Activate your premium subscription today
യുപിയിൽ, ഭരണകക്ഷിയായ ബിജെപിക്കുള്ളിലെ അസംതൃപ്തരുടെ മുറുമുറുപ്പുകൾ പുറത്തേക്കു മുഴങ്ങിത്തുടങ്ങിയതോടെ യോഗി ആദിത്യനാഥ് സർക്കാരിനു ചുവടുതെറ്റുന്നതിന്റെ സൂചനകൾ കണ്ടുതുടങ്ങി. ലോക്സഭാ തിരഞ്ഞെടുപ്പിലെ തിരിച്ചടിക്കു പിന്നാലെ, ഉപമുഖ്യമന്ത്രിമാരായ കേശവപ്രസാദ് മൗര്യയും ബ്രജേഷ് പാഠകും മുഖ്യമന്ത്രിക്കെതിരെ തുടങ്ങിവച്ച പടയൊരുക്കം പാർട്ടി കേന്ദ്രനേതൃത്വത്തിനു തലവേദനയായിരിക്കുന്നു. നിയമസഭയിലെ 10 സീറ്റിലേക്ക് ഉപതിരഞ്ഞെടുപ്പു നടക്കാനിരിക്കുന്ന സാഹചര്യത്തിൽ യോഗിയുടെ നില കൂടുതൽ പരുങ്ങലിലായിട്ടുമുണ്ട്. ഡൽഹിയിലെ വൈഫൈ കണക്‌ഷനു യുപിയിൽനിന്നുള്ള പാസ്‌വേഡ് എന്നും മറ്റും കേശവപ്രസാദ് മൗര്യയെ സമാജ്‌വാദി പാർട്ടി അധ്യക്ഷൻ അഖിലേഷ് യാദവ് പരിഹസിച്ചതിനു തൊട്ടുപിന്നാലെയാണു വെള്ളിയാഴ്ച യോഗി വിളിച്ച യോഗത്തിൽനിന്നു മൗര്യ വിട്ടുനിന്നത്. കോൺഗ്രസിന്റെ ചാവേറാണ് അഖിലേഷെന്നു മൗര്യ തിരിച്ചടിച്ചെങ്കിലും ബിജെപിയുടെ യുപി നേതൃത്വത്തിലെ വിള്ളൽ മറച്ചുവയ്ക്കാൻ അതൊന്നും ഉപകരിച്ചിട്ടില്ല. ഡൽ‌ഹിയിൽ ബിജെപി അധ്യക്ഷൻ ജെ.പി.നഡ്ഡയുമായി മൗര്യ കൂടിക്കാഴ്ച നടത്തിയതിനെ
ഭരണത്തിലെ മുൻഗണനകളിൽ തിരുത്തൽ വേണമെന്നു മുൻകൂട്ടി ആവശ്യപ്പെട്ടിട്ടും സിപിഎം അതു കേട്ടില്ലെന്നു സിപിഐ. സംസ്ഥാന കൗൺസിൽ അംഗീകരിച്ച ലോക്സഭാ തിരഞ്ഞെടുപ്പ് അവലോകന റിപ്പോർട്ടിലാണു സിപിഎം മുന്നറിയിപ്പു അവഗണിച്ചതു ചൂണ്ടിക്കാട്ടുന്നത്. ക്ഷേമനടപടികൾക്കു പകരം വികസന പദ്ധതികൾക്കു മുൻഗണന നൽകിയതു തിരഞ്ഞെടുപ്പു തിരിച്ചടിയുടെ പ്രധാന കാരണമായി സിപിഎം ഇപ്പോൾ കണ്ടെത്തിയിരുന്നു. വീണ്ടുവിചാരത്തിന്റെ അടിസ്ഥാനത്തിൽ മുൻഗണനകളിലെ മാറ്റം മുഖ്യമന്ത്രി നിയമസഭയിൽ പ്രഖ്യാപിക്കുകയും