കക്കാ ഇറച്ചി ഇതു പോലെ ഉണ്ടാക്കിയാൽ, രുചി കിടിലൻ

രുചിയൂറും നാടൻ കക്കാ ഇറച്ചി റോസ്റ്റ് ഈ രീതിയിൽ തയാറാക്കാം.

ചേരുവകൾ

• കക്കാ ഇറച്ചി - 1/2 കിലോഗ്രാം
• വെളുത്തുള്ളി - 8 അല്ലി
• ഇഞ്ചി ( അരിഞ്ഞത് ) - 2 ടേബിൾസ്പൂൺ
• ചെറിയ ഉള്ളി - 20 എണ്ണം
• പച്ച മുളക് - 2 എണ്ണം 
• എണ്ണ - 6 ടേബിൾസ്പൂൺ
• പെരുംജീരകം - 1/2 ടീസ്പൂൺ
• തേങ്ങാക്കൊത്ത് - 1/2 കപ്പ്‌
• മഞ്ഞൾപ്പൊടി - 1/2 ടീസ്പൂൺ
• കാശ്മീരി മുളകുപൊടി - 2 ടീസ്പൂൺ
• കുരുമുളകുപൊടി - 1 ടീസ്പൂൺ
• ഗരം മസാലപ്പൊടി - 1 ടീസ്പൂൺ
• കുടംപുളി - 2 കഷ്ണം
• കറിവേപ്പില - 2 തണ്ട്
• ഉപ്പ് -  ആവശ്യത്തിന് 

പാചകം ചെയ്യുന്ന വിധം

• കാക്കാ ഇറച്ചി വൃത്തിയാക്കി ഒരു പാത്രത്തിൽ  നികക്കെ വെള്ളം ഒഴിക്കുക. 
• കുടം പുളിയും കുറച്ച് ഉപ്പും ചേർത്ത് ഒന്നു തിളപ്പിക്കുക. 
• ശേഷം വെള്ളം ഊറ്റി കളഞ്ഞു പുളി എടുത്ത് കളയുക.
• ഒരു ചീനച്ചട്ടി ചൂടാക്കി എണ്ണ ഒഴിച്ച് ചൂടാകുമ്പോൾ പെരുംജീരകം ഇട്ട് പൊട്ടിക്കുക. 
• തേങ്ങാക്കൊത്ത് ചേർത്ത് വഴറ്റുക. 
• വെളുത്തുള്ളി, ഇഞ്ചി, ചെറിയ ഉള്ളി, പച്ചമുളക്, കറിവേപ്പില എന്നിവ ചേർത്ത് വഴറ്റുക. 
• മഞ്ഞൾപ്പൊടി, മുളകുപൊടി, ഗരം മസാലപ്പൊടി എന്നിവ ചേർത്ത് വഴറ്റുക. 
• കക്കാ ഇറച്ചി ചേർത്ത് ആവിശ്യത്തിന് ഉപ്പും ചേർത്ത് നന്നായി ഇളക്കി അടച്ച് വച്ച് ചെറു തീയിൽ 5 മിനിറ്റ് വേവിക്കുക. 
• ശേഷം കുരുമുളകുപൊടി ചേർത്ത് ഇളക്കി മീഡിയം തീയിൽ റോസ്റ്റ് ചെയ്തെടുക്കുക. 

English Summary : Kerala style Kakka Roast recipe.