സ്കൊഴ്സെസിയും ഡികാപ്രിയോയും; ദ് കില്ലേഴ്‌സ് ഓഫ് ദ് ഫ്‌ളവര്‍ മൂണ്‍ ട്രെയിലര്‍
Mail This Article
We’ve noticed you're using an ad blocker.
Reading matters. So does your experience.
Get ad-free access + premium stories starting at just ₹1/day.
ദ് വൂൾഫ് ഓഫ് വാൾസ്ട്രീറ്റ് എന്ന ചിത്രത്തിനുശേഷം ലിയനാര്‍ഡോ ഡികാപ്രിയോയും വിഖ്യാത സംവിധായകന്‍ മാര്‍ട്ടിന്‍ സ്കൊഴ്സെസിയും ഒന്നിക്കുന്ന പുതിയ ചിത്രത്തിന്‍റെ ട്രെയിലര്‍ ഇറങ്ങി. ‘ദ്ദ കില്ലേഴ്‌സ് ഓഫ് ദ് ഫ്‌ളവര്‍ മൂണ്‍' എന്ന ചിത്രം ക്രൈം ഡ്രാമ വിഭാഗത്തിൽപെടുന്നു. വന്‍ താരനിരയാണ് ചിത്രത്തില്‍ അണിനിരക്കുന്നത്. ലിയനാര്‍ഡോ ഡികാപ്രിയോയെ കൂടാതെ റോബര്‍ട്ട് ഡെ നീറോ, ലിലി ഗ്ലാഡ്‌സ്റ്റണ്‍, ബ്രെൻഡൻ ഫ്രേസർ എന്നിവരും പ്രധാന വേഷങ്ങളിലെത്തുന്നു.
ജെസി പ്ലെമണ്‍സ്, ടാന്റൂ കര്‍ദിനാള്‍, ജോണ്‍ ലിത്‌ഗോ തുടങ്ങിയവരും അഭിനേതാക്കളാണ്. കില്ലേഴ്‌സ് ഓഫ് ദ് ഫ്‌ളവര്‍ മൂണ്‍: ദി ഓസേജ് മര്‍ഡേഴ്‌സ് ആന്‍ഡ് ദ് ബര്‍ത്ത് ഓഫ് ദ എഫ്ബിഐ' എന്ന നോവലിനെ അധികരിച്ചാണ് ചിത്രം ഒരുക്കിയിരിക്കുന്നത്. ഡേവിഡ് ഗ്രാം എഴുതി 2017 ല്‍ ഇറങ്ങിയ ഈ നോവല്‍ ബെസ്റ്റ് സെല്ലര്‍ ആയിരുന്നു.
കാന്‍ ചലച്ചിത്ര മേളയില്‍ മെയ് 20ന് ഈ ചിത്രം പ്രദര്‍ശിപ്പിക്കുന്നുണ്ട്. 1920കളിലെ ഒക്‌ലഹോമയുടെ പശ്ചാത്തലത്തിലാണ് കില്ലേഴ്‌സ് ഓഫ് ദ് ഫ്ലവർ മൂൺ വരുന്നത്. ഒസാജ് നേഷൻ എന്ന സമ്പന്ന സംഘത്തിലെ അംഗങ്ങളുടെ മരണവുമായി ബന്ധപ്പെട്ട അന്വേഷണമാണ് ചിത്രത്തിലെ ഇതിവൃത്തം. ഈ വര്‍ഷം ഒക്ടോബര്‍ ആറിന് ചിത്രം റിലീസ് ചെയ്യും.