ചെയ്തു. ഇതു വൈകിപ്പോയെന്നാണു സിപിഐയുടെ വിമർശനം. ‘ഭരണരംഗത്തെ പോരായ്മകൾ മുൻപു തന്നെ പാർട്ടി ഘടകങ്ങൾ ചർച്ച ചെയ്യുകയും ബന്ധപ്പെട്ട കേന്ദ്രങ്ങളെ അറിയിക്കുകയും ചെയ്തതാണ്. സാധാരണക്കാരായ ജനങ്ങൾ ആശ്രയിക്കുന്നതും അവർക്കു സംരക്ഷണം നൽകുന്നതുമായ പദ്ധതികളും സ്ഥാപനങ്ങളും സർക്കാരിന്റെ മുൻഗണനയിൽ ഉണ്ടാകണമെന്നാണു പാർട്ടി ആവശ്യപ്പെട്ടത്. ഇതനുസരിച്ചുള്ള മാറ്റങ്ങൾ
2024 ജൂൺ 26ന് കോഴിക്കോട് സമസ്ത കാര്യാലയത്തിൽ നടന്ന സമസ്ത സ്ഥാപക നേതൃ സംഗമത്തിന് അധ്യക്ഷത വഹിച്ചത് മുസ്‌ലിം ലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങളാണ്. ഉദ്ഘാടനം ചെയ്തത് സമസ്ത അധ്യക്ഷൻ ജിഫ്രി മുത്തുക്കോയ തങ്ങളും. എന്താണ് ഇതിലിത്ര പുതുമ? ലോക്സഭാ തിര‍ഞ്ഞെടുപ്പിന് ശേഷമുള്ള സമസ്തയുടെയും ലീഗിന്റെയും മഞ്ഞുരുകലിന്റെയും ഒന്നാകലിന്റെയും പരസ്യമായ തുടക്കമായി ഈ പരിപാടി മാറിയെന്നതാണ് ആദ്യം പറഞ്ഞ പുതുമയല്ലാത്ത കാര്യത്തിന്റെ പ്രസക്തി. ലോക്സഭാ തിരഞ്ഞെടുപ്പിനോട് അനുബന്ധിച്ചു നടന്ന സമസ്ത–ലീഗ് ആശയഭിന്നതകളും തർക്കങ്ങളും എല്ലാം ഇതോടെ അവസാനിച്ചുവെന്നാണ് വിലയിരുത്തപ്പെടുന്നത്. കഴിഞ്ഞ ലോക്സഭാ തിരഞ്ഞെടുപ്പ് ഫലം എങ്ങനെയാണ്, വലിയ രാഷ്ട്രീയ മാറ്റങ്ങൾ സംഭവിക്കാൻ സാധ്യതയുണ്ടെന്ന് വിലയിരുത്തിയ സമസ്ത–ലീഗ് തർക്കത്തെ മാറ്റി മറിച്ചത്? ലീഗിന്റെ ചരിത്രത്തിലെ ഏറ്റവും മികച്ച തിരഞ്ഞെടുപ്പ് ഫലം കാണിക്കുന്നത് എന്താണ്? ജനത്തിന്റെ ഹിതം മനസ്സിലാക്കിയാണോ സമസ്തയുടെ നിലപാട് മാറ്റം? വിശദമായി പരിശോധിക്കാം.
