US China Trade War

ADVERTISEMENT

യുഎസിനെ പിന്തുണയ്ക്കുന്ന രാജ്യങ്ങൾ പ്രത്യാഘാതങ്ങൾ നേരിടേണ്ടി വരും: മുന്നറിയിപ്പുമായി ചൈന

ബെയ്ജിങ്∙ യുഎസുമായി വ്യാപാര ഉടമ്പടികൾ ഉണ്ടാക്കുന്ന രാജ്യങ്ങൾക്ക് മുന്നറിയിപ്പുമായി ചൈന. യുഎസിനെ പിന്തുണയ്ക്കുന്നതും ചൈനയുടെ താൽപര്യങ്ങൾക്ക് വിരുദ്ധമായതുമായ വ്യാപാര ഉടമ്പടികളിൽ ഏർപ്പെടുന്ന രാജ്യങ്ങൾ പ്രത്യാഘാതങ്ങൾ നേരിടേണ്ടി വരുമെന്ന് ചൈനീസ് വിദേശകാര്യ മന്ത്രാലയം അറിയിച്ചു. മറ്റു രാജ്യങ്ങൾക്ക് യുഎസ് 10 ശതമാനം താരിഫ് ഏർ‌പ്പെടുത്തിയപ്പോൾ ചൈനയ്ക്ക് ഇത് 145 ശതമാനമാണ്. മറുപടിയായി യുഎസ് ഉൽപന്നങ്ങൾക്ക് ചൈന താരിഫ് 125 ശതമാനമായി വർധിപ്പിക്കുകയും ചെയ്തിരുന്നു.
Latest News
നൂറിലും കിട്ടുമോ ചെറുപ്പം? പണം ലാഭിക്കാൻ പുരപ്പുറത്തെ വഴി; പോയാൽ ‘വണ്ടറടിക്കും’ ഓറോവിൽ; വായിക്കാം ടോപ് 5 പ്രീമിയം വാർത്തകൾ

യുഎസ് പ്രസിഡന്റ് ഡോണൾഡ് ട്രംപ് കൊണ്ടുവന്ന പകരച്ചുങ്കത്തിൽ കൂടുതൽ വ്യക്തത കൈവന്ന വാരമാണ് കടന്നുപോയത്. യുഎസിനു വഴങ്ങാതെ ചൈന മുന്നോട്ടു വന്നതോടെ ഇരുരാജ്യങ്ങളും പരസ്പരം വ്യാപാര യുദ്ധം പ്രഖ്യാപിക്കുന്ന സ്ഥിതിയിലേക്കാണ് കാര്യങ്ങൾ നീങ്ങുന്നത്. അമേരിക്കയുടെ നീക്കം സാമ്പത്തിക മാന്ദ്യത്തിലേക്കു നയിക്കുമോ എന്ന ഭീതിയും വിപണിയിലാകെയുണ്ട്. അതേസമയം രാജ്യാന്തര തലത്തിലെ വാർത്തകൾക്കൊപ്പം ഇന്ത്യയിലും കേരളത്തിലുമുണ്ടായ ഒട്ടേറെ സംഭവങ്ങൾ മനോരമ ഓൺലൈൻ പ്രീമിയത്തിൽ വാർത്തകളായി. വിഷുദിനാഘോഷങ്ങളിൽ സ്പെഷൽ ലേഖനങ്ങളും അഭിമുഖങ്ങളും ചിത്രകഥയുമായി മലയാളിക്കൊപ്പം പ്രീമിയവും ചേർന്നു. അമേരിക്കയിൽ ട്രംപ് കൊണ്ടുവന്ന പകരച്ചുങ്കത്തിൽ ഇളവുകൾ നൽകിയ കുറച്ച് ഉൽപന്നങ്ങളുണ്ട്. സ്മാർട്ട് ഫോണുകൾ, ലാപ്‌ടോപ്പുകൾ, ഫ്ലാഷ് ഡ്രൈവുകൾ തുടങ്ങിയവ. എന്നാൽ രാജ്യാന്തരതലത്തിൽ ഇവയുടെ ഏറ്റവും വലിയ നിര്‍മാണ കേന്ദ്രം ചൈനയാണ്. എന്നിട്ടും എന്തുകൊണ്ടാവും ട്രംപ് ഇളവു നൽകിയത് ? ആർക്കും തോന്നാവുന്ന ഈ സംശയം വിശദമാക്കിയ പ്രീമിയം ലേഖനം വായനക്കാരെ പോയവാരം ഏറെ ആകർഷിച്ചു. അഹമ്മദാബാദിൽ എഐസിസി സമ്മേളനം മലയാള മനോരമയ്ക്കായി റിപ്പോർട്ട് ചെയ്യാനെത്തിയ ഡൽഹി യൂണിറ്റിലെ പിക്ചർ എഡിറ്റർ ജോസ്കുട്ടി പനയ്ക്കൽ ആ വിശേഷങ്ങൾ അനുഭവക്കുറിപ്പായി പങ്കുവച്ചു. ഡൽഹിയിലെ കൊടുംചൂടിലും ജോലി ചെയ്ത അനുഭവവുമായി ഗുജറാത്തിലേക്ക് ചെന്നപ്പോൾ കണ്ട കാഴ്ചകള്‍ എഴുതിയതിനൊപ്പം സമ്മേളനത്തിൽ എടുത്ത ചിത്രങ്ങൾക്കു പിന്നിലുള്ള കഥകളും രസകരമായി വിവരിച്ചു. ഇതും പോയവാരം ശ്രദ്ധേയമായി.
News +
വഴക്കിട്ടു, പിന്നെ ചൈനയ്ക്കു വഴങ്ങി; ട്രംപിന്റെ ആ ‘ഇലക്ട്രോണിക് സ്നേഹ’ത്തിനു പിന്നിൽ ഒരു രഹസ്യമുണ്ട്; ഇളവുകൾക്ക് പിന്നിലെന്ത്?

