ഊണിനു കൂട്ടാൻ നാടൻ അച്ചിങ്ങ പയർ ഉപ്പേരി

പച്ചപ്പയർ അഥവാ അച്ചിങ്ങ പയർ തോരൻ (ഉപ്പേരി) ഈ രീതിയിൽ തയാറാക്കി നോക്കൂ.

ചേരുവകൾ

• പച്ച പയർ - 250-300 ഗ്രാം
• സവാള - 1
• മഞ്ഞൾപ്പൊടി - കാൽ സ്പൂൺ 
• മുളകുപൊടി - 1 സ്പൂൺ 
• ഉപ്പ് - ആവശ്യത്തിന് 
• വെളിച്ചെണ്ണ - 1-2സ്പൂൺ 
• കടുക്  - 1 സ്പൂൺ 
• ചുവന്ന മുളക് - 1-2എണ്ണം 
• തേങ്ങ – 1 - 2 പിടി 
• കറിവേപ്പില - ആവശ്യത്തിന്

തയാറാക്കുന്ന വിധം

• പയർ കഴുകി തീരെ ചെറുതായി മുറിക്കുക. 
• ഒരു ഫ്രൈയിങ് പാൻ ചൂടാക്കി വെളിച്ചെണ്ണ ചൂടാക്കുക. 
• കടുക് പൊട്ടിച്ചു ചുവന്ന മുളകും കറിവേപ്പിലയും ചേർത്തു മുറിച്ചു വച്ച വെളുത്തുള്ളി, ഉള്ളി എന്നിവ ചേർത്ത് വഴറ്റുക. 
• ശേഷം മഞ്ഞൾപ്പൊടി, മുളകുപൊടി എന്നിവ ചേർത്തു യോജിപ്പിച്ച് ഉപ്പ് ആവശ്യത്തിന് ചേർത്തു തീരെ കുറച്ചു മാത്രം വെള്ളം ഒഴിച്ച് ചെറിയ തീയിൽ വേവിക്കുക. 
• വെന്തശേഷം തേങ്ങ, കറിവേപ്പില എന്നിവ ചേർത്തു യോജിപ്പിക്കുക.

ശ്രദ്ധിക്കാൻ

• മുളകുപൊടി എരിവ് അനുസരിച്ച് എടുക്കാം.
• സവാളയെക്കാൾ ചെറിയ ഉള്ളി ചേർത്താൽ രുചി കൂടും.
• പച്ചമുളക് ആവശ്യമെങ്കിൽ ചേർക്കാം.
• പച്ച തേങ്ങ ചേർത്തു നന്നായി യോജിപ്പിച്ച് ചൂടാക്കണം.

English Summary : Readers Recipe - Tasty and unique payar thoran by Smitha Chandrasekharan