സസ്പെൻസുകളോ സർപ്രൈസുകളോ ഒന്നും അധികം എടുത്തുപറയാനില്ലാതെയായിരുന്നു നരേന്ദ്ര മോദിയുടെ നേതൃത്വത്തിലുള്ള മൂന്നാം മന്ത്രിസഭ സത്യപ്രതിജ്ഞയ്ക്കെത്തിയത്. മിക്കവരും മന്ത്രിസഭയിലെ പരിചിത മുഖങ്ങൾ. എന്നാൽ സഹമന്ത്രിമാരുടെ പട്ടികയിലേക്ക് വന്നപ്പോൾ വെള്ള ഷർട്ടും കടുംനിറത്തിലുള്ള ഓവർകോട്ടും ധരിച്ച് ഘനഗംഭീര സ്വരത്തിൽ ഓക്സഫഡ് ഇംഗ്ലിഷിൽ സത്യപ്രതിജ്ഞ ചെയ്ത് ഒരാൾ. മോദിയുടെ മൂന്നാം സർക്കാരിനെ താങ്ങിനിർത്തുന്ന ചന്ദ്രബാബു നായിഡുവിന്റെ തെലുഗുദേശം പാർട്ടിയുടെ എംപി ഡോ. പെമ്മസാനി ചന്ദ്രശേഖർ. മന്ത്രിസഭയിൽ പുതുമുഖമാണെങ്കിലും തിരഞ്ഞെടുപ്പു പ്രചാരണ സമയത്തുതന്നെ പെമ്മസാനി വാർത്തകളിൽ ഇടംനേടിയിരുന്നു. കൃത്യമായി പറഞ്ഞാൽ നാമനിർദേശ പത്രിക സമർപ്പിച്ച അന്നുമുതൽ. അതെങ്ങനെയെന്നല്ലേ? എടുത്തുപറയാൻ തക്ക രാഷ്ട്രീയ പാരമ്പര്യമോ ക്രിമിനൽ കേസുകളുടെ എണ്ണമോ കൊണ്ടല്ല, മറിച്ച് തിരഞ്ഞെടുപ്പിലെ ഏറ്റവും ധനികനായ സ്ഥാനാർഥി എന്ന ‘തലക്കന’ത്തിലാണ് പെമ്മസാനി സ്ഥാനാർഥിനിരയിൽ പേരെടുത്തത്. തന്റെ കന്നിയങ്കത്തിൽ തന്നെ ലക്ഷം വോട്ടുകളുടെ ഭൂരിപക്ഷത്തിൽ എംപിയായി ലോക്സഭയിൽ എത്തിയ അദ്ദേഹം ഇപ്പോഴിതാ മോദി മന്ത്രിസഭയിലും അംഗമായിരിക്കുന്നു. എടുത്തുപറയാൻ തക്ക രാഷ്ട്രീയ നേട്ടങ്ങൾ പോലും സ്വന്തം പേരിരില്ലാത്ത പെമ്മസാനി എങ്ങനെയാണ് ആദ്യ അവസരത്തിൽതന്നെ ലോക്സഭയിലേക്കു ജയിച്ചതും മന്ത്രിസഭയിൽ അംഗമായതും? യുഎസിൽ ഡോക്ടറായ, വിദേശത്ത് വീടും ഇട്ടുമൂടാനുള്ള സ്വത്തുവകകളുമുള്ള, ആയിരത്തോളം കമ്പനികളിൽ നിക്ഷേപമുള്ള പെമ്മസാനി എന്തിനാണ് അതെല്ലാം വിട്ട് ഇന്ത്യൻ രാഷ്ട്രീയത്തിൽ ഭാഗ്യം പരീക്ഷിക്കാനിറങ്ങിയത്? എന്തുകൊണ്ടാണ് ആന്ധ്ര പ്രദേശിലെ ഗുണ്ടൂരിൽനിന്ന് ലോക്സഭയിലേക്ക് മത്സരിച്ചത്? പണം കൊടുത്ത് സീറ്റു വാങ്ങിയവരും, പണമുള്ളതുകൊണ്ടു മാത്രം ഒറ്റരാത്രി കൊണ്ട് സ്ഥാനാർഥികളായവരുമുള്ള ഇന്ത്യൻ രാഷ്ട്രീയഭൂമികയിൽ ശതകോടികളുടെ ആസ്തിയുള്ള പെമ്മസാനി ഒരു വേറിട്ട മുഖമാണോ?