യുഎസ് പ്രസിഡന്റ് ഡോണൾഡ് ട്രംപ് ഓരോ ദിവസവും എന്തെല്ലാം പ്രഖ്യാപനങ്ങളാണ് നടത്തുന്നതെന്ന് അദ്ദേഹത്തിനു തന്നെ മനസ്സിലാകാത്ത അവസ്ഥയാണെന്നു തോന്നിപ്പോകും. ഇന്നൊരു തീരുമാനമെടുക്കും, നാളെ തിരുത്തും. ചിലപ്പോൾ രാവിലെ എടുക്കുന്ന തീരുമാനം ഉച്ചയാകുമ്പോഴേക്കും ഭേദഗതികളോടെ അവതരിപ്പിക്കും. ചിലപ്പോൾ ഒരാഴ്ച കഴിഞ്ഞാവും തീരുമാനം തിരുത്തുക! സമീപകാലത്ത് അത്തരമൊരു തീരുമാനമെടുക്കലും തിരുത്തലും സംഭവിച്ചത് വിവിധ രാജ്യങ്ങളിന്മേലുള്ള പകരച്ചുങ്കം ഏർപ്പെടുത്തുന്നതിലാണ്, അതിൽത്തന്നെ തിരുത്തലുകളിലേറെയും ചൈനയുമായി ബന്ധപ്പെട്ടതായിരുന്നു. ലോകത്തെ രണ്ട് വൻ ശക്തികളായ ചൈനയും യുഎസും തമ്മിലുള്ള വ്യാപാരയുദ്ധം എവിടേക്കാണ് പോകുന്നതെന്നോ, എന്താണ് സംഭവിക്കാനിരിക്കുന്നതെന്നോ സാമ്പത്തിക നിരീക്ഷകര്‍ക്കു പോലും കൃത്യമായി പ്രവചിക്കാനാകാത്ത അവസ്ഥ. പകരത്തിനു പകരം തീരുവകൾ ഉയർത്തി ഇരുരാജ്യങ്ങളും വാണിജ്യയുദ്ധം തുടരുന്നതിനിടെ ചില അപ്രതീക്ഷിത തീരുമാനങ്ങളും ലോകം കണ്ടു. അതിലൊന്നായിരുന്നു ചൈന ഉൾപ്പെടെയുളള രാജ്യങ്ങളിൽനിന്നുള്ള ഇലക്ട്രോണിക്സ് ഉൽപന്നങ്ങൾക്ക് യുഎസ് പ്രഖ്യാപിച്ച ഇളവ്. ചൈനയ്ക്കു മുന്നിൽ യുഎസ് കീഴടങ്ങിയെന്നു വരെ അതിനു വ്യാഖ്യാനങ്ങളുണ്ടായി. യഥാർഥത്തിൽ അതൊരു കീഴടങ്ങലായിരുന്നോ? സ്മാർട്ട് ഫോണുകൾ, ലാപ്‌ടോപ്പുകൾ, പെൻ ഡ്രൈവുകൾ, മറ്റ് ഒട്ടേറെ ടെക് ഉൽപന്നങ്ങൾ എന്നിവയ്ക്കുള്ള ഇറക്കുമതി ചുങ്കങ്ങളിലാണ് യുഎസ് ഇളവുകൾ പ്രഖ്യാപിച്ചത്. പിന്നാലെ മൂന്നു ദിവസത്തിനു ശേഷം, ചൈനീസ് ഇലക്ട്രോണിക് ഉൽപന്നങ്ങൾക്ക് പുതിയ തീരുവ ചുമത്തുമെന്ന് ട്രംപ് പ്രഖ്യാപിക്കുകയും ചെയ്തു. ഇതോടെ അടുത്തടുത്ത ദിവസങ്ങളിലെ ട്രംപിന്റെ പ്രഖ്യാപനങ്ങൾ വിപണിയിൽ വലിയ ആശയക്കുഴപ്പമുണ്ടാക്കി. ഓഹരി വിപണികളിൽ പോലും ഇതിന്റെ തിരിച്ചടി പ്രകടമായിരുന്നു. എന്നാൽ ഇലക്ട്രോണിക് ഉൽപന്നങ്ങളുടെ ലോകത്തെ ഏറ്റവും വലിയ നിര്‍മാണ കേന്ദ്രമായ ചൈനയ്ക്ക് ട്രംപ് ഇത്തരമൊരു ഇളവ് നൽകിയത് എന്തിനാകും?
Opinion And Analysis
പന്ത് ചൈനയുടെ കോർട്ടിലെന്ന് ട്രംപ്: ‘സമ്മർദ്ദം ചെലുത്തുന്നതും ഭീഷണിപ്പെടുത്തുന്നതും യുഎസ് നിർത്തണം’

