ഇന്ത്യൻ പതാക വഹിക്കാൻ മനു ഭാക്കർ; പുരുഷ ടീമിൽനിന്നുള്ള പതാകവാഹകന്റെ പേര് പിന്നീട് പ്രഖ്യാപിക്കും

പാരിസ് ∙ ഒളിംപിക്സ് സമാപനച്ചടങ്ങിൽ ഇന്ത്യൻ വനിതാ ടീമിനെ നയിക്കാൻ ഷൂട്ടിങ് താരം മനു ഭാക്കർ. പാരിസ് ഒളിംപിക്സിൽ 2 വെങ്കല മെഡലുകൾ നേടിയ മനു ഭാക്കറാകും സമാപന മാർച്ച് പാസ്റ്റിൽ ഇന്ത്യൻ പതാക വഹിക്കുകയെന്ന് ടീം അധികൃതർ അറിയിച്ചു.

പുരുഷ ടീമിൽനിന്നുള്ള പതാകവാഹകന്റെ പേര് പിന്നീടു പ്രഖ്യാപിക്കും. ‘ഇന്ത്യൻ ടീമിൽ എന്നെക്കാൾ യോഗ്യരായ ഒട്ടേറെപ്പേരുണ്ട്. എങ്കിലും ഈ ദൗത്യം അഭിമാനപൂർവം ഞാനേറ്റെടുക്കുന്നു’– ഇരുപത്തിരണ്ടുകാരിയായ മനു പറഞ്ഞു.