വീടു കേന്ദ്രീകരിച്ച് വാറ്റ്; കെഎസ്ഇബി ഉദ്യോഗസ്ഥന്റെ വീട്ടിൽ നിന്ന് 15 ലീറ്റർ ചാരായവും 200 ലീറ്റർ വാഷും പിടിച്ചെടുത്തു

കാടുകുറ്റി∙ എക്‌സൈസ് നടത്തിയ പരിശോധനയിൽ കെഎസ്ഇബി ഉദ്യോഗസ്ഥന്റെ വീട്ടിൽ നിന്ന് 15 ലീറ്റർ ചാരായവും 200 ലീറ്റർ വാഷും വാറ്റുപകരണങ്ങളും പിടിച്ചെടുത്തു. വളവനങ്ങാടി കോലോത്ത് പാറപ്പുറം സുകുമാരന്റെ വീട്ടിൽ നിന്നാണ് ഇവ കണ്ടെത്തിയത്.

പരിശോധന സമയത്ത് സുകുമാരൻ വീട്ടിലുണ്ടായിരുന്നില്ലെന്ന് എക്‌സൈസ് അറിയിച്ചു. ചാലക്കുടി റേഞ്ച് ഇൻസ്‌പെക്ടർ ബിജു ദാസ്, പ്രിവന്റീവ് ഓഫിസർമാരായ സതീഷ് കുമാർ, പ്രിൻസ്, കൃഷ്ണ പ്രസാദ് എന്നിവർ എക്സൈസ് പരിശോധനാ സംഘത്തിലുണ്ടായിരുന്നു.