ഗ്ലോബൽ വില്ലേജ് ഒക്ടോബർ 16 മുതൽ; വിഐപി പായ്ക്കുകൾ വാങ്ങാം, വിർജിൻ മെഗാസ്റ്റോറിൽനിന്ന്

ദുബായ് ∙ ഗ്ലോബൽ വില്ലേജ് സന്ദർശിക്കുന്നതിനുള്ള വിഐപി പായ്ക്കുകൾ അംഗീകൃത പ്ലാറ്റ്ഫോമിൽനിന്നു മാത്രമേ വാങ്ങാവൂ എന്ന് ഗ്ലോബൽ വില്ലേജ് അധികൃതർ. 

വിർജിൻ മെഗാസ്റ്റോറിൽനിന്നാണ് വിഐപി പായ്ക്ക് വാങ്ങേണ്ടത്. അംഗീകാരമില്ലാത്ത ഇടങ്ങളിൽനിന്ന് വാങ്ങുന്നവയ്ക്ക് സാധുതയുണ്ടാകില്ല. പുതിയ സീസണിലേക്കുള്ള വിഐപി പായ്ക്കുകളുടെ ബുക്കിങ് 24ന് തുടങ്ങി. ഈ മാസം 28 രാവിലെ 9 വരെ ഓൺലൈൻ വഴി വാങ്ങാം. വിസ്മയ കാഴ്ചകളുടെ കലവറയുമായി ഗ്ലോബൽ വില്ലേജിന്റെ പുതിയ സീസണിന് ഒക്ടോബർ 16ന് തുടക്കമാകും. ഇന്ത്യ ഉൾപ്പെടെ 78 രാജ്യങ്ങളുടെ പങ്കാളിത്തമുള്ള 26 പവിലിയനുകളിലൂടെ വിവിധ രാജ്യങ്ങളുടെ കലാസാംസ്കാരിക, ഭക്ഷണ രീതികൾ അടുത്തറിയാം. മേയ് 11 വരെ നീളും.