കമ്പിത്തിരി പായ്ക്കറ്റിൽ സ്വന്തം പടം; സന്തോഷം കൊണ്ട് തുള്ളിച്ചാടി നടി അനന്യ പാണ്ഡെ

ദീപാവലി ആഘോഷങ്ങളുടെ ഭാഗമായി കുടുംബം വാങ്ങിയ കമ്പിത്തിരി പായ്ക്കറ്റിന്റെ കവറിൽ തന്റെ ചിത്രം വന്നതിന്റെ സന്തോഷം പ്രകടമാക്കുന്ന നടി അനന്യ പാണ്ഡെയുടെ വിഡിയോ വൈറലാകുന്നു. അനന്യയുടെ സഹോദരി അലന്നയാണ് നടിയുടെ ചിത്രം പതിച്ച കമ്പിത്തിരി പായ്ക്കറ്റ് അനന്യയെ കാണിക്കുന്നത്.

തന്റെ ജീവിതത്തിലെ ഒരു വലിയ സ്വപ്നമാണ് ഇപ്പോൾ യാഥാർഥ്യമായതെന്നായിരുന്നു പായ്ക്കറ്റ് കണ്ട ശേഷം നടിയുടെ പ്രതികരണം. സന്തോഷം കൊണ്ട് തുള്ളിച്ചാടുന്ന അനന്യയെ വിഡിയോയിൽ കാണാം. തന്റെ ബന്ധുക്കൾ തന്നെ പ്രത്യേകം തയാറാക്കിയ പായ്ക്കറ്റ് ആണോ ഇതെന്ന് സംശയത്തോടെ അനന്യ ചോദിക്കുന്നുണ്ട്.

നടൻ ചങ്കി പാണ്ഡെയാണ് അനന്യയുടെ അച്ഛൻ. സ്റ്റുഡന്റ് ഓഫ് ദ് ഇയർ 2 എന്ന സിനിമയിലൂടെ അഭിനയ രംഗത്തെത്തിയ നടി ചുരുക്കം സിനിമകളിലൂടെ പ്രേക്ഷക പ്രീതി നേടി. നെറ്റ്ഫ്ലിക്സിലൂടെ റിലീസ് ചെയ്ത ‘കൺട്രോൾ’ എന്ന സിനിമയാണ് നടിയുടേതായി അവസാനം റിലീസ് ചെയ്തത്.