Arjun Rescue Updates

‘മരത്തടികൾ ഒഴുകിപ്പോയ ശേഷമാകാം ലോറി മുങ്ങിയത്; അർജുൻ എവിടെയെന്ന് കണ്ടെത്തണം’

ഷിരൂരിൽ ജില്ലാ ഭരണകൂടത്തിനു തിരച്ചിലുമായി മുന്നോട്ടു പോകാൻ താൽപര്യമില്ലെന്ന് എം.വിജിൻ എംഎൽഎ.

ഗംഗാവാലി പുഴയിൽ അടിയൊഴുക്ക് ശക്തം. ജലനിരപ്പിൽ നേരിയ കുറവ്

മണ്ണും ചെളിയും പാറയും നീക്കണമെന്ന് കാർവാർ എംഎൽഎ. ജലനിരപ്പ് താഴുംവരെ കാത്തിരിക്കണം. തൃശൂരിൽ നിന്നും ഡ്രഡ്ജിങ് യന്ത്രം എത്തിക്കുമെന്നും എംഎൽഎ.

തിരച്ചിൽ നിർത്തിയിട്ടില്ലെന്നും തുടരുമെന്നും കാർവാർ എംഎൽഎ.

ഷിരൂർ ദൗത്യം: ഉന്നതതല യോഗം തുടങ്ങി

ഷിരൂർ തിരച്ചിലിലെ തുടർനടപടികൾ തീരുമാനിക്കാൻ വൈകിട്ട് 6.30 ന് യോഗം 

അർജുനു വേണ്ടിയുള്ള തിരച്ചിൽ നിർത്തിയിട്ടില്ലെന്ന് കർണാടക.

തിരച്ചിൽ നിർത്തരുതെന്ന് ആവശ്യപ്പെട്ട് കർണാടക മുഖ്യമന്ത്രി സിദ്ധരാമയ്യക്ക് മുഖ്യമന്ത്രി പിണറായി വിജയന്റെ കത്ത്. നല്ലൊരു ഫലം കാണുന്നതുവരെ ‌രക്ഷാപ്രവർത്തനങ്ങൾ തുടരാൻ നിർദേശം നൽകണമെന്ന് ആത്മാർഥമായി അഭ്യർഥിക്കുന്നുവെന്നും ആവശ്യമായ എല്ലാ ഉപകരണങ്ങളും ഉപയോഗിച്ച് രക്ഷാ പ്രവർത്തനങ്ങൾ തുടരണമെന്നുമാണ് മുഖ്യമന്ത്രി ആവശ്യപ്പെട്ടത്.

ഈശ്വർ മൽപെ തിരച്ചിൽ അവസാനിപ്പിച്ചു.  പുഴയുടെ അടിത്തട്ടിൽ ചെളിയും മണ്ണും.

തിരച്ചിൽ ദുഷ്കരമെന്ന് കാർവാർ എംഎൽഎ. അടുത്ത 21 ദിവസം മഴ കാണുമെന്നാണ് കാലാവസ്ഥ കേന്ദ്രത്തിന്റെ മുന്നറിയിപ്പ്. പുഴയുടെ അടിത്തട്ടിൽ ചെളിയും മണ്ണുമാണ്. പുഴയുടെ അടിയിലേക്ക് പോകാൻ ബുദ്ധിമുട്ടുണ്ടെന്ന് ഈശ്വർ മൽപെ പറഞ്ഞുവെന്നും കാർവാർ എംഎൽഎ.

ഈശ്വർ മൽപെ വെള്ളത്തിലിറങ്ങി, പരമാവധി താഴ്ചയിൽ തിരച്ചിലിന് ശ്രമം