വർഷങ്ങൾ നീണ്ട മുന്നൊരുക്കം, മാസങ്ങൾ നീണ്ട പ്രചാരണം, വോട്ടെടുപ്പിന് ശേഷം ദിവസങ്ങൾ നീണ്ട കണക്കുകൂട്ടലുകൾ, ഒടുവിൽ ജയം, പുതിയ മന്ത്രിമാർ... ഇന്ത്യ കാത്തിരുന്ന ലോക്സഭാ തിരഞ്ഞെടുപ്പുഫലം സമ്മാനിച്ചത് ഒട്ടേറെ കൗതുകങ്ങൾ കൂടിയാണ്. തിരഞ്ഞെടുപ്പിനു തൊട്ടു മുൻപ് മറുകണ്ടം ചാടി സ്ഥാനാർഥിത്വം നിലനിർത്തിയവർക്ക് എന്തു സംഭവിച്ചു? വിവാദ നായകന്മാരുടെ അവസ്ഥ എന്തായി? കോൺഗ്രസ് വിട്ട് മിനിറ്റുകൾക്കുള്ളിൽ ബിജെപിയിൽ സ്ഥാനാർഥിത്വം നേടിയെടുത്ത മുൻ എംപിയുടെ അവസ്ഥയോ? സിനിമയിൽ നിന്നു നേരിട്ട് സ്ഥാനാർഥിത്വം ലഭിച്ച നടി ജയിച്ചു കയറിയോ? ഇങ്ങനെ നീണ്ടു നീണ്ടു പോകുന്നു 2024ലെ വോട്ടുൽസവത്തിലെ വിശേഷങ്ങൾ. 7 ഘട്ടങ്ങളിലായി 543 മണ്ഡലങ്ങളിലേക്കു നടന്ന തിരഞ്ഞെടുപ്പിൽ സൂറത്തിൽ മാത്രം എതിരില്ലാതെ സ്ഥാനാർഥി തിരഞ്ഞെടുക്കപ്പെട്ടു. അവിടെ പക്ഷേ നോട്ടയ്ക്കു കിട്ടിയത് റെക്കോർഡ് വോട്ട്. കോൺഗ്രസ് സ്ഥാനാർഥിയില്ലാത്തതിനാൽ നോട്ടയ്ക്കു വോട്ട് ചെയ്യാൻ പാർട്ടി ആഹ്വാനം ചെയ്യുകയായിരുന്നു. കേരളത്തിലെ മണ്ഡലങ്ങൾ ഒഴിച്ചു നിർത്തിയാൽ പലതരം കൗതുകങ്ങൾ നിറച്ച മണ്ഡലങ്ങൾ ഒട്ടേറെയാണ്. അവയിൽ ശ്രദ്ധ നേടിയ ചില മണ്ഡലങ്ങളിലെ വിശേഷങ്ങളാണ് ഇവിടെ പങ്കുവയ്ക്കുന്നത്. വോട്ടെടുപ്പു കഴിഞ്ഞാലും ഇനി അഞ്ചു വർഷത്തേയ്ക്കും, ചിലപ്പോൾ അതിനുമപ്പുറത്തേയ്ക്കും മായാതെ നിൽക്കും ഈ കൗതുകങ്ങൾ...
തിരഞ്ഞെടുപ്പു പരാജയത്തിന്റെ പേരിലുള്ള, ഗൗരവതരമായ പരസ്യവിമർ‍ശനം ബിജെപിയിൽ അവസാനിച്ചത് 2015 നവംബർ 11ന് ആണ്. ബിഹാർ നിയമസഭാ തിരഞ്ഞെടുപ്പിലെ പരാജയത്തിന്, പ്രധാനമന്ത്രി നരേന്ദ്ര മോദിയെയും അമിത് ഷായെയും പേരെടുത്തു പറയാതെ എൽ.കെ.അഡ്വാനി, മുരളി മനോഹർ ജോഷി, ശാന്ത കുമാർ, യശ്വന്ത് സിൻഹ എന്നിവർ പ്രസ്താവനയിലൂടെ വിമർശിച്ചു. 2014ൽ മാർഗദർശക മണ്ഡലത്തിലേക്കു നിർബന്ധിത പ്രവേശനം ലഭിച്ചവർ മാത്രമല്ല, യാത്രകൾ നടത്തി പാർട്ടിയെ വളർത്തിയവരുമാണ് അഡ്വാനിയും ജോഷിയും. അവരുടെ പേരുകൾ ആദ്യം പരാമർശിച്ചിട്ടുള്ള പ്രസ്താവനയിൽനിന്ന്: ‘ആർക്കും ഉത്തരവാദിത്തമില്ലെന്ന് ഉറപ്പാക്കാനാണ് പരാജയത്തിന്റെ ഉത്തരവാദിത്തം എല്ലാവർക്കുമെന്നു പറയുന്നത്. പാർട്ടി ജയിച്ചിരുന്നെങ്കിൽ നേട്ടം