'അദൃശ്യമായി' ലോകത്തെവിടെയും പറന്നെത്തുന്ന അഡ്വാൻസ്ഡ് ടെക്നോളജി, അമേരിക്കയുടെ ബി-2 സ്റ്റെൽത്ത് ബോംബർ!

നൂതന സ്റ്റെൽത്ത് സാങ്കേതികവിദ്യ ഉപയോഗിക്കുന്ന ബി 2 സ്റ്റെൽത്ത് ബോംബറുകൾ യെമനിലെ ഹൂതി വിമതർക്കെതിരെ ആദ്യമായി പ്രയോഗിച്ചിരിക്കുകയാണ് അമേരിക്ക. യെമൻ പോരാട്ടത്തിനിടയിൽ യുഎസ് ആദ്യമായാണ് ഈ അഡ്വാൻസ്ഡ് ടെക്നോളജി ബോംബർ  ഉപയോഗിക്കുന്നത്. യുഎസ് സഖ്യസേനയ്ക്കും സിവിലിയൻ കപ്പലുകൾക്കും നേരെ ആക്രമണം നടത്തുന്നത് തടയാൻ ലക്ഷ്യമിട്ടായിരുന്നു വ്യോമാക്രമണം

മിസൈലുകൾ, യുദ്ധോപകരണങ്ങൾ എന്നിവ സംഭരിച്ചിരിക്കുന്ന കേന്ദ്രങ്ങളിലായിരുന്നു ആക്രമണം. യെമനിലെ ഈ ബങ്കർ തകർക്കൽ സ്‌ട്രൈക്കുകൾക്ക് ബി-2എ ഉപയോഗിച്ചത് യുഎസ് ആയുധപ്പുരയിലെ ഏറ്റവും ഭാരമേറിയ ബോംബായ ജിബിയു-57 മാസിവ് ഓർഡനൻസ് പെനട്രേറ്ററുകൾ (എംഒപി) ആയിരിക്കാമെന്ന് നിരവധി സൈനിക വിശകലന വിദഗ്ധർ അനുമാനിക്കുന്നു. B-2 സ്പിരിറ്റിന് മാത്രമേ 30,000 പൗണ്ട് (14,000 കിലോഗ്രാം) ഭാരമുള്ള ജിബിയു-57 വഹിക്കാൻ കഴിയൂ.

നോർത്ത്‌റോപ്പ് ഗ്രുമ്മാൻ വികസിപ്പിച്ചെടുത്ത തന്ത്രപരമായ ബോംബർ വിമാനമാണ് സ്‌റ്റെൽത്ത് ബോംബർ എന്നും അറിയപ്പെടുന്ന നോർത്ത്‌റോപ്പ് ബി-2 സ്പിരിറ്റ് . റഡാറും മറ്റ് സെൻസറുകളും ഉപയോഗിച്ച് കണ്ടെത്തുന്നത് പ്രയാസകരമാക്കുന്ന സാങ്കേതികതയാണ് ഇതിന്റെ സവിശേഷത.

നോർത്ത് ഗ്രുമ്മൻ രൂപകൽപ്പന ചെയ്ത B-2 സ്പിരിറ്റിന്റെ പ്രധാന സവിശേഷതകൾ:

സ്റ്റെൽത്ത് ടെക്നോളജി: ബി-2ന്റെ വിചിത്രമായ രൂപകൽപനയും നിർമിച്ചിരിക്കുന്നു വസ്തുക്കളും അതിന്റെ സ്റ്റെൽത്ത് കഴിവുകൾക്ക് സഹായകമാകുന്നു, ഇത് ശത്രുക്കളുടെ റഡാർ സംവിധാനങ്ങളിൽ തിരിച്ചറിയപ്പെടാതെ തുളച്ചുകയറാൻ അനുവദിക്കുന്നു.  

ലോങ് റേഞ്ച്: ഇന്ധനം നിറയ്ക്കാതെ തന്നെ ലോകത്തെവിടെയുമുള്ള ലക്ഷ്യങ്ങൾ ആക്രമിക്കാൻ ഇത് അനുവദിക്കുന്നു. 

വലിയ പേലോഡ്: ബി-2ന് കൃത്യമായ ഗൈഡഡ് ബോംബുകളും ന്യൂക്ലിയർ ബോംബുകളും ഉൾപ്പെടെയുള്ളവയും ഒപ്പം ആണവായുധങ്ങളും വഹിക്കാൻ കഴിയും. 50,000 അടി (15,000 മീറ്റർ) വരെ ഉയരത്തിൽ ആക്രമണ ദൗത്യങ്ങൾ നടത്താൻ കഴിയും.

