കൊഴുക്കട്ട ഇങ്ങനെ തയാറാക്കി നോക്കൂ, ഒപ്പം സൂപ്പർ ചമ്മന്തിയും

പൂ പോലെ മൃദുലമായ കൊഴുക്കട്ട കഴിക്കണോ? ഇങ്ങനെ തയാറാക്കി നോക്കൂ. ഇതിനൊപ്പം ഒരു ചമ്മന്തി കൂടിയുണ്ട്. പ്രഭാത ഭക്ഷണം രുചികരമാകട്ടെ

ചേരുവകൾ

• ഇഡ്‌ലി അരി - 2 ഗ്ലാസ്‌ 
• വെള്ളം - ആവശ്യത്തിന് 
• ഉപ്പ് - 1 1/2 ടീസ്പൂൺ 
• വെളിച്ചെണ്ണ- 2 ടേബിൾ സ്പൂൺ 
• കടുക് - 1 ടീസ്പൂൺ 
• ഉഴുന്ന് പരിപ്പ് - 1 ടേബിൾ സ്പൂൺ 
• ചുവന്ന മുളക് - 3 എണ്ണം 
• കറിവേപ്പില 
• ജീരകം - 1 ടീസ്പൂൺ 
• കുരുമുളക് - 1 ടീസ്പൂൺ 
• നാളികേരം ചിരവിയത് - 1

• അരി വെള്ളത്തിലിട്ട് 4 മണിക്കൂർ കുതിർത്തു വയ്ക്കുക. 
  
• അതിന് ശേഷം ഉപ്പും ചേർത്ത് തരുതരുപ്പായി അരയ്ക്കുക. 

• ഒരു ചീനച്ചട്ടിയിൽ എണ്ണ ഒഴിച്ച് കടുക്‌ , ഉഴുന്ന് പരിപ്പ്, ചുവന്ന മുളക്, കറിവേപ്പില ചേർത്ത് വഴറ്റുക. 
  
• അതിലേക്ക് ജീരകം, കുരുമുളക് എന്നിവ ചേർക്കുക. 
• 2 മിനിറ്റ് വഴറ്റിയ ശേഷം അരച്ച് വെച്ചിരിക്കുന്ന മാവ് ചേർത്ത് 1 കപ്പ്‌ വെള്ളവും ഒഴിച്ച് കട്ട പിടിക്കാതെ നന്നായി ഇളക്കുക. 
• വെള്ളം വറ്റി തുടങ്ങുമ്പോൾ മാവ് വെന്തു കഴിഞ്ഞിട്ടുണ്ടാകും. 
• ചീനച്ചട്ടി വാങ്ങി വെച്ച ശേഷം നാളികേരം ചേർക്കുക. 

തണുത്ത ശേഷം ഉരുളകളാക്കി ആവിയിൽ വേവിച്ചെടുക്കുക. 

അതിനൊപ്പമുള്ള ചമ്മന്തി 

• ചെറിയ ഉള്ളി - 1 കപ്പ്
  
• ചുവന്ന മുളക് - 10 എണ്ണം 
• ഉപ്പ് - പാകത്തിന് 

ഈ മൂന്ന് ചേരുവകളും വെള്ളം ചേർക്കാതെ മിക്സിയിൽ ചതച്ചെടുക്കുക. ശേഷം കുറച്ച് വെള്ളം ചേർത്ത് 2 മിനിട്ട് നിർത്താതെ അരച്ചെടുക്കുക. 

വെളിച്ചെണ്ണയിൽ കടുക് വറുത്തു ചമ്മതിയിലേക്കു ചേർക്കുക.  

English Summary: Kozhukatta Recipe.