എം.ലിജു ഡിസിസി പ്രസിഡന്റ് സ്ഥാനം രാജി വച്ചു; രാജിക്കത്ത് ഇ മെയിലായി അയച്ചു

ആലപ്പുഴ∙ ഡിസിസി പ്രസിഡന്റ് എം.ലിജു സ്ഥാനം രാജി വച്ചു. കെപിസിസി പ്രസിഡന്റിനെ ഫോണിൽ കിട്ടാത്തതിനാൽ രാജിക്കത്ത് ഇ മെയിലായി അയച്ചെന്ന് ലിജു പറഞ്ഞു. ജില്ലയിലെ തിരഞ്ഞെടുപ്പു പരാജയത്തിന്റെ ഉത്തരവാദിത്തം ഏറ്റെടുത്താണു രാജി. 4 വർഷമായി ചുമതല വഹിക്കുന്നു. 

പാർട്ടി ഏൽപിച്ച ദൗത്യത്തിൽ വിജയിക്കാൻ കഴിഞ്ഞില്ല. ഓരോ മണ്ഡലത്തിലും പരാജയത്തിനു പല കാരണങ്ങൾ ഉണ്ടാവാം. എന്തായാലും ജയിച്ചില്ല എന്നതാണു പ്രശ്നം.ജില്ലയിൽ യുഡിഎഫ് ജയിക്കുമെന്നായിരുന്നു പ്രതീക്ഷയെന്നും ലിജു പറഞ്ഞു.

English Summary: MM Liju resign the post of DCC president