കിടുക്കൻ ക്രിസ്പി ചിക്കൻ പക്കാവട

കിടിലൻ രുചിയിൽ കൊറിക്കാം ചിക്കൻ പക്കാവട.

ചേരുവകൾ

• ചിക്കൻ  - 200 ഗ്രാം 
• ഉള്ളി  - 2 കപ്പ്
• ഇഞ്ചി  - രണ്ടര ടേബിൾസ്പൂൺ
• പച്ചമുളക്  - 3
• കറിവേപ്പില
• മല്ലിയില 
• കടലമാവ്  - 3 /4 കപ്പ്
• അരിപ്പൊടി  - 1/2 കപ്പ്
• കോൺഫ്ലവർ  - 2 ടേബിൾസ്പൂൺ
• മുളകുപൊടി - 1 ടീസ്പൂൺ 
• ബേക്കിങ്  സോഡാ  - 1/4 ടീസ്പൂൺ

തയാറാക്കുന്ന വിധം

• പാത്രത്തിൽ ഉള്ളിയും ഇഞ്ചിയും പച്ചമുളകും കറിവേപ്പിലയും മല്ലിയിലയും എടുത്തു നന്നായി യോജിപ്പിച്ച് എടുക്കാം. ഇതിലേക്ക് ചിക്കൻ അരിഞ്ഞത് യോജിപ്പിച്ച് ഉപ്പും ചേർത്ത് വയ്ക്കുക. 
• വേറൊരു പാത്രത്തിൽ കടലമാവ്, അരിപ്പൊടി, കോൺഫ്ലോർ, ഉപ്പ്, മുളകുപൊടി, ബേക്കിങ് സോഡ എന്നിവ യോജിപ്പിച്ചു ആവശ്യത്തിന് വെള്ളമൊഴിച്ചു കലക്കുക. 
• ഈ മിശ്രിതം ചിക്കനിൽ ഒഴിച്ചു രണ്ടുംകൂടി ശരിക്കും യോജിപ്പിച്ചു ക്രിസ്‌പിയായി വറുത്തെടുക്കുക.

English Summary : Chicken Pakkavada,  Easy Crispy Chicken Pakora.