കഞ്ചാവു പിടിച്ച കേസ്: പ്രതിക്ക് ഒരുവർഷം കഠിനതടവും പിഴയും
Mail This Article
×
പാലക്കാട് ∙ വിൽപനയ്ക്കായി സൂക്ഷിച്ചിരുന്ന 2 കിലോഗ്രാം കഞ്ചാവു പിടിച്ച കേസിലെ പ്രതിക്ക് ഒരു വർഷം കഠിനതടവും ഒരു ലക്ഷം രൂപ പിഴയും ശിക്ഷ. എറണാകുളം പള്ളുരുത്തി സ്വദേശി റൗഫലിനെയാണ് (31) അഡീഷനൽ ജില്ലാ കോടതി (രണ്ട്) ജഡ്ജി ഡി.സുധീർ ഡേവിഡ് ശിക്ഷിച്ചത്. പിഴ അടയ്ക്കാത്തപക്ഷം 6 മാസം അധികതടവ് അനുഭവിക്കണം.
2018 ഏപ്രിൽ 22ന് പാലക്കാട് ജംക്‌ഷൻ റെയിൽവേ സ്റ്റേഷനു സമീപം എക്‌സൈസ് ഇൻസ്പെക്ടർ എം.റിയാസും സംഘവും നടത്തിയ പരിശോധനയ്ക്കിടെ ബാഗിൽ ഒളിപ്പിച്ച കഞ്ചാവു കണ്ടെത്തുകയായിരുന്നു. എക്‌സൈസ് റേഞ്ച് ഓഫിസ് ഇൻസ്പെക്ടർ എം.സജീവ് കുമാറാണു കേസ് അന്വേഷണം നടത്തിയത്. പ്രോസിക്യൂഷനു വേണ്ടി എൻഡിപിഎസ് സ്പെഷൽ പ്രോസിക്യൂട്ടർ ശ്രീനാഥ് വേണു ഹാജരായി.
English Summary:
Palakkad drug trafficking case results in a one-year prison sentence. Raufali, an Ernakulam native, was found guilty of possessing 2 kg of cannabis and was fined ₹1 lakh.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.