‘ആമ്പലെ നീലാമ്പലെ...’; ത്രയത്തിലെ പ്രണയപ്പാട്ട് പുറത്ത്
Mail This Article
ധ്യാന്‍, സണ്ണിവെയ്ന്‍, നിരഞ്ജ് മണിയന്‍പിള്ള എന്നിവർ ഒന്നിക്കുന്ന ‘ത്രയ’ത്തിലെ ആദ്യഗാനം ആസ്വാദകഹൃദയങ്ങൾ കീഴടക്കുന്നു. മനു മഞ്ജിത്തിന്റെ വരികൾക്ക് അരുൺ മുരളീധരൻ ഈണം പകർന്ന ഗാനമാണിത്. കെ.എസ്.ഹരിശങ്കർ ഗാനം ആലപിച്ചു. പാട്ട് ഇതിനകം ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളാണു ലഭിക്കുന്നത്.
സഞ്ജിത്ത് ചന്ദ്രസേനൻ സംവിധാനം ചെയുന്ന ചിത്രമാണ് ‘ത്രയം’. രാഹുല്‍ മാധവ്, ശ്രീജിത്ത് രവി, ചന്തുനാഥ്, കാര്‍ത്തിക് രാമകൃഷ്ണന്‍, സുരഭി സന്തോഷ്, നിരഞ്ജന അനൂപ്, സരയൂ മോഹന്‍, അനാര്‍ക്കലി മരിക്കാര്‍ തുടങ്ങിയവരും ചിത്രത്തിൽ വേഷമിടുന്നു. അജിത് വിനായക ഫിലിംസിന്റെ ബാനറിൽ വിനായക അജിത്ത് ആണ് ത്രയത്തിന്റെ നിർമാണം.
‘ഗോഡ്‌സ് ഓണ്‍ കണ്‍ട്രി’ എന്ന ചിത്രത്തിനു ശേഷം അരുണ്‍ കെ ഗോപിനാഥ് തിരക്കഥയും സംഭാഷണവുമെഴുതുന്ന സിനിമയാണ് ‘ത്രയം’. ജിജു സണ്ണി ഛായാഗ്രഹണം നിർവഹിക്കുന്നു. എഡിറ്റിങ്: രതീഷ് രാജ്.
