ഹഗ് അൽ ലെയ്‌ല ആഘോഷിച്ച് ഗ്ലോബൽ വില്ലേജ്

ദുബായ് ∙ റമസാനു മുന്നോടിയായി ഇമറാത്തി സാംസ്കാരിക ആഘോഷം സംഘടിപ്പിച്ച് ഗ്ലോബൽ വില്ലേജ്. ഹഗ് അൽ ലെയ്‌ല എന്ന പേരിൽ സംഘടിപ്പിച്ച പരിപാടികളിൽ കുട്ടികൾക്കും കുടുംബങ്ങൾക്കും ആസ്വദിക്കാൻ നിറയെ പരിപാടികളുണ്ടായിരുന്നു. ഇമറാത്തി പൈകൃതം നിറയുന്ന ശിൽപശാലകൾ, കലാപരിപാടികൾ, മധുരപലഹാരങ്ങൾ തുടങ്ങി സന്ദർശകർക്ക് രാജ്യത്തിന്റെ സാംസ്കാരിക പൈതൃകം തൊട്ടറിയാനുള്ള അവസരമായിരുന്നു അഘോഷം. 

ഇമറാത്തി മത്സരങ്ങളും വിജയികൾക്കു സമ്മാനങ്ങളും ഒരുക്കിയിരുന്നു. റമസാനെ ആഘോഷമായി വരവേൽക്കുന്നതിന്റെ ഭാഗമായാണ് പരിപാടി സംഘടിപ്പിച്ചത്.