ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: സംഘടനാപ്രവർത്തനങ്ങൾക്ക് നേതൃത്വസ്ഥാനം വഹിക്കുവാനിടവരും. പ്രായത്തിലുപരി പക്വതയുള്ള പുത്രിയുടെ സമീപനത്തിൽ ആശ്വാസവും സമാധാനവും തോന്നും.
ഭരണി: മാതാപിതാക്കളെ വിദേശത്തേക്ക് കൊണ്ടുപോകുവാനുള്ള അനുമതി ലഭിച്ചതിൽ ആശ്വാസം തോന്നും. സന്താനങ്ങളുടെ പലവിധ ആവശ്യങ്ങൾക്കായി ദൂരയാത്രകൾ വേണ്ടിവരും.
കാർത്തിക: കഠിന പ്രയത്നത്താലും ഈശ്വരാരാധനകളാലും മനസ്സിലുദ്ദേശിക്കുന്ന കാര്യങ്ങൾ സാധ്യമാകും. സദ്ചിന്തകളാലും കുടുംബാംഗങ്ങളുടെ അനുകൂല സമീപനത്താലും ആഹ്ലാദമുണ്ടാകും.
രോഹിണി: ആരാധനാലയത്തിലെ ഉത്സവാഘോഷങ്ങളിൽ പങ്കെടുക്കുവാനിടവരും. വാഹനം മാറ്റിവാങ്ങുവാനിടവരും.
മകയിരം: കലാകായിക മത്സരങ്ങളിൽ വിജയം കൈവരിക്കും. ദീർഘകാലാടിസ്ഥാനത്തിൽ നടത്തുവാനുദ്ദേശിക്കുന്ന പ്രവൃത്തികൾക്ക് തുടക്കം കുറിക്കും.
തിരുവാതിര: നവദമ്പതികളെ ആശീർവദിക്കുവാനിടവരും. കുടുംബത്തിൽ സ്വസ്ഥതയും സമാധാനവും ദാമ്പത്യ ഐക്യതയും ഉണ്ടാകും.
പുണർതം: സഹപ്രവർത്തകരുടെ സഹായസഹകരണങ്ങളാൽ ഏറ്റെടുത്ത പദ്ധതികൾ പൂർത്തീകരിക്കുവാൻ സാധിക്കും. നിലവിലുള്ളതിനെക്കാൾ ആനുകൂല്യങ്ങളുള്ള ഉദ്യോഗത്തിന് നിയമനാനുമതി ലഭിക്കും.
പൂയം: അർഹമായ പൂർവികസ്വത്ത് രേഖാപരമായി ലഭിക്കും. അധ്വാനഭാരത്താൽ അവധിയെടുത്ത് ആരാധനാലയ ദർശനം നടത്തുവാനിടവരും.
ആയില്യം: പുത്രന്റെ സാമ്പത്തിക ദുരുപയോഗങ്ങൾക്ക് നിയന്ത്രണം ഏർപ്പെടുത്തും. ശാസ്ത്ര -സാങ്കേതിക പരീക്ഷണങ്ങൾക്ക് അർഹമായ അംഗീകാരം ലഭിക്കും.
മകം: ഗാർഹിക ഉപകരണങ്ങൾ മാറ്റിവാങ്ങുവാനിടവരും. സൽക്കർമങ്ങൾക്കും പുണ്യകർമങ്ങൾക്കും പണം ചെലവാക്കും.
പൂരം: പൊതുജനാവശ്യം തിരിച്ചറിഞ്ഞ് റോഡ് വികസനത്തിന് ഭൂമി വിട്ടുകൊടുക്കുവാനിടവരും. സന്താനങ്ങളുടെ സൽക്കർമങ്ങളിൽ സന്തോഷവും ആത്മാഭിമാനവും തോന്നും.
ഉത്രം: ഔദ്യോഗികമായി ദൂരയാത്രകളും ചർച്ചകളും വേണ്ടിവരും. ഗൃഹനിർമാണം പൂർത്തീകരിച്ച് ഗൃഹപ്രവേശന കർമം നിർവഹിക്കും.
അത്തം: പുത്രപൗത്രാദികളോടൊപ്പം മാസങ്ങളോളം താമസിക്കുവാൻ അന്യദേശയാത്ര പുറപ്പെടും. പ്രവൃത്തി മണ്ഡലങ്ങളിൽ നിന്നു സാമ്പത്തികനേട്ടം വർധിക്കും.
ചിത്തിര: കുടുംബസമേതം പുണ്യതീർഥയാത്ര പുറപ്പെടും. അപരിചിതരുമായുള്ള ആത്മബന്ധത്തിൽ നിന്നും ഒഴിഞ്ഞുമാറുകയാണ് നല്ലത്.
