ADVERTISEMENT

ചെന്നൈ∙ ഇന്ത്യൻ സൂപ്പർ ലീഗിൽ ചെന്നൈയിൻ എഫ്സിക്കെതിരായ ഗംഭീര വിജയത്തിനിടെയും കേരള ബ്ലാസ്റ്റേഴ്സിനു നാണക്കേടായി താരങ്ങളുടെ തമ്മിലടി. ചെന്നൈയുടെ ഹോം ഗ്രൗണ്ടിൽ നടന്ന മത്സരത്തിനിടെ അവസാന മിനിറ്റുകളിലായിരുന്നു ബ്ലാസ്റ്റേഴ്സ് ക്യാപ്റ്റൻ അഡ്രിയൻ ലൂണയും മൊറോക്കൻ ഫോർവേഡ് നോവ സദൂയിയും നേർക്കുനേർ വന്നത്. ബ്ലാസ്റ്റേഴ്സിന്റെ മുന്നേറ്റത്തിനിടെ ചെന്നൈയിൻ ഗോൾ പോസ്റ്റിനു മുന്നിൽവച്ച് നോവ സദൂയി സുവർണാവസരം തുലച്ചതോടെയായിരുന്നു കയ്യാങ്കളി.

നോവയ്ക്കൊപ്പം ലൂണയും ഇന്ത്യൻ ഫോർവേഡ് ഇഷാൻ പണ്ഡിതയും ഈ സമയത്ത് ചെന്നൈയിൻ ബോക്സിലുണ്ടായിരുന്നു. എന്നാൽ പാസ് നൽകാതെ ഗോളടിക്കാൻ നോവ ശ്രമിച്ചതോടെ പന്തു പുറത്തേക്കാണു പോയത്. രണ്ടു താരങ്ങൾ മാർക്ക് ചെയ്യപ്പെടാതെ ഉണ്ടായിട്ടും നോവ പാസ് കൊടുക്കാത്തതാണ് ലൂണയെ പ്രകോപിപ്പിച്ചത്. ഈ നീക്കം ഗോളായിരുന്നെങ്കിൽ ബ്ലാസ്റ്റേഴ്സ് 4–1ന് മുന്നിലെത്തുമായിരുന്നു. ലൂണ ഗ്രൗണ്ടിൽവച്ചു തന്നെ നോവയെ ചോദ്യം ചെയ്തു. മൊറോക്കൻ താരവും തിരിച്ചുപറഞ്ഞതോടെ ഇരുവരും തമ്മിൽ ഉന്തും തള്ളുമായി.

ഒരു ടീമിലെ സഹതാരങ്ങൾ‌ പരസ്പരം പോരടിക്കുന്ന ദൃശ്യങ്ങൾ സമൂഹമാധ്യമങ്ങളിലും വൈറലാണ്. ഇന്ത്യൻ യുവതാരം ഇഷാൻ പണ്ഡിത ഇടപെട്ടാണ് ക്യാപ്റ്റനെയും നോവയെയും പിടിച്ചുമാറ്റിയത്. നോവ സദൂയിയുമായുള്ള പ്രശ്നങ്ങൾ പരിഹരിച്ചതായി അഡ്രിയൻ ലൂണ മത്സരത്തിനു ശേഷം പ്രതികരിച്ചു. ചെന്നൈയിനെതിരെ നോവ സദൂയിക്ക് ആദ്യ ഇലവനിൽ അവസരമുണ്ടായിരുന്നില്ല. രണ്ടാം പകുതിയുടെ അവസാന മിനിറ്റുകളിലാണു താരത്തെ ബ്ലാസ്റ്റേഴ്സ് ഗ്രൗണ്ടിലിറക്കിയത്.

English Summary:

Adrian Luna vs Noah Sadaoui clash amid Kerala Blasters vs Chennaiyin FC Match

പ്രീമിയത്തോടൊപ്പം ഇനി
മനോരമ മാക്സും ....

+

40% കിഴിവില്‍

subscribe now
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com