ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ
Mail This Article
അശ്വതി: പ്രയത്നങ്ങൾക്കു പ്രോത്സാഹനവും അംഗീകാരവും സാമ്പത്തികനേട്ടവും ലഭിക്കും. വാഹന ഉപയോഗത്തിൽ വളരെ ശ്രദ്ധ വേണം.
ഭരണി: ബന്ധുവിന്റെ ആവശ്യങ്ങൾക്കായി അവധിയെടുത്തു ദൂരയാത്ര വേണ്ടിവരും. പരീക്ഷ, ഇന്റർവ്യൂ തുടങ്ങിയവയിൽ വിജയം കൈവരിക്കും.
കാർത്തിക: മാന്യതയോടു കൂടിയ പെരുമാറ്റരീതി അവലംബിക്കും. നഷ്ടപ്പെട്ട സ്ഥാനമാനങ്ങൾ തിരികെ ലഭിക്കും. വ്യാപാര വിപണന മേഖലകളിൽ പുരോഗതിയുണ്ടാകും.
രോഹിണി: സംഘടിതശ്രമങ്ങൾ വിജയിക്കും. ആത്മവിശ്വാസത്തോടുകൂടി പരീക്ഷയെഴുതുവാൻ സാധിക്കും. സാമ്പത്തിക വരുമാനം വർധിക്കും.
മകയിരം: പുതിയ പ്രവർത്തന മേഖലകൾക്കു രൂപം നൽകും. ഗൃഹോപകരണങ്ങൾ മാറ്റിവാങ്ങുവാനിടവരും.
തിരുവാതിര: വ്യവസായ പുരോഗതി കൈവന്നതിനാൽ ആശ്വാസമാകും. ഉപരിപഠനത്തിന്റെ പ്രാധാന്യം മനസ്സിലാക്കി ഉദ്യോഗം ഉപേക്ഷിക്കും.
പുണർതം: ഔദ്യോഗികമായി വിദേശയാത്രയ്ക്ക് അനുമതി ലഭിക്കും. സഹായാഭ്യർഥന നിരസിച്ചതിനാൽ ബന്ധുക്കൾ വിരോധികളായിത്തീരും.
പൂയം: അപകീർത്തി ഒഴിവാക്കുവാൻ പൊതുപ്രവർത്തനങ്ങളിൽ നിന്നും വിട്ടുനിൽക്കും. വിട്ടുവീഴ്ചാ മനോഭാവത്താൽ കുടുംബത്തിൽ സ്വസ്ഥതയും സമാധാനവും ഉണ്ടാകും.
ആയില്യം: കുടുംബ തർക്കങ്ങളിൽ നിന്നും നിരുപാധികം പിന്മാറുവാൻ ഉൾപ്രേരണയുണ്ടാകും. വീടിനു സമീപത്തേക്ക് ഉദ്യോഗമാറ്റമുണ്ടാകും.
മകം: ഗൃഹനിർമാണം പൂർത്തീകരിച്ചു ഗൃഹപ്രവേശന കർമം നിർവഹിക്കും. പുത്രന്റെ സമീപന ശൈലിയിൽ ആശ്വാസം തോന്നും. പുതിയ കൃഷിസമ്പ്രദായം ആവിഷ്കരിക്കുന്നതിൽ സംതൃപ്തി നേടും.
പൂരം: കൂട്ടുകച്ചവടത്തിൽ നിന്നും പിന്മാറി സ്വന്തമായ വ്യാപാരത്തിനു തുടക്കം കുറിക്കും. വിതരണ സമ്പ്രദായം വിപുലീകരിക്കാൻ നടപടികൾ സ്വീകരിക്കും.
ഉത്രം: ഉപരിപഠനത്തിന് അനുസൃതമായ ഉദ്യോഗത്തിനു നിയമനാനുമതി ലഭിക്കും. മാതാപിതാക്കളെ വിദേശത്തേക്കു കൊണ്ടുപോകുവാനുള്ള അനുമതി ലഭിക്കും.
അത്തം: പൂർവികസ്വത്ത് വിൽപന ചെയ്ത് പട്ടണത്തിൽ ഗൃഹം വാങ്ങുവാൻ ധാരണയാകും. വാക്കും പ്രവൃത്തിയും ഫലപ്രദമാകും. വിമർശനങ്ങളെ അതിജീവിക്കും.
ചിത്തിര: സമൂഹത്തിൽ ഉന്നതരുമായി സൗഹൃദബന്ധത്തിലേർപ്പെടാൻ അവസരമുണ്ടാകും. യാത്രാക്ലേശം വർധിക്കും.
ചോതി: പരിസരവാസികളുടെ ഉപദ്രവത്താൽ മാറിത്താമസിക്കാനിടവരും. മാതാപിതാക്കളുടെ ഉപദേശപ്രകാരം ഉപരിപഠനത്തിനു ചേരും.
