Activate your premium subscription today
ന്യൂഡൽഹി ∙ കേരളത്തിൽ ഓർത്തഡോക്സ്, യാക്കോബായ സഭകളിൽപെട്ട വിശ്വാസികളുടെ എണ്ണമെത്ര, പള്ളികളുടെ നിയന്ത്രണം ആർക്ക് തുടങ്ങിയ വിവരങ്ങൾ അറിയിക്കാൻ സംസ്ഥാന സർക്കാരിനോടു സുപ്രീം കോടതി നിർദേശിച്ചു. ഭരണക്കൈമാറ്റം സംബന്ധിച്ചു തർക്കമുള്ള 6 പള്ളികളുടെ വിഷയത്തിൽ ജനുവരി 29, 20 തീയതികളിൽ വിശദമായി വാദം കേൾക്കും.
ന്യൂഡൽഹി ∙ സഭാക്കേസിൽ ഉത്തരവുകൾ പ്രശ്നം സൃഷ്ടിക്കാനല്ല, പ്രശ്ന പരിഹാരം ഉദ്ദേശിച്ചായിരുന്നുവെന്നു സുപ്രീം കോടതി വാക്കാൽ വ്യക്തമാക്കി. 2017 ലെ വിധി അന്നു കേസിൽ പരാമർശിക്കപ്പെട്ട പള്ളികളുമായി ബന്ധപ്പെട്ട തർക്കത്തെ തുടർന്നുള്ളതാണെന്നു ജസ്റ്റിസ് സൂര്യകാന്ത് അധ്യക്ഷനായ രണ്ടംഗ ബെഞ്ച് പറഞ്ഞു. സംസ്ഥാനത്താകെയുള്ള കാര്യം 2017 ലെ വിധിയിൽ പരിശോധിച്ചില്ലെന്നും കേരളത്തിനു പുറത്തും പള്ളികളുണ്ടാകാമല്ലോയെന്നും കോടതി പറഞ്ഞു. കർണാടകയിലും ഗോവയിലും തമിഴ്നാട്ടിലും ഉൾപ്പെടെ എന്താണ് ഇക്കാര്യത്തിൽ സംഭവിക്കുന്നതെന്ന് അറിയേണ്ടതുണ്ടെന്നും കോടതി പറഞ്ഞു.
ന്യൂഡൽഹി ∙ തങ്ങളുടെ കൈവശമുള്ള സെമിത്തേരിയിൽ തികച്ചും വ്യത്യസ്ത വിശ്വാസവും ആചാരവും പിന്തുടരുന്ന യാക്കോബായ പുരോഹിതൻ സംസ്കാരശുശ്രൂഷ നിർവഹിക്കുന്നത് അനുവദിക്കാനാകില്ലെന്ന് ഓർത്തഡോക്സ് സഭ സുപ്രീം കോടതിയിൽ സത്യവാങ്മൂലം നൽകി. ഇതു കൂടുതൽ പ്രശ്നങ്ങൾ സൃഷ്ടിക്കുകയും സമാധാനാന്തരീക്ഷം തകർക്കുകയും ചെയ്യുമെന്നാണ് ഓർത്തഡോക്സ് സഭാ അധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ നൽകിയ അധിക സത്യവാങ്മൂലത്തിലുള്ളത്.
നെടുമ്പാശേരി ∙ നാലു ദിവസത്തെ കേരള സന്ദർശനത്തിനു ശേഷം പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ മടങ്ങി. വിമാനത്താവളത്തിൽ വിശ്വാസികളും സഭാ ഭാരവാഹികളും മെത്രാപ്പൊലീത്തമാരും ചേർന്നു പരിശുദ്ധ ബാവായെ യാത്രയാക്കി. എല്ലാ സഹകരണങ്ങൾക്കും പ്രധാനമന്ത്രി നരേന്ദ്ര മോദിക്കും മുഖ്യമന്ത്രി പിണറായി വിജയനും ബാവാ നന്ദി അറിയിച്ചു.
കൊച്ചി ∙ മുൻവിധികളില്ലാതെ സഹോദരങ്ങളെപ്പോലെ ചർച്ചയ്ക്കു ഓർത്തഡോക്സ് സഭ തയാറാണെങ്കിൽ സഹകരിക്കാമെന്നു യാക്കോബായ സഭാ നിയുക്ത ശ്രേഷ്ഠ കാതോലിക്കാ ജോസഫ് മാർ ഗ്രിഗോറിയോസ് വ്യക്തമാക്കി.
