ഫ്ലോറിഡയിൽ മിൽട്ടൻ ചുഴലിക്കാറ്റ് ആഞ്ഞടിക്കുന്നു

കൊടുങ്കാറ്റ് സെന്റ് പീറ്റേഴ്‌സ്ബർഗ് കടന്ന് ഒർലാൻഡോയിലേക്ക് അടുക്കുന്നു. ഒർലാൻഡോ നഗരത്തിൽ കാറ്റും മഴയും അപകടകരമാം വിധം ശക്തമാണ്.

റ്റാംപ, സെന്റ് പീറ്റേഴ്‌സ്ബർഗ്, ക്ലിയർവാട്ടർ എന്നിവടങ്ങളിലെ ഏകദേശം 2 ദശലക്ഷം ജനങ്ങൾക്ക് വെള്ളപ്പൊക്ക മുന്നറിയിപ്പ് നൽകിയിട്ടുണ്ട്.

റ്റാംപയിൽ ജീവന് ഭീഷണിയായി വെള്ളപ്പൊക്കം.

സംസ്ഥാനത്തെ 600,000-ത്തിലധികം വീടുകളിലും ബിസിനസ് സ്ഥാപനങ്ങളിലും വൈദ്യുതിയില്ലാ.

ഫ്ലോറിഡയിലെ സിയസ്റ്റ കീയ്ക്ക് സമീപം മണിക്കൂറിൽ 120 മൈൽ വേഗതയിൽ വീശിയ മിൽട്ടൻ കൊടുങ്കാറ്റ്  മൂന്നാം കാറ്റഗറി ചുഴലിക്കാറ്റായിട്ടാണ് കരയിലേക്ക് പ്രവേശിച്ചതെന്ന് നാഷണൽ ഹരിക്കെയിൻ സെന്റർ അറിയിച്ചു. ചിലയിടങ്ങളിൽ കാറ്റിന്റെ വേഗത ഇതിലും കൂടുതലായിരുന്നു.

ഫ്ലോറിഡയിൽ മിൽട്ടൻ ചുഴലിക്കാറ്റ് ആഞ്ഞടിക്കുന്നു.

ഫ്ലോറിഡയിലെ സറസോട്ട കൗണ്ടിക്ക് സമീപമോ അൽപം തെക്ക്മാറിയോ ബുധനാഴ്ച രാത്രി തന്നെ മിൽട്ടൻ ചുഴലിക്കാറ്റ് തീരത്തെത്തുമെന്ന് നാഷനൽ ഹരിക്കെയ്ൻ സെന്റർ പ്രവചിക്കുന്നു.

മാനാറ്റി കൗണ്ടിയില്‍ നിന്ന് 6,000 പേർ ഷെൽട്ടറുകളിലേക്ക് മാറിയിട്ടുണ്ട്.

റ്റാംപയിലെ മാനാറ്റി കൗണ്ടിയിലെ ഏകദേശം 147,000 താമസക്കാരോടും സന്ദർശകരോടും ഒഴിഞ്ഞു പോകാൻ ആവശ്യപ്പെട്ടിട്ടുണ്ട്.