കാപ്പി സ്ട്രോങ്
Mail This Article
×
കൽപറ്റ (വയനാട്) ∙ കാപ്പി വില ചരിത്രത്തിലെ ഏറ്റവും ഉയർന്ന നിലയിലേക്ക്. രാജ്യാന്തര വിപണിയിൽ ഇന്ത്യൻ കാപ്പിക്ക് ആവശ്യം കൂടിയിട്ടുണ്ട്. അതോടൊപ്പം രാജ്യത്ത് കാപ്പി കൂടുതൽ ഉൽപാദിപ്പിക്കുന്ന കർണാടകയിൽ ഉൽപാദനത്തിൽ 20% കുറവുണ്ടായെന്നാണു കണക്ക്. വയനാട്ടിലും കഴിഞ്ഞ വർഷത്തെക്കാൾ 30 മുതൽ 50% വരെ ഉൽപാദനത്തിൽ കുറവുണ്ട്. വിദേശ രാജ്യങ്ങളിൽ അടക്കം കാപ്പിയുടെ ഗുണമേന്മയെക്കുറിച്ചുള്ള പ്രചാരണങ്ങളും ആവശ്യകത വർധിക്കാൻ കാരണമായതായി വ്യാപാരികൾ പറയുന്നു.
കഴിഞ്ഞ വർഷത്തെക്കാൾ ഇത്തവണ വിളവെടുപ്പ് ആരംഭത്തിൽ തന്നെ വിലയുണ്ട്. കഴിഞ്ഞ ഏപ്രിലിൽ ആയിരുന്നു കാപ്പിക്ക് ഇതുവരെ ഉണ്ടായിരുന്ന മികച്ച വില ലഭിച്ചത്; പരിപ്പ് ക്വിന്റലിന് 36,000 രൂപയും ഉണ്ട കാപ്പി ക്വിന്റലിന് 22,000 രൂപയും. ഇന്നലെ പരിപ്പ് ക്വിന്റലിനു 45,000 രൂപയും ഉണ്ട കാപ്പി ക്വിന്റലിനു 25,700 രൂപയും വിപണി വില ഉണ്ട്.
English Summary:
Record high coffee prices hit the market as Indian coffee sees increased international demand and reduced domestic production. Wayanad and Karnataka regions face significant production shortfalls, impacting supply and driving up costs.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.