശ്യാനുസരണം  
• മുളകുപൊടി - 1 സ്പൂൺ 
• ഉപ്പ് 
• വെളിച്ചെണ്ണ - 1 -2സ്പൂൺ  

ഒരു ജാറിൽ സവാള, മുളകുപൊടി, ഉപ്പ് എന്നിവ ചേർത്ത് അരയ്ക്കുക. പച്ച വെളിച്ചെണ്ണ ഒഴിച്ച് യോജിപ്പിച്ച് എടുക്കാം.

ശ്രദ്ധിക്കാൻ

• ചെറിയ ഉള്ളിയാണ് കൂടുതൽ രുചി (വഴറ്റിയും ഉണ്ടാക്കാം)
• സവാളയുടെ മുകളിലെ വെള്ള ഭാഗം കളഞ്ഞുവേണം അരയ്ക്കാൻ അല്ലെങ്കിൽ കയപ്പ് വരും.

English Summary : Kaya Bajji with Red Chilli Chutney.