ചോതി: മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധിക്കും. വസ്തു സംബന്ധമായ തർക്കങ്ങൾക്കു സമൂഹത്തിൽ ഉന്നതർ മുഖാന്തരം ശാശ്വത പരിഹാരം കണ്ടെത്തും.
വിശാഖം: കാലഹരണപ്പെട്ട ഗൃഹോപകരണങ്ങൾ ഉപേക്ഷിച്ചു പുതിയതു വാങ്ങുവാനിടവരും. മാതാപിതാക്കളെ ധിക്കരിച്ച് പ്രവർത്തിക്കുന്നവർക്ക് അബദ്ധം വന്നുചേരും. സമൂഹത്തിൽ ഉന്നതരുമായി സൗഹൃദ ബന്ധത്തിലേർപ്പെടുവാൻ അവസരമുണ്ടാകും.
അനിഴം: ഗൃഹനിർമാണം പൂർത്തീകരിച്ചു ഗൃഹപ്രവേശനകർമം നിർവഹിക്കും. ആരാധനാലയത്തിലെ ഉത്സവാഘോഷങ്ങളിൽ പങ്കെടുക്കുവാനിടവരും.
തൃക്കേട്ട: അഭിപ്രായവ്യത്യാസങ്ങൾ രമ്യമായി പരിഹരിക്കുവാൻ സാധിച്ചതിനാൽ കുടുംബത്തിൽ സ്വസ്ഥതയും സമാധാനവും ഉണ്ടാകും. ആരോഗ്യം തൃപ്തികരമായിരിക്കും.
മൂലം: ആത്മാർഥമായ പ്രവർത്തനങ്ങളാൽ ഉദ്യോഗം നഷ്ടപ്പെടുവാനുള്ള സാധ്യതകൾ അകലും. വ്യാപാര വ്യവസായ സ്ഥാപനങ്ങളിൽ സാമ്പത്തിക വിഭാഗം കൈകാര്യം ചെയ്യുന്നതിൽ വളരെ ശ്രദ്ധയും സൂക്ഷ്മതയും വേണം.
പൂരാടം: വർഷങ്ങൾക്കുമുൻപ് കടംകൊടുത്ത സംഖ്യ ഏറെക്കുറെ തിരിച്ചു ലഭിക്കും. പുനഃപരീക്ഷയിൽ വിജയം കൈവരിക്കും.
ഉത്രാടം: വാഹനം മാറ്റിവാങ്ങുവാനിടവരും. വ്യവഹാര വിജയത്താൽ അർഹമായ പൂർവികസ്വത്ത് രേഖാപരമായി ലഭിക്കും.
തിരുവോണം: പരീക്ഷണനിരീക്ഷണങ്ങളിൽ വിജയം കൈവരിക്കും. പ്രവർത്തനശൈലിയിൽ കാലോചിതമായ മാറ്റങ്ങൾ വരുത്തുവാൻ തയാറാകും.
അവിട്ടം: ഔദ്യോഗികമായി സ്ഥാനക്കയറ്റമുണ്ടാകുമെങ്കിലും ദൂരദേശവാസം വേണ്ടിവരും. സദ്ചിന്തകളാലും സൽക്കർമങ്ങളാലും സ്വസ്ഥതയും സമാധാനവും ഉണ്ടാകും.
ചതയം: കുടുംബസമേതം വിശേഷപ്പെട്ട ദേവാലയദർശനം നടത്തുവാനിടവരും. സമ്മാന പദ്ധതികളിലും കലാകായിക മത്സരങ്ങളിലും വിജയം കൈവരിക്കും.
പൂരുരുട്ടാതി: അപവാദാരോപണങ്ങൾക്കു വിരാമമുണ്ടാകയാൽ ആശ്വാസമാകും. ഉന്നതരുടെ മധ്യസ്ഥതയിൽ അതിർത്തി തർക്കം പരിഹരിക്കപ്പെടും.
ഉത്തൃട്ടാതി: ഉദ്യോഗത്തിൽ നിന്നും വിരമിച്ച് ഉപരിപഠനത്തിന് ചേരും. വിട്ടുവീഴ്ചാ മനോഭാവത്താൽ കുടുംബത്തിൽ സ്വസ്ഥതയും സമാധാനവും ദാമ്പത്യസൗഖ്യവും ഉണ്ടാകും.
രേവതി: സുഹൃത്തിന്റെ സമയോചിതമായ ഇടപെടലുകളാൽ അപകീർത്തി ഒഴിവാകും. പണം കൈകാര്യം ചെയ്യുന്നതിൽ വളരെ ശ്രദ്ധയും സൂക്ഷ്മതയും വേണം.