പുത്തൻകുരിശ് ∙ യാക്കോബായ സുറിയാനി സഭ പ്രതിസന്ധികളിലൂടെ കടന്നുപോകുന്ന സാഹചര്യത്തിൽ, ശ്രേഷ്ഠ ബസേലിയോസ് തോമസ് പ്രഥമൻ കാതോലിക്കാ ബാവായുടെ പിൻഗാമിയെ ഉടൻ വാഴിക്കുമെന്ന് പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ. പുത്തൻകുരിശ് പാത്രിയർക്കാ സെന്ററിൽ ശ്രേഷ്ഠ ബസേലിയോസ് തോമസ് പ്രഥമൻ കാതോലിക്കാ ബാവായുടെ 40–ാം ഒാർമദിന ചടങ്ങുകളിൽ സംബന്ധിച്ച ശേഷം അനുസ്മരണ സമ്മേളനത്തിൽ പ്രസംഗിക്കുകയായിരുന്നു അദ്ദേഹം. സഭാ വിശ്വാസികൾ മാത്രമല്ല, വിവിധ ക്രൈസ്തവ സഭകളുടെയും ഹിന്ദു, മുസ്‍ലിം അടക്കം സകല മതവിഭാഗങ്ങളുടെയും ഹൃദയത്തിൽ ജീവിക്കുന്നയാളാണ് ശ്രേഷ്ഠ ബാവായെന്ന് അദ്ദേഹം പറഞ്ഞു.
കൊച്ചി ∙ സഭാ ശുശ്രൂഷയിൽ അര നൂറ്റാണ്ടിന്റെ അനുഭവ സമ്പത്തുമായാണു ജോസഫ് മാർ ഗ്രിഗോറിയോസ് യാക്കോബായ സഭയുടെ അമരക്കാരനാവുന്നത്. സഭയുടെ ഏതു പ്രതിസന്ധി ഘട്ടത്തിലും ശ്രേഷ്ഠ ബസേലിയോസ് തോമസ് പ്രഥമൻ കാതോലിക്കാബാവായുടെ നിഴലായി അദ്ദേഹം എല്ലായിടത്തും ഉണ്ടായിരുന്നു. തോമസ് പ്രഥമൻ കാതോലിക്കാ ബാവായുടെ വാർധക്യ കാലത്ത് അദ്ദേഹം ഏറെ വിശ്വാസത്തോടെ ചുമതലകൾ കൈമാറിയതും ജോസഫ് മാർ ഗ്രിഗോറിയോസിനാണ്.
കൊച്ചി∙ കേരള സന്ദർശനം വെട്ടിച്ചുരുക്കി പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ മടങ്ങുന്നു.ചൊവ്വാഴ്ച രാവിലെ 9.30ന് ഡമാസ്കസിലേക്കു മടങ്ങാനാണ് ബാവായുടെ തീരുമാനം. സിറിയയിൽ ആഭ്യന്തര കലാപം രൂക്ഷമായതിനു പിന്നാലെ പ്രസിഡന്റ് ബാഷർ അൽ അസദ് രാജ്യം വിട്ടിരുന്നു. തലസ്ഥാന നഗരമായ ഡമാസ്കസ്
കൊച്ചി ∙ യാക്കോബായ സഭാ മലങ്കര മെത്രാപ്പൊലീത്ത ജോസഫ് മാർ ഗ്രിഗോറിയോസിനെ സഭയുടെ ശ്രേഷ്ഠ കാതോലിക്കയായി ഉയർത്തും. ശ്രേഷ്ഠ ബസേലിയോസ് തോമസ് പ്രഥമൻ കാതോലിക്കാബാവാ കാലം ചെയ്തതിനെത്തുടർന്ന് ഒഴിവുവന്ന സ്ഥാനത്തേക്കു ജോസഫ് മാർ ഗ്രിഗോറിയോസിനെ വാഴിക്കണമെന്നു സഭാ സമിതികൾ പരിശുദ്ധ പാത്രിയർക്കീസ് ബാവായോട് അഭ്യർഥിച്ചിരുന്നു. ഇന്നലെ പുത്തൻകുരിശ് മലേക്കുരിശ് ദയറായിൽ കുർബാന മധ്യേ സഭാ സമിതികളുടെ അഭ്യർഥന അംഗീകരിച്ചതായും
കൊച്ചി ∙ പത്തു ദിവസത്തെ സന്ദർശനത്തിനായി പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ കേരളത്തിലെത്തി. ഇന്നു രാവിലെ 8.30നു ദുബായിൽ നിന്നുള്ള എമിറേറ്റ്സ് വിമാനത്തിൽ കൊച്ചി വിമാനത്താവളത്തിലെത്തിയ ബാവായെ യാക്കോബായ സഭാ മലങ്കര മെത്രാപ്പൊലീത്ത ജോസഫ് മാർ ഗ്രിഗോറിയോസും സഭാ ഭാരവാഹികളും ചേർന്നു സ്വീകരിച്ചു.
Results 1-10 of 117