രണ്ട് പേരടങ്ങുന്ന സംഘം: രണ്ട് പൈലറ്റുമാരുടെ സംഘമാണ് ബോംബർ പ്രവർത്തിപ്പിക്കുന്നത്

സ്റ്റെൽത്ത് ബോബറുകളുടെ തുടക്കം

ശത്രു സെൻസറുകൾക്ക് അദൃശ്യമായി, അതേസമയം യുദ്ധമുണ്ടായാൽ സോവിയറ്റ് യൂണിയനിലേക്ക് അണുബോംബുകൾ എത്തിക്കുന്ന ഒരു ബോംബർ വേണമെന്ന് അമേരിക്കൻ സൈന്യം ആഗ്രഹിച്ചതോടെയാണ് നിർമാണം ആരംഭിച്ചത് . പക്ഷേ 1991ൽ സോവിയറ്റ് യൂണിയന്റെ  തകർച്ചയോടെ, സൈന്യം B-2ന്റെ ഡിസൈൻ മാറ്റി.  ആണവായുധങ്ങൾ കൂടാതെ പരമ്പരാഗത ബോംബുകളും വഹിക്കാൻ ഇത് രൂപകൽപ്പന ചെയ്തിരിക്കുന്നു

ബോംബർ കരാർ നേടിയ പ്രതിരോധ സ്ഥാപനമായ നോർത്ത്‌റോപ്പ് ഗ്രുമ്മൻ കോടിക്കണക്കിന് ഡോളറുകളും ഏകദേശം 10 വർഷവും ചെലവിട്ടു അതീവ രഹസ്യ പദ്ധതി വികസിപ്പിച്ചെടുത്തു. പരമ്പരാഗത വിമാനത്തിൽ നിങ്ങൾ കണ്ടെത്തുന്ന സ്റ്റാൻഡേർഡ് സ്റ്റെബിലൈസിങ് സിസ്റ്റങ്ങളൊന്നും ഇതിന് ഇല്ല , എന്നാൽ ഇത് ഒരു യുദ്ധവിമാനം പോലെ സുഗമമായി പറക്കുമെന്ന് പൈലറ്റുമാർ പറയുന്നു.

B-2 ന് നാല് ജനറൽ ഇലക്ട്രിക് F-118-GE-100 ജെറ്റ് എൻജിനുകൾ ഉണ്ട് , ഒരു സാധാരണ വിമാനത്തിലെന്നപോലെ, ചിറകുകളുടെ വിവിധ ഭാഗങ്ങൾ ചലിപ്പിച്ചാണ് പൈലറ്റ് B-2 നെ നയിക്കുന്നത്.B-2ന്റെ പരന്നതും നീളമുള്ള ആകൃതിയും കറുത്ത നിറവും രാത്രിയിൽ തിരിച്ചറിയാതിരിക്കാന്‍ സഹായിക്കുന്നു. പകൽസമയത്ത് പോലും, B-2 നീലാകാശത്തിന് എതിരായി നിൽക്കുമ്പോൾ, വിമാനം ഏത് വഴിക്കാണ് പോകുന്നതെന്ന് കണ്ടുപിടിക്കാൻ പ്രയാസമാണ്. B-2 ഏറ്റവും കുറഞ്ഞ എക്‌സ്‌ഹോസ്റ്റ് പുറപ്പെടുവിക്കുന്നു, അതിനാൽ പിന്നിൽ ദൃശ്യമായ ഒരു പാത അവശേഷിപ്പിക്കുന്നില്ല.

റഡാർ കണ്ടെത്തലിനെതിരെ ബി-2 ന് രണ്ട് പ്രധാന പ്രതിരോധങ്ങളുണ്ട്. റഡാർ ആഗിരണം ചെയ്യുന്ന പ്രതലമാണ് ഒന്ന്. റഡാറിൽ ഉപയോഗിക്കുന്ന റേഡിയോ തരംഗങ്ങൾ പ്രകാശ തരംഗങ്ങൾ പോലെ തന്നെ വൈദ്യുതകാന്തിക ഊർജ്ജമാണ്. ബോബറിൽ ഉപയോഗിച്ചിരിക്കുന്ന നിര്‍മാണ വസ്തുക്കൾ ഈ ഊർജ്ജത്തെ ആഗിരണം ചെയ്യുന്നതാണ്. സ്റ്റെൽത്ത് ബോംബറിന്റെ പ്രത്യേക ആകൃതി റേഡിയോ ബീമുകളെ  വ്യതിചലിപ്പിക്കുന്നു. വിമാനത്തിന്റെ മുകളിലും താഴെയുമുള്ള വലിയ പരന്ന പ്രദേശങ്ങൾ ചെരിഞ്ഞ കണ്ണാടികൾ പോലെയാണ്. ഈ പരന്ന പ്രതലങ്ങള്ഡ  ഒട്ടുമിക്ക റേഡിയോ ബീമുകളെയും വ്യതിചലിപ്പിക്കും