വാഷിങ്ടൻ ∙ യുഎസിന്റെ പുതിയ താരിഫ് നയവുമായി ബന്ധപ്പെട്ട ചർച്ചകൾ മുന്നോട്ടു കൊണ്ടുവരേണ്ടത് ചൈനയാണെന്ന് വൈറ്റ് ഹൗസ്. ‘‘പന്ത് ചൈനയുടെ കോർട്ടിലാണ്. ചൈന ഞങ്ങളുമായി കരാറിൽ ഏർപ്പെടണം. ഞങ്ങൾ ചൈനയുമായി കരാറിൽ ഏർപ്പെടേണ്ടതില്ല. ചൈന മറ്റു രാജ്യങ്ങളെക്കാൾ വലുതാണെന്നതൊഴിച്ചാൽ വേറെ വ്യത്യാസമൊന്നുമില്ല’’
Latest News
പ്രവചനങ്ങളെ കടത്തിവെട്ടി ചൈനയുടെ ജിഡിപി മുന്നേറ്റം; പകരച്ചുങ്കം 245 ശതമാനമാക്കി ട്രംപിന്റെ ‘പ്രത്യാക്രമണം’, കാത്തിരിക്കുന്നത് വൻ വീഴ്ച?

മുങ്ങുന്ന സമ്പദ്‍വ്യവസ്ഥയ്ക്ക് പുതിയ കുതിപ്പേകാനായി ചൈനീസ് ഭരണകൂടവും കേന്ദ്രബാങ്കായ പീപ്പിൾസ് ബാങ്ക് ഓഫ് ചൈനയും നടപ്പാക്കിയ ഉത്തേജക പദ്ധതികളാണ് ജിഡിപിക്ക് കരുത്തായതെന്നാണ് വിലയിരുത്തൽ. മാർച്ചിൽ റീട്ടെയ്ൽ വിൽപന 5.9 ശതമാനം വാർഷിക വളർച്ച രേഖപ്പെടുത്തി. ഇതും അനലിസ്റ്റുകൾ പ്രതീക്ഷിച്ച 4.2 ശതമാനത്തെ കടത്തിവെട്ടി.
Economy
പന്ത് ചൈനയുടെ കോർട്ടിൽ; യുഎസുമായി കരാറിന് ചൈന തയാറാകണം: കാരലിൻ ലീവിറ്റ്

വാഷിങ്ടൻ ∙ ചൈനയുമായി വ്യാപാര കരാറിന് യുഎസ് പ്രസിഡന്റ് ഡോണൾഡ് ട്രംപിന് തുറന്ന മനസാണെന്നും എന്നാൽ ചൈനയാണ് അതിനുള്ള ആദ്യ നീക്കം നടത്തേണ്ടതെന്നും വൈറ്റ്ഹൗസ് പ്രസ് സെക്രട്ടറി കാരലിൻ ലീവിറ്റ്. ‘പന്ത് ചൈനയുടെ കോർട്ടിലാണ്. യുഎസുമായി വ്യാപാര കരാറിന് ചൈന തയാറാകണം. ചൈനയെ അങ്ങോട്ട് സമീപിച്ച് കരാറിന് ശ്രമിക്കേണ്ട ആവശ്യം യുഎസിനില്ല. ചൈനയുമായി കരാറിന് സന്നദ്ധനാണെന്ന് പ്രസിഡന്റ് ട്രംപ് വ്യക്തമാക്കിയിട്ടുള്ളതാണ്.’ – കാരലിൻ ലീവിറ്റ് പറഞ്ഞു.
Latest News
ട്രംപിന്റെ ചുങ്കം സാമാന്യബുദ്ധിക്ക് നിരക്കാത്തതെന്ന് ചൈന; പേടിയില്ല, അടിക്ക് തിരിച്ചടി! പ്രശ്നം തീർക്കേണ്ടത് യുഎസ്

