ലോക കേരള സഭ: മേഖലാ സമ്മേളനം അമേരിക്കയിലും സൗദി അറേബ്യയിലും

തിരുവനന്തപുരം∙ ലോക കേരള സഭയുടെ മേഖലാ സമ്മേളനം അമേരിക്കയിലും സൗദി അറേബ്യയിലും. ജൂൺ മാസം അമേരിക്കയിലും സെപ്റ്റംബർ മാസം സൗദി അറേബ്യയിലുമാണ് സമ്മേളനം. ഇതിനായി ചീഫ് സെക്രട്ടറി ചെയർമാനായി സബ് കമ്മിറ്റി രൂപീകരിച്ചു. 2022 ഒക്ടോബറിൽ ലണ്ടനിൽ വച്ച് ലോക കേരള സഭയുടെ മേഖലാ സമ്മേളനം നടന്നിരുന്നു.

Read Also: നവജാത ശിശുവിനെ തുണിയിൽ പൊതിഞ്ഞ് ബക്കറ്റിനുള്ളിൽ ഉപേക്ഷിച്ച നിലയില്‍ കണ്ടെത്തി

ലോക കേരള സഭയുടെ നേതൃത്വത്തിൽ പ്രവാസി സഹകരണവും ഇടപെടലുകളും വർധിപ്പിക്കുവാൻ ലക്ഷ്യമിട്ടാണ് മേഖലാ സമ്മേളനങ്ങൾ ചേരുന്നത്. പ്രവാസികളുടെ പൊതുവായ പ്രശ്നങ്ങൾക്കു പുറമേ വ്യത്യസ്ത ഭൂവിഭാഗങ്ങളിലുള്ളവരുടെ പ്രശ്നങ്ങൾക്കൂടി കേൾക്കാനും പരിഹരിക്കാനും ലക്ഷ്യം വച്ചുകൊണ്ടാണ് മേഖലാ സമ്മേളനങ്ങൾ സംഘടിപ്പിക്കുവാൻ സർക്കാർ തീരുമാനമെടുത്തത്. ആദ്യ മേഖലാ സമ്മേളനം 2019ൽ യുഎഇയിൽ നടന്നിരുന്നു. 

English Summary: Loka Kerala Sabha regional meet in USA and Saudi Arabia