കൈവശപ്പെടുത്തുമായിരുന്നവർ ബിഹാറിലെ ദുരന്തത്തിന്റെ ഉത്തരവാദിത്തം വച്ചൊഴിയാൻ വാശി പിടിക്കുന്നെന്നാണ് അതു വ്യക്തമാക്കുന്നത്. കഴിഞ്ഞ ഒരു വർഷത്തിൽ പാർട്ടിക്കുണ്ടായ ശോഷണമാണ് പുതിയ പരാജയത്തിന്റെ മുഖ്യകാരണം. പരാജയകാരണങ്ങൾ, പാർട്ടി ഏതാനും പേർക്ക് അമിതമായി കീഴ്‌പ്പെടാൻ നിർബന്ധിതമായത്, എങ്ങനെ പാർട്ടിയിലെ അഭിപ്രായഐക്യരീതി നശിപ്പിക്കപ്പെട്ടു
‘നോട്ട’ വെറും ഓട്ടക്കാലണയല്ലെന്ന് തെളിയിച്ചത് ഇൻഡോറാണ്. സ്ഥാനാർഥികളിൽ ആര്‍ക്കും വോട്ട് ചെയ്യാൻ താൽപര്യമില്ലെങ്കിൽ നോട്ടയ്ക്ക് വോട്ട് ചെയ്യാം. അങ്ങനെ ഒരു തീരുമാനം തിരഞ്ഞെടുപ്പു കമ്മിഷൻ എടുത്തപ്പോൾ എല്ലാവരും ഒന്നു സംശയിച്ചു. ആരെങ്കിലും നോട്ടയ്ക്ക് വോട്ട് ചെയ്യുമോ എന്ന്. ചെയ്യുമെന്നു മാത്രമല്ല നോട്ടയ്ക്ക് വേണ്ടി വോട്ട് ചോദിക്കാൻ കോൺഗ്രസ് പാർട്ടി ഇൻഡോറിൽ മുന്നിട്ടിറങ്ങി. ആ നോട്ട 2 ലക്ഷത്തിലേറെ വോട്ട് പിടിച്ചപ്പോൾ ബിജെപി സ്ഥാനാർഥി സഞ്ജീവ് ലഘാനി ജയിച്ചത് 11 ലക്ഷം വോട്ടിന്. അതും ഇതുവരെയുള്ള ഭൂരിപക്ഷത്തിന്റെ റെക്കോഡ് ഭേദിച്ചുകൊണ്ട്. വോട്ടറുടെ മനസ്സാണ് ഭൂരിപക്ഷത്തിന്റെ കണക്കുകളെന്നതാണ് വാസ്തവം. ഓരോ തിരഞ്ഞെടുപ്പു കഴിയുമ്പോഴും ഈ കണക്കുകൾ തിരിഞ്ഞു മറിയും.
ലോക്സഭാ തിരഞ്ഞെടുപ്പിന്റെ ബഹളങ്ങൾ അടങ്ങി. ബിജെപിക്ക് ഒറ്റയ്ക്കു ഭൂരിപക്ഷം ലഭിച്ചില്ലെങ്കിലും 240 സീറ്റ് നേടിയ പാർട്ടിയുടെ നേതൃത്വത്തിൽ ദേശീയ ജനാധിപത്യ സഖ്യം (എൻഡിഎ) തുടർച്ചയായ മൂന്നാം തവണ അധികാരത്തിലെത്തി. ജവാഹർലാൽ നെഹ്റുവിനു ശേഷം 3 തിരഞ്ഞെടുപ്പുകൾ തുടർച്ചയായി വിജയിച്ച പ്രധാനമന്ത്രിയെന്ന റെക്കോർഡ് നരേന്ദ്ര മോദി കരസ്ഥമാക്കി. എന്നാൽ, ഈ തിരഞ്ഞെടുപ്പു ഫലം ബിജെപി വിഭാവനം ചെയ്യുന്ന ദീർഘകാല രാഷ്ട്രീയ ലക്ഷ്യങ്ങൾക്ക് അനുസൃതമായിരുന്നില്ലെന്ന് തിരഞ്ഞെടുപ്പു കമ്മിഷൻ പുറത്തുവിട്ട വോട്ടിന്റെ കണക്കുകൾ തെളിയിക്കുന്നു. പാർട്ടിയുടെ ഇപ്പോഴത്തെ നേതൃത്വം മുന്നോട്ടുവയ്ക്കുന്ന അതിതീവ്ര ഹിന്ദുത്വ രാഷ്ട്രീയം അതിന്റെ പ്രഭവകേന്ദ്രമായ ഉത്തർപ്രദേശിലെ ജനങ്ങൾ തള്ളിയതായി ഫലം വിശകലനം ചെയ്യുമ്പോൾ വ്യക്തമാകുന്നു. പ്രതിപക്ഷത്തെ ഉന്മൂലനം ചെയ്തുകൊണ്ടുള്ള ‘പുട്ടിൻ മോഡൽ’ ജനാധിപത്യവും ജനങ്ങൾ നിരാകരിച്ചു.
