രാവിലെ ഉണരുമ്പോൾ ഈ പ്രശ്നങ്ങളുണ്ടോ? കൂടുതൽ ബാധിക്കുക സ്ത്രീകളെ, ഓഫിസ് ജോലിക്കാരും ശ്രദ്ധിക്കണം; ലക്ഷണങ്ങൾ പലത്

കുനിഞ്ഞു നിവരുമ്പോഴും നടക്കുമ്പോഴുമുള്ള പ്രയാസങ്ങൾ വയസ്സായതിന്റെ ലക്ഷണങ്ങളാണെന്ന്, എൺപതുകളിലും തൊണ്ണൂറുകളിലും ജനിച്ചവരെ കളിയാക്കാൻ ന്യൂജെൻ പിള്ളേർ ഇറക്കുന്ന ചില റീലുകളുണ്ട്. എന്നാൽ യഥാർഥ ജീവിതത്തിൽ രാവിലെ എഴുന്നേൽക്കുമ്പോൾ കൈ നിവർത്താൻ കഴിയാത്ത അവസ്ഥ എത്ര വിഷമകരമായിരിക്കും. ചിലയാളുകളിൽ ഈ അവസ്ഥ ഏറെ നേരം തുടരും. യഥാർഥത്തിൽ എന്താണ് ഇതിനു പിന്നിലെ കാരണം? ഇതൊരു രോഗലക്ഷണം മാത്രമാണ്. ഒരുപക്ഷേ സന്ധിവാത രോഗമായിരിക്കാം, അല്ലെങ്കിൽ‍ അസ്ഥി രോഗങ്ങളും. ഇപ്പോഴത്തെ ആരോഗ്യപ്രശ്നങ്ങളിൽ രണ്ടും വില്ലന്മാരാണ്. അതിൽത്തന്നെ സന്ധിവാതം (Rheumatoid arthritis) അഥവാ ആമവാതം കുറച്ചേറെ പ്രശ്നമാണ്. മനുഷ്യന്റെ ചലന സ്വാതന്ത്ര്യത്തെയും ആരോഗ്യത്തെയും വരെ സാരമായി ബാധിക്കുന്ന രോഗം എന്നുവേണമെങ്കിൽ ഇതിനെ വിശേഷിപ്പിക്കാം. പക്ഷേ, കണ്ടെത്തി നല്ല ചികിത്സ ആദ്യമേ ലഭിച്ചാൽ ഈ രോഗത്തിന് ശാശ്വതമായ പരിഹാരമുണ്ട്. എന്താണ് സന്ധിവാതത്തിന്റെ ലക്ഷണങ്ങൾ, എന്തെല്ലാമാണ് ചികിത്സകൾ? സന്ധിവാതം സംബന്ധിച്ച തെറ്റിദ്ധാരണകൾ എങ്ങനെ പരിഹരിക്കാം? ചെറുപ്പക്കാരും സ്ത്രീകളും ഈ രോഗത്തെ ഏറെ ശ്രദ്ധിക്കേണ്ടത് എന്തുകൊണ്ടാണ്? ഫിസിഷ്യനും റുമറ്റോളജിസ്റ്റുമായ ഡോ. ജേക്കബ് ആന്റണി മനോരമ ഓൺലൈൻ പ്രീമിയത്തിൽ സംസാരിക്കുന്നു.