അമേരിക്കയുടേത് ഏകപക്ഷീയമായ ഭീഷണിയാണെന്നും ഇതിനെ ചെറുക്കാൻ ഒപ്പം ചേരണമെന്നും ചൈന യൂറോപ്യൻ യൂണിയനോട് ആവശ്യപ്പട്ടിരുന്നു. അതിനു പിന്നാലെയാണ് നികുതി വർധന.
Economy
താരിഫ് ഇളവ്: യുഎസ് ഓഹരി വിപണിക്ക് താൽക്കാലിക ആശ്വാസം, പ്രതികരിച്ച് പ്രമുഖർ

യുഎസ് പ്രസിഡന്റ് ഡോണൾഡ് ട്രംപ് പ്രഖ്യാപിച്ച താരിഫുകൾക്ക് 90 ദിവസത്തെ ഇളവ് അനുവദിച്ചു.
US News
Reciprocal Tariff ‘സർ എന്തു വേണമെങ്കിലും ചെയ്യാം; ഒത്തുതീർപ്പിനു വേണ്ടി ആ രാജ്യങ്ങൾ എന്നോടു കെഞ്ചുന്നു’

തീരുവയുടെ കാര്യത്തിൽ യുഎസുമായി കോർക്കുന്ന രാജ്യങ്ങളെ ഡോണൾഡ് ട്രംപ് രൂക്ഷമായി പരിഹസിച്ചു. ‘യുഎസുമായി കരാറിലെത്താൻ അവർ എന്തിനും തയാറാണ്. ഒത്തുതീർപ്പിനു വേണ്ടി ആ രാജ്യങ്ങൾ എന്നെ വിളിച്ചു കെഞ്ചുകയാണ്. സർ, ദയവായി കരാർ ഉണ്ടാക്കൂ, ഞാൻ എന്തു വേണമെങ്കിലും ചെയ്യാം... (അശ്ലീല പരാമർശം)’ എന്നാണ് അവർ പറയുന്നതെന്നും ട്രംപ് വ്യക്തമാക്കി. ഔഷധ മേഖലയിലെ തീരുവ ഉടൻ പ്രഖ്യാപിക്കുമെന്നും ട്രംപ് അറിയിച്ചു.
Latest News
Reciprocal Tariff പകരച്ചുങ്കം മരവിപ്പിച്ച് അപ്രതീക്ഷിത പ്രഖ്യാപനം; ട്രംപിന്റെ തീരുമാനം തിരിച്ചടി ഭയന്ന്?

വാഷിങ്ടൻ ∙ പകരച്ചുങ്കം നടപ്പാക്കാനുള്ള യുഎസ് തീരുമാനം ആഗോളതലത്തിൽ ഓഹരി വിപണികളിൽ പ്രതിഫലിച്ചതിനു പിന്നാലെയാണ് നടപടി മരവിപ്പിക്കാനുള്ള യുഎസ് പ്രസിഡന്റ് ഡോണൾ‍ഡ് ട്രംപിന്റെ തീരുമാനം. കഴിഞ്ഞ ദിവസങ്ങളിൽ ഓഹരി വിപണികളിൽ സമീപകാലത്തെ ഏറ്റവും വലിയ തകർച്ച നേരിട്ട യുഎസ്, പകരച്ചുങ്കം പ്രാബല്യത്തിൽ വരുന്നതോടെ കൂടുതൽ തകർച്ച അഭിമുഖീകരിക്കുമെന്ന് സാമ്പത്തിക വിദഗ്ധർ മുന്നറിയിപ്പ് നൽകിയിരുന്നു. കയറ്റുമതിയിൽ ഇടിവ്, വിദേശ ബന്ധങ്ങളിൽ തകർച്ച എന്നിവയ്‌ക്കൊപ്പം വിലക്കയറ്റവും ആസന്നമാണെന്നും വിലയിരുത്തലുണ്ട്.
Latest News

Results 1-10 of 72

1
2
3
8

ADVERTISEMENT

News & Specials
Now on WhatsApp

Get latest news updates and Onmanorama exclusives on our WhatsApp channel.