‘‘സർക്കാരിനെ നയിക്കാൻ ഭൂരിപക്ഷം മതി. എന്നാൽ രാജ്യത്തെ നയിക്കാൻ വേണ്ടത് സമവായമാണ്’’. ഈ വാക്കുകൾ പ്രധാന മന്ത്രി നരേന്ദ്ര മോദിയുടേതാണ്. മന്ത്രിസഭാ രൂപീകരണത്തിന് മുന്നോടിയായി ദേശീയ ജനാധിപത്യ സഖ്യം (എൻഡിഎ) യോഗത്തിൽ പറഞ്ഞത്. ഇതോടെ മൂന്നാമൂഴത്തിൽ മോദി സർക്കാരിന്റെ മുൻഗണന എന്തിനായിരിക്കും എന്നും വ്യക്തമായി. സഖ്യകക്ഷികളുമായി തർക്കങ്ങളില്ലാതെ മന്ത്രിസഭാ രൂപീകരണം പൂർത്തിയാക്കിയ മോദി, രണ്ടാം മന്ത്രിസഭയിലെ ഭൂരിപക്ഷം അംഗങ്ങളെയും മൂന്നാമൂഴത്തിലും നിലനിർത്തുന്നു. അതേസമയം മുന്‍ മുഖ്യമന്ത്രിമാരും മുതിർന്ന നേതാക്കളുമായ ശിവ്‌രാജ് സിങ് ചൗഹാനെയും മനോഹർ ലാൽ ഖട്ടറിനെയും മന്ത്രിസഭയിൽ പ്രമുഖ ഇടങ്ങളിൽ ഉൾപ്പെടുത്തി. മോദിക്കു ശേഷം അമിത് ഷാ സത്യപ്രതിജ്ഞ ചെയ്യുമെന്ന് പ്രതീക്ഷിച്ചെങ്കിലും രാജ്‌നാഥ് സിങ്ങിനായിരുന്നു ‘രണ്ടാമനാകാൻ’ നിയോഗം. പ്രധാനപ്പെട്ട വകുപ്പുകൾക്കു വേണ്ടി സഖ്യകക്ഷി നേതാക്കളായ നിതീഷ് കുമാറും ചന്ദ്ര ബാബു നായിഡുവും ശ്രമം നടത്തുമെന്ന അഭ്യൂഹവും തുടക്കത്തിൽ തന്നെ പിൻവലിഞ്ഞു. കേരളത്തിൽ നിന്ന് സുരേഷ് ഗോപി മന്ത്രിയാകുമെന്ന് ഉറപ്പായിരുന്നെങ്കിലും ജോർജ് കുര്യന്റെ മന്ത്രിസ്ഥാനം ഏവരെയും അമ്പരിപ്പിച്ചു. ഭരണത്തുടർച്ചയുടെ സൂചന നൽകുന്ന മന്ത്രിസഭ നയതന്ത്രത്തിനും ഇടം നൽകുന്നു. 2014ൽ ബിജെപിയെ ഭരണത്തിലേക്ക് നയിച്ച നേതാവായ മോദിയുടെ പുതിയ ദൗത്യം സഖ്യ കക്ഷികളെ നയിക്കുന്ന രാഷ്ട്രതന്ത്രജ്ഞനാവുക എന്നതാണ്. ജവാഹർലാൽ നെഹ്റുവിനെപ്പോലെ, തുടർച്ചയായ മൂന്നാം വട്ടം പ്രധാന മന്ത്രി സ്ഥാനത്തെത്തി മോദി. അടുത്ത അഞ്ചു വർഷത്തെ മോദിയുടെ ഭരണത്തെ സ്വാധീനിക്കുന്ന ഘടകങ്ങൾ പലതാണ്. കഴിഞ്ഞ പത്തു വർഷത്തെ അനുഭവവും ഭരണശൈലിയും എന്താണ് സൂചിപ്പിക്കുന്നത്?
