നടൻ പ്രഭുദേവ ചോറ്റാനിക്കര ക്ഷേത്രത്തിൽ ദർശനം നടത്തി

ചോറ്റാനിക്കര ∙ തെന്നിന്ത്യൻ സിനിമ താരം പ്രഭുദേവ ചോറ്റാനിക്കര ദേവീക്ഷേത്രത്തിൽ ദർശനം നടത്തി. പുതിയ സിനിമയുടെ ചിത്രീകരണത്തിനായി കേരളത്തിലെത്തിയ പ്രഭുദേവ ഇന്നലെ രാവിലെ ആറരയോടെയാണു ക്ഷേത്രത്തിലെത്തിയത്.   ക്ഷേത്രത്തിലും കീഴ്ക്കാവിലും ദർശനം നടത്തി ഒരു മണിക്കൂറോളം ചെലവഴിച്ച ശേഷമാണ് അദ്ദേഹം മടങ്ങിയത്.  ക്ഷേത്രത്തിലെ ആന യമുനയോടൊപ്പം എടുത്ത ചിത്രം പ്രഭുദേവ ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്.