സ്വപ്ന സാക്ഷാത്കാരം, കരുത്തൻ ബിഎംഡബ്ല്യു ഇനി റോഷൻ മാത്യുവിന് സ്വന്തം

ബിഎംഡബ്ല്യു 3 സീരിസ് സ്വന്തമാക്കി യുവ നടൻ റോഷൻ മാത്യു. കൊച്ചി ഇവിഎം ഓട്ടോക്രാഫ്റ്റിൽ നിന്നാണ് റോഷൻ പുതിയ വാഹനം വാങ്ങിയത്. കുറച്ചു കാലത്തെ സ്വപ്നമാണ് ഈ വാഹനത്തിലൂടെ സാക്ഷാത്കരിച്ചത്. വാഹനം ഓടിക്കാൻ ഇഷ്ടമാണ്,  ആറു സിലിണ്ടർ കാർ ഓടിക്കുന്നതിന്റെ സന്തോഷത്തിലാണ് താനെന്നും ഇവിഎം പുറത്തുവിട്ട വിഡിയോയിൽ റോഷൻ പറയുന്നു.

ബിഎംഡബ്ല്യു 3 സീരിസിന്റെ ഏറ്റവും കരുത്തൻ മോഡൽ എം 340 ഐ ജാഹർ എം എഡിഷനാണ് റോഷന്റെ പുതിയ കാർ. മൂന്നു ലീറ്റർ ആറു സിലിണ്ടർ െപട്രോൾ എൻജിനാണ് വാഹനത്തിന്. 387 ബിഎച്ച്പി കരുത്തും 500 എൻഎം ടോർക്കുമുണ്ട് ഈ എൻജിന്. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ വെറും 4.4 സെക്കൻഡ് മാത്രം മതി. ഏകദേശം 68.90 ലക്ഷം രൂപയാണ് എക്സ്ഷോറൂം വില.

English Summary: Roshan Mathew Bought BMW 3 Series