‘‘എനിക്ക് ജീവിക്കണം. കുഞ്ഞുങ്ങളെ പഠിപ്പിച്ച് അങ്ങേയറ്റം എത്തിക്കണം. റോഡിൽ കണ്ടാൽ തിരിച്ചറിയുന്നവർപോലും കുറഞ്ഞു വരുന്ന കാലമായിരുന്നു എനിക്ക് ഈ ഇടവേള’’ നടൻ സുരേഷ് ഗോപി ഒരിക്കൽ പറഞ്ഞതാണ് ഈ വാക്കുകളെന്നു പറഞ്ഞാൽ ഒരുപക്ഷേ, ഇന്ന് പലരും അവിശ്വസനീയതയോടെ നിൽക്കും. കേരളത്തില്‍ മാത്രമല്ല, ദേശീയതലത്തിൽതന്നെ അത്രയേറെ ചർച്ചയായിരിക്കുന്നു സുരേഷ് ഗോപിയെന്ന പേര്. ചെറിയൊരു ഇടവേള പോലുമെടുക്കാനാകാത്ത വിധത്തിലാണ് ഇന്ന് അദ്ദേഹത്തിന്റെ തിരക്ക്. ‘കുറച്ച് സിനിമകൾ ചെയ്തു തീര്‍ക്കാനുണ്ട്, മന്ത്രിസ്ഥാനത്തുനിന്ന് തൽക്കാലത്തേക്ക് ഒഴിവു നൽകണം’ എന്നു പറഞ്ഞിട്ടും ദേശീയ തലസ്ഥാനത്തേക്കു പ്രധാനമന്ത്രി നരേന്ദ്ര മോദി നേരിട്ടു വിളിച്ചു വരുത്തിയാണ് സുരേഷ് ഗോപിക്ക് കേന്ദ്ര മന്ത്രിസ്ഥാനം നൽകിയത്. 1992ലാണ് ഒരു വാഹനാപകടത്തിൽ സുരേഷ് ഗോപിയുടെ ഒന്നര വയസ്സുള്ള മകൾ മരിക്കുന്നത്. അതിനു ശേഷവും സിനിമയിൽ സജീവമായിരുന്ന അദ്ദേഹം പക്ഷേ ഒരു ഘട്ടത്തിൽ സിനിമയിൽനിന്നു പൂർണമായിത്തന്നെ പിൻവാങ്ങി. ഇതിനിടെ സുഹൃത്തുക്കളായ പല നിർമാതാക്കളും സമീപിച്ചെങ്കിലും എല്ലാവരെയും തിരിച്ചയയ്ക്കുകയായിരുന്നു. ‘ഞാൻ മുങ്ങിത്താഴുകയാണ്. നിങ്ങൾ രക്ഷപ്പെട്ടോളൂ’ എന്നു പറഞ്ഞായിരുന്നു അന്ന് അവരെ മടക്കിഅയച്ചിരുന്നത്. മകളുടെ മരണവും മറ്റു ചില വിഷയങ്ങളും അദ്ദേഹത്തെ അത്രമാത്രം തളർത്തിയിരുന്നു. അതിനിടയിലാണ് 2005ൽ ഭരത്‌ചന്ദ്രൻ ഐപിഎസിലൂടെ വമ്പന്‍ തിരിച്ചുവരവ് നടത്തുന്നത്. തൊട്ടുപിന്നാലെ ദ് ടൈഗർ, ചിന്താമണി കൊലക്കേസ് തുടങ്ങിയ സൂപ്പർ ഹിറ്റുകൾ. പിന്നീട് വലിയൊരു ഇടവേളയ്ക്കു ശേഷം 2020ലാണ് ‘വരനെ ആവശ്യമുണ്ട്’ എന്ന ചിത്രത്തിലൂടെ സുരേഷ് ഗോപി വീണ്ടും പ്രേക്ഷകമനസ്സിൽ നിറഞ്ഞോടിയത്. അച്‌ഛനു പണിയില്ലെന്ന ആക്ഷേപം സഹിക്കാൻ മക്കൾക്കു
Results 1-10 of 118
