നിലത്തുവീണ ഭക്ഷണം പെറുക്കിത്തിന്നാമോ? എത്ര സെക്കൻഡിൽ ബാക്ടീരിയ കയറും?

നിലത്തുവീണ ഭക്ഷണം പെട്ടെന്നുതന്നെ വാരിയെടുത്താൽ വീണ്ടും കഴിക്കാമോ? ചെറുപ്പം മുതൽ കേട്ടിട്ടുള്ള ചോദ്യമാണ്. എത്രനേരത്തിനുള്ളിൽ പെറുക്കിയെടുക്കണം? 3 സെക്കൻഡ്, 5 സെക്കൻഡ്, 10 സെക്കൻഡ്; അങ്ങനെ നീളുന്നു സംശയം. എത്രയും വേഗമെങ്കിൽ അത്രയും നല്ലത് എന്നാണു പറയാറുള്ളത്. ഐതിഹ്യമനുസരിച്ച് ഈ ചോദ്യത്തിന്റെ ഉറവിടം മംഗോളിയൻ ചക്രവർത്തി ചെങ്കിസ് ഖാനിൽനിന്നാണ്. തനിക്കുണ്ടാക്കിയ ഭക്ഷണം എപ്പോഴും ഭക്ഷ്യയോഗ്യമാണെന്നായിരുന്നു അദ്ദേഹത്തിന്റെ തിരുവചനം