വിശാഖം : സുദീർഘമായ ചർച്ചയിലൂടെ സുപ്രധാനകാര്യങ്ങൾ തീരുമാനത്തിലെത്തിക്കാൻ സാധിക്കും. കുടുംബത്തിൽ സമാധാന അന്തരീക്ഷം സംജാതമാകും.
അനിഴം: കുടുംബാംഗങ്ങളോടൊപ്പം വിനോദയാത്ര പുറപ്പെടും. പ്രവർത്തന മേഖലകളിൽ നിന്നും സാമ്പത്തിക പുരോഗതിയുണ്ടാകും. മത്സരരംഗങ്ങളിൽ വിജയിക്കും.
തൃക്കേട്ട: സുഹൃത്‌സഹായഗുണത്താൽ വിദേശത്തു നല്ല ഉദ്യോഗം ലഭിക്കും. സാമ്പത്തിക പ്രതിസന്ധി കാരണം ഗൃഹനിർമാണം തൽക്കാലം നിർത്തിവയ്ക്കും.
മൂലം: വളരെ വർഷങ്ങൾക്കു ശേഷം വിദേശത്തു വസിക്കുന്ന ബന്ധു കുടുംബസമേതം വിരുന്നുവരും. വ്യാപാര വ്യവസായ സമുച്ചയം പണിയുവാനുള്ള ഭൂമി വാങ്ങുവാനിടവരും.
പൂരാടം: തൊഴിൽ മേഖലകളിൽ നിന്നും സാമ്പത്തികനേട്ടം ഉണ്ടാകുന്നതിനാൽ പുതിയ ജോലിക്കാരെ നിയമിക്കാനിടവരും. ദാമ്പത്യ സൗഖ്യവും കുടുംബത്തിൽ സ്വസ്ഥതയും സമാധാനവും ഉണ്ടാകും.
ഉത്രാടം: സുഹൃത്തിനു സാമ്പത്തിക സഹായം നൽകാനിടവരുമെങ്കിലും വേണ്ടതായ രേഖകൾ വാങ്ങുവാൻ മറക്കരുത്. സന്താനങ്ങളോടൊപ്പം താമസിക്കുവാൻ അന്യദേശയാത്ര പുറപ്പെടും.
തിരുവോണം: ഏറ്റെടുത്ത കരാർ ജോലികൾ നിശ്ചിത സമയത്തിനുള്ളിൽ ചെയ്തു തീർക്കുവാൻ സാധിക്കുന്നതിനാൽ പുതിയവ ലഭിക്കും. മനസ്സിന്റെ ആധി കാരണത്താൽ അവധിയെടുത്ത് ഈശ്വര ആരാധനകളിലും ധർമ പ്രവൃത്തികളിലും വ്യാപൃതനാകും.
അവിട്ടം: കുടുംബത്തിൽ സ്വസ്ഥതയും സമാധാനവും ദാമ്പത്യസൗഖ്യവും ഉണ്ടാകും. പ്രവൃത്തി മേഖലകളിൽ നിന്നും സാമ്പത്തികനേട്ടം വർധിക്കും.
ചതയം: ബന്ധുവിന്റെ ആവശ്യങ്ങൾക്കായി അവധിയെടുത്തു ദൂരദേശയാത്ര പുറപ്പെടും. അഗ്നി, ആയുധം, ധനം, വാഹനം എന്നിവ ഉപയോഗിക്കുമ്പോൾ വളരെ സൂക്ഷിക്കണം.
പൂരുരുട്ടാതി: വസ്തു–വാഹന ക്രയവിക്രയങ്ങളിൽ നിന്നും സാമ്പത്തികനേട്ടം വർധിക്കും. ആശയവിനിമയങ്ങളിൽ അപാകതകൾ ഉണ്ടാകാതെ സൂക്ഷിക്കണം.
ഉത്തൃട്ടാതി: നറുക്കെടുപ്പിലും സമ്മാനപദ്ധതികളിലും വിജയിക്കും. വ്യാപാര വ്യവസായ പുരോഗതിക്കായി ഉത്സാഹികളായ ഉദ്യോഗസ്ഥരെ നിയമിക്കും. ആരാധനാലയത്തിലെ ഉത്സവാഘോഷങ്ങളിൽ സജീവമായി പങ്കെടുക്കും.
രേവതി: ദുരഭിമാനികളായ ബന്ധുക്കളുമായുള്ള ആത്മബന്ധത്തിൽ നിന്നും പിന്മാറുകയാണു നല്ലത്. ഔദ്യോഗികമായി സ്ഥാനക്കയറ്റവും ഉദ്ദേശിച്ച സ്ഥലത്തേക്ക് ഉദ്യോഗമാറ്റവും ഉണ്ടാകും.
