മഖാന മസാല, ശരീര ഭാരം കുറയ്ക്കാൻ ആഗ്രഹിക്കുന്നവർക്കു ഭക്ഷണത്തിൽ ഉൾപ്പെടുത്താം

താമര വിത്ത് മസാല, ശരീര ഭാരം കുറയ്ക്കാൻ ആഗ്രഹിക്കുന്നവർക്കു ഭക്ഷണത്തിൽ ഉൾപ്പെടുത്താം.

ചേരുവകൾ

• മഖാന (താമര വിത്ത്) - 2 കപ്പ് 
• നെയ്യ് - 2 ടീസ്പൂൺ 
• കറിവേപ്പില - ആവശ്യത്തിന് 
• ഉപ്പ്‌ - 1/4 ടീസ്പൂൺ   
• പഞ്ചസാര - 1/8 ടീസ്പൂൺ 
• മഞ്ഞൾ പൊടി - 1/8 ടീസ്പൂൺ 
• കാശ്മീരി മുളകുപൊടി - 1/4 ടീസ്പൂൺ 

തയാറാക്കുന്ന വിധം  

ചുവടുകട്ടിയുള്ള പാൻ അടുപ്പത്തു വച്ച് ചൂടാകുമ്പോൾ നെയ്യും കറിവേപ്പിലയും താമര വിത്തും ചേർത്തു നല്ല ക്രിസ്പിയാകുന്നതുവരെ ഏകദേശം 6 - 8 മിനിറ്റ് റോസ്റ്റ് ചെയ്തെടുക്കണം.

ശേഷം ഇതിലേക്ക് ഉപ്പ്, പഞ്ചസാര, മഞ്ഞൾപ്പൊടി, മുളകുപൊടി എന്നിവ ചേർത്തു മസാല മഖാനയിൽ നന്നായി പിടിക്കാനായി രണ്ടു മിനിറ്റോളം ചേർത്തിളക്കി യോജിപ്പിച്ചെടുക്കുക.

നന്നായി തണുത്തതിനു ശേഷം വായുകടക്കാത്ത പാത്രത്തിൽ സൂക്ഷിച്ചാൽ ഒരു ആഴ്ചയോളം കേടാകില്ല.

Content Summary : Healthy masala makhana snack recipe by Diji.