മെഴ്സിഡീസ് ബെൻസിന്റെ ആഡംബര കാറിൽ താര സുന്ദരി

മെഴ്സിഡീസ് ബെൻസിന്റെ ഇ ക്ലാസ് എൽഡബ്ല്യുബി ഗാരീജിലെത്തിച്ച് ബോളിവുഡ് നടി സൊനാലി ബിന്ദ്ര. മുംബൈയിലെ ഓട്ടോഹാങ്ങർ ബെൻസിൽ നിന്നാണ് താരം വാഹനം സ്വന്തമാക്കിയത്. മെഴ്സിഡീസ് ബെൻസ് നിരയിലെ ഏറ്റവും മികച്ച വാഹനങ്ങളിലൊന്നാണ് ഇ ക്ലാസിന്റെ ലോങ് വീൽബെയ്സ്.

ഒരു പെട്രോൾ എൻജിൻ മോഡലും രണ്ട് ഡീസൽ എൻജിൻ മോഡലുമുണ്ട് ഇ ക്ലാസിന്. രണ്ടു ലീറ്റർ നാലു സിലിണ്ടർ ഇൻലൈൻ പെട്രോൾ എൻജിന് 197 ബിഎച്ച്പി കരുത്തും 320 എൻഎം ടോർക്കുമുണ്ട്. 100 കിലോമീറ്റർ വേഗം കൈവരിക്കാൻ 7.6 സെക്കൻഡ് മാത്രം മതി ഇ കരുത്തന്, ഉയർന്ന വേഗം 240 കിലോമീറ്റർ.

രണ്ടു ലീറ്റർ ഡീസൽ എൻജിൻ മോഡലിന്റെ കരുത്ത് 194 എച്ച്പി, ടോർക്ക് 400 എൻഎം എന്നിങ്ങനെയാണ്. 7.6 സെക്കൻഡിൽ 100 കടക്കുന്ന വാഹനത്തിന്റെ ഉയർന്ന വേഗം 240 കിലോമീറ്റർ. മൂന്നു ലീറ്റർ ഡീസൽ എൻജിന് 286 ബിഎച്ച്പി കരുത്തും 600 എൻഎം ടോർക്കുമുണ്ട്. 100 കിലോമീറ്റർ കടക്കാൻ 6.1 സെക്കൻഡ് മാത്രം വേണ്ടിവരുന്ന വാഹനത്തിന്റെ കൂടിയ വേഗം 250 കിലോമീറ്റർ.

English Summary: Sonali Bendre Bought Mercedes Benz E Class LWB