ആന്റണിക്ക് നോട്ടിസയച്ചു; സമരപ്രഖ്യാപനം മാർച്ചിൽ

കൊച്ചി∙ പ്രൊഡ്യൂസേഴ്സ് അസോസിയേഷൻ വൈസ് പ്രസിഡന്റ് ജി.സുരേഷ് കുമാറിനെതിരെ ഫെയ്സ് ബുക്കിലിട്ട പോസ്റ്റ് 7 ദിവസത്തിനകം പിൻവലിക്കണമെന്നാവശ്യപ്പെട്ട് നിർമാതാവ് ആന്റണി പെരുമ്പാവൂരിന് ഫിലിം ചേംബർ നോട്ടിസയച്ചു. ഇമെയിലിലും റജിസ്ട്രേഡ് തപാലിലുമാണ് ഷോകോസ് നോട്ടിസ് നൽകിയത്. ആന്റണിയുടെ മറുപടി കിട്ടിയശേഷം ചേംബർ യോഗം ചേരും.

ജൂണിലെ സിനിമ സമരത്തിനു മുന്നോടിയായി സൂചന പണിമുടക്ക് നടത്താനുള്ള തീരുമാനവുമായി ചേംബർ മുന്നോട്ടുപോകുകയാണ്. മാർച്ച് ആദ്യവാരം സൂചന പണിമുടക്കിന്റെ തീയതി പ്രഖ്യാപിക്കും. തിയറ്റർ ഉടമകളുടെ സംഘടനയായ ഫിയോക്ക് യോഗം ചേർന്നു ചേംബറിന്റെ തീരുമാനങ്ങൾക്ക് പിന്തുണയറിയിച്ചു.